3
1 Dɩ mɔ̃ sa-n marnɩ dɩphã na too sa-n pɩɛr mã', gɛr gɩ dɩ sɩ kɔɔ kpɩɛr hɩɩn sa too dɩbara Atɛn dɩɩra,
2 sa thɔ̃ Timothe asɩ omiikɛ dɔnɩ Thãgbaa thɔ̃ dodaar Kirisitii tutugo bɔ thɩmɩɩ mɩɩrɛra, a cʋɛ nɩ nɩ tɩ kɩbɩ, na-n yɩr anɩ ha pɛra.
3 Dɩ mɛ̃ tibil na hale a na jẽ kpooreraakɛ nɩ hanɩ gɩra', gɩdonɩ nɛrɛɛ thɛthɛ jɩrɛ sɩ hananɛ daa ser kpoorera.
4 Gɩdonɩ ɔbɔɔkɛ sɩ kɔɔ hanɩ anɩ pa, sɩ kɔɔ mãa so nar dɩ sa yɩrɛ kpoore, dɩ gɩ kɔɔ daan otirə mɔ̃kɛ nɩ yɩɛnɩ.
5 Dɩ gɛr gɩ mɔ̃ ma-n punoni dɩ ɩ̃ mar dɩ ɩ̃ toa', gɛr mɩ thʋɔn ɩ̃ jɩ mɔ̃ anɩ ha pɛ hanɩ, gɩdonɩ mɩ-n kɔɔ dɛr dɩ anaa Satãakɛ dɔnɩ fifilədaar na ba fɩɩl nɛ̃r gɩ ho mɔlɔ thɔma sɩ kɔɔ do.
6 Sɩ Timotheekɛ thɛnɩ anɩ pa a ɩ̃ gɩrɛ dɩ ga pʋɔra', ɔr mɩɛnɛ sɩ mɔ̃ anɩ ha pɛ hanɩ na anɩ naʋ dɩɩ da sar. A so sarɛ dakha dɩ wire fɛʋ nɩ-n hana jɩnanɛɛkɛ daanɔnɩ sɛrɛra, dɩ na-n ƴaal nɩ yɩ sɩ mɔ̃kɛ sɩ-n ƴaalnɩ sɩ yɩ nɩ.
7 Gɛr gɩ, omɩna, asɩ nɩ na kpoore fɛʋʋkɛ sɩ-n yɩnɩ, anɩ ha pɛ dor nɔɔ dɩ sɩ faa haar.
8 Nɛnɛ̃ mɩ fer waa fə̃ə, gɩdonɩ nɩ tɩrɛ kɩbɩ Kɔ̃tɩnɩ hʋra.
9 Mɔ̃ khɩɩrɛɛkɛ sa khɩɩnɩ Thãgba na thʋ̃ na ha kper anɩ sorara, na daʋ fɛʋraakɛ n fɔ sɩnɩ asɩ Thãgbaa ƴɛra nɛrɛra.
10 Dɩtɩnɛ na dɩwɩlʋ sɩ-n bɩɛlʋʋ phãphãphã a hana sɩ hʋɛ sɩ yɩ nɩ, dɩ ka anɩ ha pɛ ɓɔrnɩ gɩ tɔ gɩ pɛr.
11 Thãgbaa thɛthɛɛkɛ dɔnɩ asɩ Thɩ, na asɩ Kɔ̃tɩ̃ Jeju n phɛla sɩ hʋɛ sɩ pɔ anɩ pa.
12 Sɩ ado nɛr gɩ, Kɔ̃tɩn n dɛ̃ɛ nar anɩ naʋʋkɛ nɩ hananɩ kha bɩɛlbɩɛl na tɩbɩla fɛʋra, gɩ kɔ̃tɩ̃ ga-n pɛr gɩ ha mɔ̃kɛ asɩ naʋʋkɛ sɩ hana narnɩ hanɩ.
13 A cʋʋ nɩ nɩ tɩ, nɩ phu, na hana dɩ paar Thãgba asɩ Thɩɩ ƴɛra fɩɩʋraka', bɔɔkɛ asɩ Kɔ̃tɩ̃ Jeju na birni na ɩ̃ nakha ɔɔ tɩɩ phusɔ.