10
1 Dɩ mɩ kɔɔ yɩrɛ thɔ̃thɔ̃daar thu kpɩɩ wo kɛ hananɩ fãga dɩɩ və̃vĩə, dɩ the Thãgbaa dʋɔ da-n gbũ a paar ndɔlɔ̃paar, dɩ thãgba khalʋ hale ɔɔ yʋɔ, sɩ ɔɔ ƴɛ hor wire, dɩ ɔɔ nɛ ho dɔɔ.
2 A fʋrɔrɛ sɛbɛ buu dɩɩ phubi ɔɔ nyɔ̃kɔɔ, dɩ a sar lanyʋɔn na nyɔ̃bɔ nɔɔ, sɩ nyɔ̃bɩlã nɔɔ sa thɩɩ,
3 sɩ dɩ hulẽ nʋɔ dɩɩ khɩɩr ka a ho mɔ̃ sidũ'ũu n oornɩ. Ɔbɔɔkɛ a huleni thale thãgba phɛɛrɛ makonyɔ ther.
4 Ɔbɔɔkɛ thãgba phɛɛrɛ makonyɔɔle thenɩ pɩ, mɩ marra ɩ̃ khere sa nɩɛ wire dɩɩ the Thãgbaa dʋɔ ayɩ: Kpalanɛ na jɩɩn gɩrɛ thãgba phɛɛrɛ makonyɔɔle kɔɔ sonɩ, sɩ fa-n khere ga.
5 Dɩ thɔ̃thɔ̃daar thuukɛra mɩ kɔɔ yɩnɩ dɩ jɩɩl lanyʋɔnna na thɩɩra, 'laarɛ nyɔ̃bɔ nyɔ̃ɔ thãgbara ƴũ,
6 sa ʋlfɛ da-n wena ʋrɛ dɔnɩ Yi hɩ̃daar bɔɔ fɛʋ waa khorrɩ i, kɛ kɔɔ tenɩ ƴũ na thɩ̃ɛ fɛʋʋkɛ ha garnɩ, na thɩɩ na thɩ̃ɛ fɛʋʋkɛ ha garnɩ, na lanyʋɔn na thɩ̃ɛ fɛʋʋkɛ ha garnɩ ayɩ: Pʋɔrɛ na hale bã;
7 sɩ bɔɔkɛ thɔ̃thɔ̃daar thu makonyɔdaar na ʋnɩ ɔɔ tutuu, Thãgbaa thɩ̃ gbul na daan, mɔ̃kɛ a kɔɔ sonɩ ɔɔ thɔ̃daarsɔraakɛ dɔnɩ bobona.
8 Dɩ wireekɛ mɩ kɔɔ nɩɛnɩ, kɛ thɛnɩ Thãgbaa dʋɔ, bire mɩɩna mɩ wo ayɩ: Jala, tea sɛbɛ buulera thɔ̃thɔ̃daar thurəəkɛ jɩlɛnɩ lanyʋɔnna na thɩɩra hananɩ ɔɔ nyɔ̃kɔɔ dɩɩ phubi.
9 Dɩ mɩ jaal thɔ̃thɔ̃daar thurəəle a sʋʋraa ayɩ, a ha mɩ sɛbɛ buurə. Dɩ a so marɛ ayɩ: Gba, khɔ. Ga kharrɛ wer afɩ bɩnɔ, sɩ nɔɔ ga daarɛ a na ho thʋʋr.
10 Dɩ mɩ teere sɛbɛ buurə thɔ̃thɔ̃daar thuu nyɔ̃kɔɔ a kho, dɩɩ daar nɔɔ a ho thʋʋr, sɩ ɔbɔɔkɛ mɩ khonɩ pɩ, gɩ kha marɛ bɩnɔ kpakpakpa.
11 Dɩ thɩmɩɩr dã mɛr wo ayɩ: Dɔ fa n mɩɩ gɩrɛ Thãgba sonɩ, kɛ telenenɩ tɩbɩlasɔ, na caarsɔ, na thɩmɩɩrsɔ, na fãgadaar jɔjʋɔ.