13
1 Na-n yɩra a na na kha mɔ̃ nɩ donɩ omɩna.
2 Na-n pərə a na tea kpakpala, gɩdonɩ thalee cʋʋ ʋkhasɔ n kɔɔ teero thɔ̃thɔ̃daar thusɔ sɩ wa-n kɔɔ ja'.
3 Na-n jɛna wɩrɛ hanɩ khaɩra gɩ ho khaɩdarara ha nɩ ner; na-n jɛna wɩrɛ wɩ-n kpooronɩ gɩdonɩ nɛrɛ dakha tomɩrra nɩ hana.
4 Dɔ tɩbɩla fɛʋ na-n hɩɩn her gɩ do thɩ̃ɛɛkɛ hananɩ cʋrɛ, dɩ thɩ̃ bise na-n lõ herraala'. Gɩdonɩ Thãgba na kɩɩlnanɛ wɩrɛ dɔnɩ bɔdɛl cʋʋdara, na khɛ kpɩɩ ƴaaldara, na kũu kpɩɩ ƴaaldara.
5 Anɩ ɩɩr para na-n do war laarɛ n ho ga hərə nera', sɩ nɩ dɔ ga-n da nar na gɩrɛ nɩ hananɩ, gɩdonɩ Thãgbaa thɛthɛ sɔ ayɩ: «A gɩ dʋ mɔ̃ dʋ mɔ̃, sɩ ma hana faarɛ na faa fa'; ma sɩ far dɩbara kpɩɩraka'.»
6 Dɩ gɛr gɩ sɩ punone so na tu jɩɩr ayɩ: «Kɔ̃tɩn dʋɔn ɩ̃ bubul, maar na fʋ mɩ thɩɛna ga; anye tibil na puno na cʋʋ mɩ?»
7 Na-n jɛna anɩ thɔthɔɔdaraakɛ kɔɔ mɩa nɩnɩ Thãgbaa thɩmɩɩ. Nɩ hɩnɛ mɔ̃ awɩ yi khu pa hanɩ, sɩ na phɛla awɩ ha pɛ.
8 Mɔ̃ Jeju Kirisiti hanɩ de, mɛna a ha nĩ na bɔɔ khorr.
9 Na-n do dɩɩr kpɩɩsɔ dɩɩdɩɩ n cʋʋ nɩ nɩ lɛ̃ hʋɛra ga, gɩdonɩ gɩ bɔrɛra gɩ do Thãgbaa bɔ jɩ cʋɛ sɩ dɩ sɩ tɩ, sɩ ga-n do dɩko thɩmɩɩr gɩ, kɛ na kɔɔ cʋɛnɩ wɛkɛ ma garnɩ yʋʋ bɔaa ga.
10 Sɩ hananɛ bonɩ ji paar, kɛ wɩrɛ n dɔnɩ thɔma kẽkẽ waaraale na hananɩ hʋɛ a na khoro thɩ̃a'.
11 Nʋmaakɛ gbõdaar n gbanɩ, ga tɔmɩ̃ a lona pa phuurə a jinə sopugo hɛl bonɩɛ, khuirə wɩ-n thena gɩ dɩ wɩ thii dɩɩ hɩ̃.
12 Gɛrra gɩ dɩ Jeju dakha, mɔ̃ a na fʋnɩ sɩ na gba ɔɔ thɛthɛɛ tɔmɩ̃ a phʋɔlna tɩbɩla wɩ phu, kɔɔ gaar bʋɔ dɩ khuirə.
13 Gɛr gɩ sɩ thɛ a na jalalaa le khuirə a to beesi ca bɩɛlla na ɔɔda.
14 Gɩdonɩ sa hana kɛ thɩɩra dɩɩkɛ na jalanɩ ƴɛrra', sɩ dɩɩkɛ na ɩnanɩ sɩ-n ƴaal.
15 Gɛr gɩ sɩ gba khɩɩrɛ gɩ do bonɩ ji thɩ̃ɛ sa-n khɩɩna Thãgba bɔɔ fɛʋ, gɩ do Jeju dɔ nɔɔ, a thɩɛna gaa khɩɩrɛɛkɛ asɩ delẽbi n khɩɩnɩ ɔɔ i gɩ.
16 Sɩ na-n diinə bɔ cʋʋrɛ na tibil bullə', gɩdonɩ ga bonɩ ji caale n da Thãgba haar.
17 Na-n nɛ anɩ thɔthɔɔdara nũu, nɩ wuro war a jɔ, gɩdonɩ wɛr n bɛra anɩ thu mɔ̃ wɩ donɩ wɩrɛ na mɩanɩ Thãgbara mɔ̃ awɩ thɔ̃ hanɩ. A na cʋʋ mɛ̃, wa-n jɩɛ do awɩ thɔ̃ na daʋ ga do war sɩɩra', gɩdonɩ gele thale na ɩna nar bɔɔ fɩɩʋraka'.
18 Nɩ bɩɛlnɛ Thãgba na pɛ sar. Sɩ jɩɛ jɩ dɩ sɩ hananɛ haarɩkɛ na-n heene sɩnɩ sora', mɔ̃ sɩ-n ƴaalnɩ dɩ sa hana fɩl bʋɔ thɩ̃ɛ fɛʋra.
19 Thɩ̃ɛ gɩ dɩ ma-n bɩɛl nɩ na haar fɛʋ nɩ cʋɛ Thãgba n ha mɩ hʋɛ ɩ̃ puno ɩ̃ pɔ anɩ pa kɔrɔ.
20 Dɔ Thãgbaakɛ ha ɩɩ n thernɩ, kɛ kɔɔ ɩrɛnɩ Jeju asɩ Kɔ̃tɩ̃ɩkɛ dɔnɩ bana khedaar kɔ̃tɩn khirera, dɩɩ do tɔmɩnɩkɛ n nɛnanɩ nɔ bɩɛl ʋlfɛrɛɛkɛ dɔnɩ khorrdaara gɩ the,
21 n ha nɩ thɩ̃ bɔɩ fɛʋʋkɛ dananɩ nɩ puno na-n cʋʋ ɔɔ tuur, a na-n cʋʋ sar dakha gɩrɛ daaraanɩ, ga-n the Jeju Kirisitira; dɔ ɔr n hɩ̃ i dʋbɩrɛ bɔɔ fɛʋ waa khorr vʋ̃ʋ. Amɛn.
22 Mɩ-n bɩɛl nɛr omɩna dɩ na fʋ haar fɩl dɩɩr thɩmɩɩrraakɛ mɩ khere narnɩ ga donɩ gɩ kpɛra'.
23 Nɩ jɛna dɩ wɩ tire Timothe asɩ omi khaɩra a faa. Ado a ɩnɛ kɔrɔ sa pɔr kha a na yɩ nɩ.
24 Nɩ fʋɔrɛ anɩ thɔthɔɔdarasɔ fɛʋ na tɩɩ phuusɔ fɛʋ. Ɩtalɩdara fʋɔr nɛr.
25 Thãgba na-n jɛ nɛrɛ fɛʋ bʋɔra. Amɛn.