1
1 Mɛr Pol na Sɩlvɛ̃ na Timothe thɔna sɛbɛɛkɛ a ha we gbɛbɩdaraakɛ hanɩ Tesalonɩkɩ, kɛ Thãgba Thɩrɛ na Jeju Kirisiti Kɔ̃tɩn hɩnɩ. Thãgba n hana nɩ ha ɩɩ a jɛ nɩ dakha bʋɔra.
2 Wire fɛʋ sɩ-n khɩɩ Thãgba nɛrɛ fɛʋʋdara, dɩ sɩ bɩɛlna Thãgba dɩ sa-n pɛ nar na anɩ i.
3 Bɔɔ fɛʋ sɩ-n jɩna asɩ Thɩ Thãgbaa ƴɛra, anɩ ha pɛ thɩ̃ cʋʋ, na anɩ naʋ thɔ̃ cʋʋ, na anɩ kɩbɩ jɩɩl, nũ pɛrɛraakɛ nɩ hananɩ asɩ Kɔ̃tɩ̃ Jeju Kirisitira.
4 Sɩ jɩrɛ tue omɩna dɩ Thãgba naan nɩ a kɔɔ phiir ni.
5 Gɩdonɩ Thãgbaa tutugo bʋɔɔ thɩmɩɩkɛ sɩ kɔɔ pɔnanɩ, ga do nʋɔ sɩ kɔɔ mɩɩna dɩbara ga, sɩ sɩ kɔɔ mɩɩ gɛr dɩɩ ha phãphãphã, na Thu Phuu, na tu jɩɩr vʋ̃ʋ; gɩdonɩ nɩ jɩrɛ fɩl caakɛ sɩ kɔɔ hananɩ anɩ thɩ̃thɩɩn gɩ do nɔɔ thɩ̃ɛ n bɔ nar.
6 Dɩ nɛrɛɛ thɛthɛrakɛ debire a do asɩ ph ɛldara na Kɔ̃tɩnɩ phɛldara kpoore jɔɔ thɩ̃thɩɩn, kɛ nɩ-n yɩnɩ Thãgbaa thɩmɩɩraakɛ nɩ-n 'lɛnɩ na daʋʋkɛ n thɛnɩ Thu Phuurə,
7 a thʋ̃ debi waa a do thɩ̃ nɩrɔrɛ ha pɛdarara fɛʋʋkɛ hanɩ Masedʋan na Akaɩ.
8 Sɩ ga do Kɔ̃tɩnɩ thɩmɩɩ kɔɔ ther anɩ pa dɩ ga-n kpaar dɩ Masedʋandara na Akaɩdara nɩɛ dɩbara ga, sɩ paar fɛʋ wɩ nɩrɛ mɔ̃ anɩ ha pɛ Thãgbara hanɩ, dɩ ga do gɩ thʋnɛ harakɛ mɩɩrɛra dɩ sa mɩɩ bã.
9 Gɩdonɩ wɩ-n mɩɩrɛ asɩda teereraakɛ nɩ kɔɔ tee sɩnɩ ɓoɓo, na dakha wo mɔ̃kɛ nɩ kɔɔ kɛrnɩ a pɛr Thãgba haar sa faa thɩla, sɩ nɩ do thɔma Thãgba yidaarraakɛ dɔnɩ Thãgba bɔ,
10 na-n pɩɛrna dakha ɔɔ Bikuunikɛ na thɛnɩ Thãgbaa dʋɔ, kɛ dɔnɩ Jejuukɛ a kɔɔ ɩɩrnɩ dɩ the khirera, kɛ dɔnɩ asɩ tataa Thãgbaa nĩkhirəəkɛ n ɩnanɩ.