11
1 Dɩ mɩ kɔɔ 'lɛr jʋmũu dɩɩ ho gbʋʋl, sa nɩ nʋɔ dɩɩ so mar ayɩ: Ɩrɛ, a mɩɛnɛ Thãgbaa cɔ hɩnɛ, na bonɩ ji paar, a therana wɩrɛ dɔnɩ fɔfɔraakɛ hanɩle.
2 Sɩ Thãgbaa cɔ phel gbaya wer, sɛ gar, fa-n mɩa', gɩdonɩ ca kpala wɩ ha, kɛ dɔnɩ wɩrɛ na kpɔ̃kpɔrɔnɛnɩ dɩ phuurə na nɛɛ na cʋʋna pora kpalanyɔ yenyɔ.
3 Ma har ɩ̃ sobɔ so jɩdara yenyɔɔkɛ tɔnɩ bɔrɔ kẽkena punone, dɩ wa mɩɩ gɩrɛ Thãgba sonɩ na cʋʋna wire gbɩlanɩ na taanyɔ na kpalãther.
4 Wɛr dɔ olɩvɩ thɩra yenyɔ na dɔ carãa yenyɔ kɛ n jɩlɛnɩ Kɔ̃tɩnnaakɛ dɔnɩ thɩɩkɛɛ Kɔ̃tɩ̃.
5 Dɩ ado tibil ƴaal a cʋʋ wɩ puure, dɔɔ na ther awɩ nɔɔ na thii awɩ lãlaardara; dɩ ado tibil ƴaal a cʋʋ wɩ puure thalera wa kʋʋ ger.
6 Wɩ hananɛ punone a na khaanna ƴũ, dɩ thãgba nyʋɔn na ɩ̃ thɩɩra bɔɔkɛ wɩ hanɩ dɩ wa-n mɩɩ gɩrɛ Thãgba sona'. Wɩ hananɛ dakha punone a na debina nyʋɔn dɩ ga do tɔmɩn, a na gbana thɩlke lɩɩlɩɩ a na to thɩɩraakɛ bɔɔ fɛʋʋkɛ wɩ-n ƴaalnɩ.
7 Ɔbɔɔkɛ wa mɩɩnɩ awɩ Thãgba thɩmɩɩle na pɩ, nʋmɩkɛ thɛnɩ thɛrɛ 'lee kõkorʋra na kena wɛr kʋʋr, a na kəə war, a na kʋ wɩ.
8 Sɩ awɩ for na phɩnɛ dɩ kɔ̃tɩ̃ kʋlã hʋ thɩ̃thɩɩn, kɛ wɩ-n wenɩ na sokpaa Sɔdɔm na Ejipiti, ka tɩbɩla kɔɔ kpanɩ dakha wɛrɩleraa Kɔ̃tɩ̃.
9 Tɩbɩla tɩbɩlaa thɩ̃thɩɩn, na caarra, na thɩmɩɩrra, na ca kpalala, ɩkhasɔ na hɩɩnɛ awɩ for na cʋʋna wire yẽther na dakuru, wa tu awɩ for n dɔ kaʋa'.
10 Dɩ awɩdara na dor nɔɔ dɩ daʋ na kãkar na fʋlɛ tɩbɩla thɩɩra, wa-n thɔna kha khaardaasɔ bɩɛlbɩɛl, gɩdonɩ Thãgbaa bobona yenyɔɔle kɔɔ kpoore tɩbɩlala thɩɩra.
11 A wire yẽther na dakuruule ka pɩ, fesueeke n 'laanɛnɩ yire, kɛ thɛnɩ Thãgbaa pa, lõ warɛ dɩ wɩ pal ɩɩr jɩɩl, dɩ ma kɔ̃tɩ̃ɩ fʋlɛlɛ wɩrɛ kɔɔ yɛ wɩnɩ.
12 Dɩ Thãgbaa bobona yenyɔɔle nɩrɛ nɔ khɩɩr dɩɩ the Thãgbaa dʋɔ ayɩ: Nɩ jʋnɛ kɛ. Dɩ wɩ jʋʋnɛ Thãgbaa dʋɔ na ndɔlɔ̃paar, dɩ awɩ lãlaardara kɔɔ yɩ wɛr.
13 Ga bɔɔraalera thɩ jẽ kɔ̃tɩ̃ɩ kɔɔ ɩɩrɛ, dɩ dɩ phɛrɛ bɩɛl dɩ phɛrɛ yʋɔrra kɔɔ jiire, dɩ tɩbɩla gbɩlanɩ makonyɔ kɔɔ khiire thɩ jɩɩnnaale, sɩ maar fʋlɛ wɩrɛ sɛnɩ ka, dɩ wa-n dʋbɩ Thãgba ire, kɛ hanɩ ƴũ.
14 Balanyɔ puu 'lɛr kar, sɩ hɩnɛ, balãtherdaa hale a na kpaan kɔrɔ.
15 Dɩ thɔ̃thɔ̃daar thu makonyɔdaar kɔɔ ʋnɛ ɔɔ tutuu, dɩ nɔ khena the Thãgbaa dʋɔ a so ayɩ: Fãgadaar dʋʋr thɩɩra koo, asɩ Kɔ̃tɩ̃ na ɔɔ Kirisiti hɩna nɛnɛ̃ dɩphã, dɩ ɔr na dɔ Fãgadaar bɔɔ fɛʋ waa khorr vʋ̃ʋ.
16 Dɩ kɔ̃tɩna kpelẽ yenãale tɔɔnɩ Thãgbaa ƴɛra awɩ fãga too para gburõkure dɩ wa-n fʋɔr Thãgba,
17 ayɩ: Sɩ-n khɩɩ fɛr, fɛr Kɔ̃tɩnɩkɛ dɔnɩ Thãgbaakɛ dɔnɩ fãga fɛʋʋ hɩ̃daar, kɛ hanɩle gɩrɛ, kɛ dakha kɔɔ hanɩle, gɩrɛraakɛ fɩ teenɩ afɩ fãga kɔ̃tɩ̃ a hɩ̃, a do gɩrɛ Fãgadaar.
18 Nĩkhii kɔɔ fʋrɛ tibil caar fɛʋ, sɩ afɩ nĩkhi wi phaan dɩ fa kɩɩlna gɩrɛ khe, sɩ na ka dakha afɩ thɔ̃dara Thãgbaa bobona na tɩɩ phuusɔ, na wɩrɛ n maannɩ afɩ i, tɩɩ mɔlɔ a gbana kɔ̃tɩna, sɩ dɩ fa-n kʋɛ wɩrɛra n kʋɛanɩ thɩɩ.
19 Dɩ Thãgbaa cɔ kɔɔ khɛrrɛ Thãgbaa dʋɔ, dɩ ʋlfɛ khɛɛsʋʋ kɔɔ yɩrrɛ ɔɔ cɔrara, dɩ thãgba jʋ khor kɔɔ hale, na nɔ khena, na thãgba tiire, na thɩ jɩɩn, dɩ thãgba bar kɔ̃tɩna gbũgbũu na-n jɛ.