Tatũk cĩ Adamĩ
5
Teheedinet balna cĩ tatũk cĩ kõrõõk cĩ Adamĩ coo. Ẽngẽnyca baa Nyekuci et, ẽngẽnyca nẽ ĩnõõnõ kaavu kĩ nẽnẽ.
2 Ẽngẽnyca nẽ et cĩ maacĩ kĩ ngaa cĩ ngayyi, ĩthõng agatan ĩnõõgõ ngaatĩ akanẽcĩ thar cĩk athĩ “Eeta.”
3 Ma baa ngĩ ĩĩ erkinya cĩk Adamĩ eet tur kĩ etĩmma kõmmõtõ (130), ikiyyia itirria nẽ ngẽrĩnĩ ĩmma cĩ aduwõy kĩ ĩnõõnõ kir, ĩthõng akatek ĩnõõnõ thar cĩk athĩ Thẽth.
4 Ma baa ngĩ itirriay Thẽthĩ, ikiyyia ayak Adamĩ lõgõõ cĩk maacĩk kĩ dõõlĩ cĩk ngayyik õõgĩ naboo, ĩthõng abaak nẽ erkinya eet eet ramma (800).
5 Ngaatĩ adaaknĩ baa ngĩ ĩĩ erkinya cĩgĩnnẽk eet eet ramma kĩ eet tur kĩ etĩmma kõmmõtõ (930).
6 Ma baa ngĩ ĩĩtõ erkinya cĩk Thẽthĩ eet tur kĩ tur (105), ikiyyia itirria nẽ ngẽrĩnĩ cĩ athĩ Ẽnõth.
7 Ma baa ngĩ itirriay Ẽnõthĩ, ikiyyia ayak Thẽthĩ lõgõõ cĩk maacĩk kĩ dõõlĩ cĩk ngayyik õõgĩ naboo kuumuc, kĩĩtõ erkinya cĩgĩnnẽk eet eet ramma kĩ tũrgẽrẽm (807).
8 Ngaatĩ thĩ baa adaaknĩ Thẽthĩ baa ngĩ ĩĩtõ erkinya cĩgĩnnẽk eet eet ramma kĩ eet tur kõmmõtõ kĩ ramma (912).
9 Ma baa ngĩ ĩĩtõ erkinya cĩk Ẽnõthĩ eet wec kõmmõtõ (90), ikiyyia itirria nẽ ngẽrĩnĩ cĩ athĩ Kẽnan.
10 Ma baa ngĩ itirriay Kẽnanĩ, ikiyyia ayak Ẽnõthĩ lõgõõ cĩk maacĩk kĩ dõõlĩ cĩk ngayyik õõgĩ naboo kuumuc, kĩĩtõ erkinya cĩgĩnnẽk eet eet ramma kõmmõtõ kĩ tur (815).
11 Ngaatĩ balna adaaknĩ Ẽnõthĩ baa ngĩ ĩĩtõ erkinya cĩgĩnnẽk eet eet ramma kĩ eet tur kĩ tur (905).
12 Ĩthõng ma baa ngĩ ĩĩtõ erkinya cĩk Kẽnanĩ eet iyyio kõmmõtõ (70), ikiyyia itirria ngẽrĩnĩ cĩ athĩ Mahalalẽl.
13 Ma baa ngĩ itirriay Mahalalẽlĩ, ikiyyia ayak Kẽnanĩ lõgõõ cĩk maacĩk kĩ dõõlĩ cĩk ngayyik õõgĩ naboo kuumuc, kĩĩtõ erkinya cĩgĩnnẽk eet eet ramma kĩ eet ramma (840).
14 Ngaatĩ adaaknĩ Kẽnanĩ balna ngĩ ĩĩtõ erkinya cĩgĩnnẽk eet eet ramma kĩ eet tur kõmmõtõ (910).
15 Ĩthõng ma baa ngĩ ĩĩtõ erkinya cĩk Mahalalẽlĩ eet iyyio kĩ tur (65), ikiyyia itirria ngẽrĩnĩ cĩ athĩ Jarẽd.
16 Ma baa ngĩ itirriay Jarẽdĩ, ikiyyia ayak Mahalalẽlĩ lõgõõ cĩk maacĩk kĩ dõõlĩ cĩk ngayyik õõgĩ naboo kuumuc, kĩĩtõ erkinya cĩgĩnnẽk eet eet ramma kĩ etĩmma kõmmõtõ (830).
