5
1 Dɩ mɩ yɩrɛ sɛbɛ dɩ ʋrɛɛkɛ tɔɔnɩ fãga too paar thɛbɩ na nyɔ̃bɔɔ, dɩɩ khere bɩnɔ na jɩɛra fɛʋ, dɩ jena makonyɔ hale a dʋrɔ dɩɩ do gɛr khaanɛ gɩ.
2 Dɩ mɩ yɩrɛ thɔ̃thɔ̃daar thuukɛ hananɩ fãga dɩɩ və̃vĩə, dɩ hulẽ nʋɔ dɩɩ khɩɩr ka ayɩ: Amɛ teana a na cʋɔr jɩɩnsɔɔle dɩ sɛbɛɛle na phubi?
3 Dɩ tibil bɩɛllakɛ na hale Thãgbaa dʋɔ, dɩ thɩɩra gɩ, dɩ thɩɩraakɛ tɩɛr gɩ, a na puno na phubi sɛbɛra ga, a na puno dakha wo a na hɩɩna'.
4 Dɩ mɩ kɔɔ khɩɩrɛ jɔɔ ka gɩrɛraakɛ tibil na yɩnɩ, kɛ teananɩ a na phubi sɛbɛra agɩbo a hɩɩna'.
5 Sɩ kɔ̃tɩ̃ bɩɛl kɔ̃tɩnanaalera so marɛ ayɩ: Fa-n khɩa'. Hɩnɛ sidũ'ũukɛ thɛnɩ Judaa cara, a dona Davɩdɩɩ məl, ɔr kəəne a na cʋɔr jena makonyɔɔlera sɩ na phubi sɛbɛra.
6 Dɩ mɩ yɩrɛ fãga too pa thɩ̃thɩɩnɩle, na thɩ̃ ye yenãale, na kɔ̃tɩnaa thɩ̃thɩɩn, Bana bii dɩ jɩɩl le sa ho mɔ̃ wɩ kʋʋnɩ, sɩ a hananɛ ʋma makonyɔ na yinə makonyɔɔkɛ dɔnɩ Thãgbaa Thu makonyɔ, kɛ a thɔnɩ thɩɩraakɛ koo.
7 Dɩ a pɔr, a tee sɛbɛɛle olelaalera hana gɩnɩ a fʋrɔ nyɔ̃bɔɔra a toona fãga too paarra.
8 Ɔbɔɔkɛ a teenɩ sɛbɛɛle pɩ, thɩ̃ ye yenãale, na kɔ̃tɩna kpelẽ yenãale gburõkure Bana bɩɩ ƴɛ thɩ̃thɩɩn; wɛr fɛʋ bɩɛlbɩɛl kɔɔ fʋrɔrɛ salãa na dɛ bilẽse dɩɩ hinə latɩkolookɛ dɔnɩ tɩɩ phuusɔɔ Thãgba bɩɛl.
9 Dɩ wɩ khɩnɛ nɩ phaakɛ sɔnɩ ayɩ: Fɛr teana fɩ tee sɛbɛra fɩ cʋɔr dakha jɩɩnsɔ, gɩdonɩ wɩ kɔɔ kʋ fɛr dɩ fɩ gba afɩ tɔmɩ̃ a birsena tɩbɩla, caarra fɛʋ, na thɩmɩɩrra fɛʋ, na tɩbɩla fɛʋʋ thɩ̃thɩɩn, na ca kpalala fɛʋ a ha Thãgba.
10 Fɩ cʋʋ wɛr dɩ wɩ do fãgadaraakɛ dɔnɩ bonɩ jidara asɩ Thãgbara, dɩ wa dor fãgadara thɩɩra.
11 Dɩ mɩ-n kɔɔ hɩɩnɛ a nɩɛ thɔ̃thɔ̃daar thu jɔjʋɔɔ wi, kɛ awɩ ther nɔ kanɩkɛ gbɩlanɩ der paar gbɩlanɩ, wɩ thʋnɛ və̃vĩə, a dii fãga too paarra, na thɩ̃ yera na kɔ̃tɩnanaale,
12 dɩ wɩ so na nɔ kheu ayɩ: Bana biikɛ wɩ kɔɔ kʋnɩ a teenanɛ a 'lɛ punone, na ler, na kpɛsɛrɛ, na fãga, na cʋʋr, na i dʋbɩrɛ, na khɩɩrɛ.
13 Dɩ thɩ̃ tinəne fɛʋʋkɛ hanɩ Thãgbaa dʋɔ, na thɩɩra, na thɩɩraakɛ tɩɛr, na lanyʋɔnna, na thɩ̃ɛ fɛʋʋkɛ harɔnɩ bɩnɔ, mɩ nɩɛrɛ dɩ wele fɛʋ na-n so ayɩ: Ʋrɛ tɔɔnɩ fãga too paar na Bana bii, dɔ ɔr n hɩ̃ khɩɩrɛ, na cʋʋr, na i dʋbɩrɛ, na fãga bɔɔ fɛʋ waa khorr vʋ̃ʋ.
14 Dɩ thɩ̃ ye yenãale dee aa: Amɛn. Dɩ kɔ̃tɩnaale gburõku dɩ wa-n fʋɔr.