7
1 A gele pɩ, mɩ yɩrɛ thɔ̃thɔ̃daar thu yenã dɩ wɩ jɩɩl thɩ khu paar yenã, sa fʋ jɩɛ yenãakɛ n thɛnɩ thɩɩra a fʋrɔ, dɩ mɛ̃ jɩɛ na-n the thɩɩra, dɩ lanyʋɔnna gɩ, dɩ thɩr bɩɛlla gɩraka'.
2 Dɩ ɩ̃ bir yɩ thɔ̃thɔ̃daar thu kpɩɩ wo dɩ the wi phã paar da-n jʋʋn, a fʋrɔ Thãgba yidaarɩ jẽ pɛda sa hulẽ nʋɔ dɩɩ khɩɩr ka thɔ̃thɔ̃daar thu yenanaale kɔɔ 'lɛnɩ hʋɛ a na cʋʋna thɩɩ puure na lanyʋɔn,
3 a so ayɩ: Na-n cʋʋ thɩɩra puure na lanyʋɔn pa', dɩ thɩra ga, phaphapha sɩ pɛ asɩ Thãgbaa thɔ̃darasɔra jɩɩn kobera ɓo.
4 Dɩ mɩ nɩrɛ wɩrɛ wɩ pɛrnɩ jɩɩnnaa nɔ dɩ wɩ yɩ tɩbɩla gbɩlanɩ tamaa na kpalanyɔ na gbɩlanɩ yenã wɛ, kɛ thɛnɩ Ɩjɩrayɛl bɩsanaa cara fɛʋ bɩɛlbɩɛl.
5 Judaa cara, gbɩlanɩ yʋɔr yenyɔ wɩ dʋrɔ jɩɩnna, Rubɛnɩ cara, gbɩlanɩ yʋɔr yenyɔ, Gaadɩɩ cara, gbɩlanɩ yʋɔr yenyɔ,
6 Ajɛɛrɩ cara, gbɩlanɩ yʋɔr yenyɔ, Nɛfɩtalɩɩ cara, gbɩlanɩ yʋɔr yenyɔ,
7 Manasee cara, gbɩlanɩ yʋɔr yenyɔ, Sɩmɛ̃ʋʋ cara, gbɩlanɩ yʋɔr yenyɔ, Levɩɩ cara, gbɩlanɩ yʋɔr yenyɔ,
8 Ɩsakaarɩ cara, gbɩlanɩ yʋɔr yenyɔ, Jabʋlɔ̃ɔ cara, gbɩlanɩ yʋɔr yenyɔ, Jojɛfɩɩ cara, gbɩlanɩ yʋɔr yenyɔ, Bɛ̃jamɛ̃ɛ cara, gbɩlanɩ yʋɔr yenyɔ, wɩ dʋrɔ jɩɩnna.
9 A gele pɩ mɩ-n kɔɔ hɩɩnɛ dɩɩ do tibil jɔ wɛ tə̃tə̃tə̃, kɛ tibil na punoni na thera', a the ca kpalala fɛʋ, na caarra fɛʋ, na tɩbɩla fɛʋʋ thɩ̃thɩɩn, na thɩmɩɩrra fɛʋ, dɩ wa-n jɩɩl fãga too pa ƴɩɛra na Bana bii ƴɛ thɩ̃thɩɩn, a to kẽkẽ bulo gbana sa fʋrɔ kalã jɛ̃ɛ nyɛɛna.
10 Dɩ wɩ-n hulene nɔ khena ayɩ: Asɩ Thãgbaakɛra tɔɔnɩ fãga too paar, ɔrra taarɛ n the na Bana biirə.
11 Dɩ thɔ̃thɔ̃daar thusɔ fɛʋ jɩɩlɛ a dii fãga too paarra, na kɔ̃tɩnana, na thɩ̃ ye yenana, a gburõku fãga too pa ƴɩɛra dɩ wa-n fʋɔr Thãgba,
12 dɩ wa-n sona ayɩ: Amɛn. Khɩɩrɛ, na i dʋbɩrɛ, na kpɛsɛrɛ, na fʋɔrɛ, na cʋʋr, na punone, na fãga, asɩ Thãgba hɩna bɔɔ fɛʋ waa khorr vʋ̃ʋ. Amɛn.
13 Dɩ kɔ̃tɩ̃ bɩɛl kɔ̃tɩnanaale bule mi ayɩ: Welela tɔnɩ kẽkẽ bulo gbana, ana wɛ dɩ ka wɩ the?
14 Dɩ ɩ̃ sʋʋraa: Ɩ̃ kɔ̃tɩ̃ ya mee fɛr ka jɩ gɩ. Dɩ a so marɛ ayɩ: Wɛr dʋɔn tɩbɩlaakɛ thɛnɩ bɔ gaar kɔ̃tɩɩnaale; wɩ kɔɔ cɔcɔɔrɛ awɩ kẽkẽsɔ a cʋʋ gɩ na Bana bii tɔmɩ̃ dɩɩ bulolo.
15 Gɛr dɔ kɩrʋ dɩ wɩ ha Thãgbaa fãga too pa ƴɩɛra, dɩ wa-n dʋʋraa thɔma dɩwɩlʋ na dɩtɩnɛ ɔɔ cɔra; dɩ ʋrɛɛkɛ tɔɔnɩ fãga too paarra na dʋrɛ ɔɔ wa na thi war.
16 Kɔmɛr na fʋ wɩ bã, yɔlkhaa na fʋ wɩ bã, dɩ ɩtʋɛ na dakporuu na 'lɛ wɩ dakha bã.
17 Gɩdonɩ Bana biikɛ hanɩ fãga too pa thɩ̃thɩɩn na-n khɛ wɩ a thɔɔ wɩ a na-n jalna yi yɔ bu kanana, dɩ Thãgba na pɩɩnɛ yilẽbe fɛʋ awɩ yirə.