17 Ngaatĩ adaaknĩ Mahalalẽlĩ baa ngĩ ĩĩtõ erkinya cĩgĩnnẽk eet eet ramma kĩ eet wec kõmmõtõ kĩ tur (895).
18 Ma baa ngĩ ĩĩtõ erkinya cĩk Jarẽdĩ eet tur kĩ eet iyyio kĩ ramma (162), ikiyyia itirria nẽ ngẽrĩnĩ cĩ athĩ Ẽnõk.
19 Ma baa ngĩ itirriay Ẽnõkĩ, ikiyyia ayak Jarẽdĩ lõgõõ cĩk maacĩk kĩ dõõlĩ cĩk ngayyik õõgĩ naboo kuumuc, kĩĩtõ erkinya cĩgĩnnẽk eet eet ramma (800).
20 Ngaatĩ adaaknĩ Jarẽdĩ baa ngĩ ĩĩtõ erkinya cĩgĩnnẽk eet eet ramma kĩ eet tur kĩ eet iyyio kĩ ramma (962).
21 Ma baa ngĩ ĩĩtõ erkinya cĩk Ẽnõkĩ eet iyyio kĩ tur (65), ikiyyia itirria nẽ ngẽrĩnĩ cĩ athĩ Methuthẽla.
22 Ma baa ngĩ itirriay Methuthẽla, ikiyyia itirria Ẽnõkĩ lõgõõ cĩk maacĩk kĩ dõõlĩ cĩk ngayyik õõgĩ naboo, ĩthõng irioit kĩ Nyekuc erkinya eet õmmõtõ kĩ eet tur (300).
23 Ẽẽn balna erkinya cĩk Ẽnõkĩ vẽlẽk eet õmmõtõ kĩ eet tur kĩ eet iyyio kĩ tur (365).
24 Iriok balna Ẽnõkĩ kĩ Nyekuc, ĩthõng balna ithiiwa, nyatarka ũũwĩ Nyekuci ĩnõõnõ.
25 Ma baa ngĩ ĩĩtõ erkinya cĩk Methuthẽla eet tur kĩ eet wec kĩ tũrgẽrẽm (187), ikiyyia itirria nẽ ngẽrĩnĩ cĩ athĩ Lamẽk.
26 Ma baa ngĩ itirriay Lamẽĩ, ikiyyia ayak Methuthẽla lõgõõ cĩk maacĩk kĩ dõõlĩ cĩk ngayyik õõgĩ naboo kuumuc, kĩĩtõ erkinya cĩgĩnnẽk eet etĩmma kĩ eet õmmõtõ kĩ eet tur kĩ eet wec kĩ ramma (782).
27 Ngaatĩ adaaknĩ Methuthẽla baa ngĩ ivitia ĩĩtõ erkinya cĩgĩnnẽk eet eet ramma kĩ eet tur kĩ eet iyyio kĩ tõrkõwẽc (969).
28 Ma balna ngĩ ĩĩtõ erkinya cĩk Lamẽĩ eet tur kĩ eet wec kĩ ramma (182), ikiyyia itirria nẽ ngẽrĩnĩ.
29 Ngaatĩ akanẽcĩ ĩnõõnõ thar cĩk athĩ Nõõwa.a Ĩthõng õthõõth nẽ ĩthĩ ne, “Aku katĩ ayahacet logoo coo yuwuthõn pĩrnanta cĩ tiic cĩnac wo, vẽlẽk looca wũ balna acĩĩn Makayyioiti.”
30 Ma baa ngĩ itirriay Nõõwa, ikiyyia ayak Lamẽĩ lõgõõ cĩk maacĩk kĩ dõõlĩ cĩk ngayyik õõgĩ naboo kuumuc, kĩĩtõ erkinya cĩgĩnnẽk eet etĩmma kĩ eet tur kĩ eet wec kõmmõtõ kĩ tur (595).
31 Ngaatĩ balna adaaknĩ Lamẽĩ baa ngĩ ĩĩtõ erkinya cĩgĩnnẽk eet etĩmma kĩ eet õmmõtõ kĩ eet tur kĩ eet iyyio kõmmõtõ kĩ tũrgẽrẽm (777).
32 Ma baa ngĩ ĩĩtõ erkinya cĩk Nõõwa eet etĩmma kĩ eet tur (500), ikiyyia itirria nẽ lõgõõ cĩk maacĩk iyyio, Thẽm, Ham kĩ Javeth.