10
1 Mɛr Pol, mɩ-n phʋʋr nɛr na hɛlɛlɛ fɩlɛ na bɩ̃ bʋɔraakɛ dɔnɩ Kirisitiida, mɛrkɛ n hanɩ hɛlɛlɛ a mɩ ha anɩ thɩ̃thɩɩn, sɩ a mɩ hʋnɔ ma-n 'la nɩ kpãkpalã ga.
2 Mɩ-n ƴɛɛ nɛr dɩ na-n do ɔbɔɔkɛ ma hanɩ anɩ pa, ma ɩɩrna narɛ 'larɩkɛ mɩ hananɩ a kpɩɛr ma ɩɩrnanɛ ɩkhasɔraakɛ n kpɩɛrɛnɩ aa, mɔ̃kɛ tibili tibil do pa hanɩ sɩ-n ɩɩra'.
3 Tibil sɩ do wer, sɩ ga do mɔ̃kɛ tibili tibil do pa hanɩ sɩ-n kɛ̃kɛrã'.
4 Gɩdonɩ ko ke thɩ̃ɛsɔɔkɛ sɩ-n kɛ̃kɛrɛnanɩ ga do tibildaa ga, sɩ Thãgba dɔ nɔɔ dɩɩ hana fãga ka, a na puno gɩrɛ na dɔnɩ datutugonaa ga a na wɩɛl. Sɩ-n bũburonanɛ mɔlɔ kpɩɛrɛsɔ,
5 na gɩrɛ fɛʋʋkɛ n ɩrɛnɩ na gũ tir dɩ a-n kɛ̃kɛrɛna Thãgba jɩɩr, sɩ-n fʋrɛ kpɩɛrɛ fɛʋ dɩ sɩ khɩmɩnɔ ga-n nɛ Kirisiti nũu.
6 Sɩ gbɛbɩrɛ pɩ dɩ sa heen nũ nʋra sor ɔbɔɔkɛ anɩ nũ nɩ danɩ.
7 Nɩ hɩnɛ mɔ̃ thɩ̃ɛ hanɩ. A tibil n kpɩɛrɛ Kirisitiida ɩnɩ do, dɔ a bir a kpɩɛr ɔɔ bɩnɔ a hɩɩn, mɔ̃ a donɩ Kirisitiida, sɛrɛ dakha Kirisitiida sɩ do ser.
8 Gɩdonɩ adorakɛ ma məbire dɩ a kãasɩ gbe hʋ hananɛnaakɛ Kɔ̃tɩn kɔɔ ha sɩnɩ, gɩ cʋʋ nɩ nɩ khɔ̃ na-n pɛr ga do gɩ kʋɛ na', yicuru na fʋ ma'.
9 Ga do mɩ-n ƴaalɛ ɩ̃ ho mɩ-n phərə ner na ɩ̃ sɛba'.
10 Wɩ-n sor dɩ wɩ yɩ, ɔɔ sɛbɛ khɩɩrɛ ka, ga-n gɔ kpãkpalã ga, sɩ a fɩ yɩ ɔɔ thɛthɛ, sʋmʋmʋ̃ a ha dɩ ɔɔ nɔ thɩmɩɩ mɔlɔ thɩmɩa yɛ.
11 Dɔ ntɛɛle n mɩanɩ thale n jɩ: Mɔ̃ asɩ thɩmɩɩ n hanɩ sɛbɛra ado sa hala', mɛ̃ dakha asɩ thɩ̃ cʋʋ n ha ado sɩ hale.
12 Sa 'la na gba asɩbara na mɩɛna tibil ɩkhasɔɔkɛ n kpãganɛnɩ dɩbara ga, agɩbo sɩ yɩ sɩ jɛ ʋrɛ jɔna', mɔ̃ wɩ-n mɩɛnɩ dɩbara na awɩ mɩɛda awɩ ha wɩ jɩ ʋrɛ jɔnɩ, fɩlɛ ɓɔra wɩ.
13 Sɩ sɛrɛ, asɩ məbi na kãasɩ gɩrɛraakɛ sɩ kɔɔ cʋʋna', sɩ ka Thãgba yɩnɩ sɩ dɔ asɩ thɔ̃ kho, le sɩ khu, dɩ anɩ pa gɩ khu.
14 Sa-n kãasɩ asɩ pɛla', gɩ ho sa kɔɔ pɔ a dã anɩ pa gaaga, gɩdonɩ sɛr dɔ wɩrɛ kɔɔ dana nɩnɩ waa gel na Kirisitii tutugo bʋɔ.
15 Asɩ məbi na kãasɩ gɩrɛraakɛ sɩ cʋʋna', dɩ sa məbi haanɩ thɔna ga, sɩ sɩ hananɛ nũ pɛrɛ anɩ ha pɛ n khɔna pɩɛr, sɩ yɩ hʋɛ asɩ thɔ̃ pɛl n tɔ gɩ pɛr,
16 dɩ sa mɩɩ tutugo bʋɔ anɩ billo, sɩ sa too sa-n məbi thɔmanaakɛ ʋkha kɔɔ 'lini cʋʋra', gɩ ha mɔna gɩ kherenɩ Thãgbaa sɛbɛra ayɩ:
17 «Dɔ ʋrɛ n məbəni, a na-n məbi gɩrɛraakɛ Kɔ̃tɩn cʋʋnɩ.»
18 Gɩdonɩ ga do ʋrɛ n kpãganɛnɩ dɩbara ɔr wɩ-n we tibilə', sɩ ʋrɛ Kɔ̃tɩn n kpãganɩ gɩ.