8
1 Gɩrɛ dɔnɩ thɩ̃ kɔ̃tɩ̃ɩ gɩrɛraakɛ sɩ-n sonɩ gɛr dʋɔn, sɩ hananɛ le Thãgbaa dʋɔ gbõdaar caalera tɔɔnɩ Thãgba dawabʋʋ fãgadaar too para nyɔ̃bɔɔra,
2 da-n do thɔma Thãgba fʋɔr paarɩkɛ dɔnɩ kẽkẽ wa bɔɔkɛ Kɔ̃tɩnɩ thɛthɛ kɔɔ dʋnɩ, ga do tibil doa'.
3 Gbõdaar wo gbõdaarɩkɛ wɩ-n pɛrnɩ, wɩ-n pɩɛrɛ a na-n 'laanɛ khaardaa Thãgbara a na jenə bonɩɛ, dɩ gɛr gɩ gɩ teenanɛ asɩ gbõdaar n hanana dakha thɩ̃ɛ a 'laanɛ.
4 Ado thɩɩra a kɔɔ ha, a na kɔɔ do bonɩ jidaara', gɩdonɩ wɛ hale n 'laanɛnɩ khaardaa mɔ̃ jɔfʋ sonɩ.
5 Dɩ bonɩ jidaraale gɩrɛ wɩ-n cʋʋnɩ gɩ hʋrɛ gɩrɛ hanɩ Thãgbaa dʋɔ dɩ ga jəər gi; mɛ̃ gɩ kɔɔ ha na Mʋɩjɩ ɔbɔɔkɛ a-n dʋnɩ kẽkẽ waa, Thãgba sʋʋraarɛ ayɩ: «Jɩɛ hɩɩn, sa cʋɛ thɩ̃ɛ fɛʋ gɩ ho gɩrɛ fɩ kɔɔ yɩnɩ gɔ̃gʋɔna.»
6 Sɩ nɛnɛ̃ Kirisiti 'lɛr thɔmaakɛ kɔ̃tɩnanɩ a jɔ awɩda fɛʋ, mɔ̃kɛ a donɩ ƴɛƴɛɛ dɩɩ do nɔɔ dɩ nɔ bɩɛl ʋlfɛrɛɛkɛ baannɩ hale, kɛ jɩlɛnɩ ʋlfɛ thɩmɩɩrraakɛ baannɩ dakha.
7 Gɩdonɩ ado caca nɔ bɩɛl ʋlfɛrɛ 'leere dɩ paar, anyera wa ƴaal balanyɔdaa 'lo?
8 Sɩ dɩɩkɛ Thãgba yɩ warnɩ a soro thakɛ ayɩ: «Mɛr Kɔ̃tɩn sɔ ayɩwɔɔ: Wire hale na dã, dɩ ma ʋlfɛ nɔ bɩɛl ʋlfɛ phaa na Ɩjɩrayɛl ca na Judaa ca dakha;
9 ga ho nɔ bɩɛl ʋlfɛ ƴɩrɛ mɩ kɔɔ ʋlfɛnanɩ awɩ mama thɩ kɔ̃tɩ̃sɔ, bɔɔraalera mɩ kɔɔ fʋ wɩnɩ na nyɛ̃ɛ a ti Ejipiti dɩɩra ga. Dɩ gɩdonɩ wɛr thɛthɛ na kɔɔ bãba ɩ̃ nɔ bɩɛl ʋlfɛra a jɩɩ fʋ ga, mɛrɛ dakha ma kɔɔ pər wara', mɛr Kɔ̃tɩn sɔ.
10 Kɔ̃tɩn sɔ ayɩwɔɔ: A ga wiile dã, nɔ bɩɛl ʋlfɛrɛɛkɛ ma ʋlfɛnanɩ Ɩjɩrayɛl ca, thakɛ ga ha: Ma pɛrɛ ɩ̃ jɔfʋsɔ awɩ kpɩɛrra, ma khere ger awɩ hara; ma dor awɩ Thãgba, wɩ do ɩ̃ too.
11 Tibil na hana a dɩɩr ʋrɛ wɩ khunəni kha, dɩ õkuun gɩ a na-n dɩɩr õkuun a so ayɩ: Jɛ Kɔ̃tɩna'. Gɩdonɩ fɛʋ na jɩ mɛr, gɩ fʋna tɩɩ pɔɩ gɩ gbana tɩɩ kɔ̃tɩna.
12 Gɩdonɩ ma jɩ wɛr bʋɔra awɩ thɩ̃ gõgolona, dɩrakɛ ma jɩna awɩ sopugosɔ kpɩɩ bã.»
13 Mɔ̃ a-n wenɩ ʋlfɛrɛɛle daphaa, a cʋʋrɛ cacadaa dɩɩ do datɩ̃ɩ. Dɩ gɩrɛ tɩnanɩ a kpɔrɔ n jaal gɩrɛ bũburõ paar.