3
1 A thɩɛna gaa, sɩ bire ma sa-n nɩna asɩbara dɩ tɩɩ teenaa sɩ doaa bɛ? Dɩ agɩbo ʋkhasɔɔ kha sa ƴaal tetee sɛbɛ sɩ nɩna nɩ, agɩbo sɩ ba ƴaal nar?
2 Nɛrɛɛ thɛthɛra ka do asɩ sɛbɛ, a khere asɩ hara, dɩ tɩbɩla fɛʋ jɩ gɩ dɩ wa-n hɩɩn.
3 Sɛbɛɛkɛ Kirisiti kherenɩ nɩ do gbelẽ gbelẽ, kɛ sɩ doronɩ thɔ̃ dona. Ga do sɛbɛ khere nƴʋɔn wɩ kherena ga, sɩ Thãgba yidaarɩ Thu gɩ kherena, ga do boka thelnaana gɩ khera', sɩ tibil haarra gɩ khere.
4 Gɛr dɔ tu jɩɩrɩkɛ sɩ hananɩ Thãgbara dɩɩ the Kirisitira.
5 Ga do sɛrɛɛ thɛthɛ hɩna punone a na ba kpɩɛr dɩkha gɩ ho asɩ pa gɩ tha', sɩ asɩ puno Thãgbara gɩ-n the.
6 Ɔr hana sɩ punone dɩ sɩ do thɔ̃ dona nɔ bɩɛl ʋlfɛ phaara, ga do jɔfʋraakɛ kherenenɩ gɩ bã, gɩdonɩ jɔfʋʋkɛ kheranɩ n kʋrɛ, sɩ Thu Phuu n 'laanɛ yire.
7 Gɩdonɩ ado jɔfʋ 'laarɛɛkɛ kherenenɩ bokaarra kɔɔ ɩnanɛ khir sɩɩ dorakɛ gɩ kɔɔ ɩɩrnanɛ carbararɛ dɩɩ do Thãgbaa i dʋbɩra gɩ the, dɩ Ɩjɩrayɛl bɩsana na-n ba puno na jɩɩ hɩɩn Mʋɩjɩɩ ƴa', gɩdonɩ ɔɔ ƴɛ carbaraalera dɔ kɩrʋ, sɩɩ dorakɛ dakananɛ gɩ,
8 na jɩ dɩɩ do thɔmaakɛ dɔnɩ Thu Phuuda n carbararɛ a ka gelaa?
9 Ado so heen thɔma hananɛ carbara caale, ga do fɩl sar thɔma na-n carbararɛ ka gɩ jɔ gele fĩiəə?
10 Mɔ̃ thɩ̃ɛ hanɩ thaa, gɩrɛra n kɔɔ carbaranɛnɩ na do thɩ̃ɛ bã, gɩdonɩ gɩrɛ jɔ gɩnɩ fĩi na carbararɛ ɩnɛ a thi gar.
11 Dɩ ado gɩrɛ dɔnɩ dakananɛ kɔɔ hananɛ carbararɛ, dɩ mɔ̃ gɩrɛ n tɔɔnɩ khorrɩ carbara na ha?
12 Dɩ mɔ̃ sɩ hananɩ ga nũ pɛ caakɛ, sɩ-n mɩɩrɛ na 'lar casɩ.
13 Sa-n cʋʋ Mʋɩjɩɩ kha ga, kɛ kɔɔ gbaannɩ kɩ̃kɩɩn a thi ɔɔ ƴɛra, gɩ do nɔɔ Ɩjɩrayɛl bɩsana na-n ba hɩɩn kirkirkir gɩrɛ dɔnɩ dakananɛ gɩ dana khu paaraa ga.
14 Awɩ kpɩɛr dibi warɛ, gɩdonɩ a dana nĩ ɔbɔɔkɛ wɩ-n sonɩ ʋlfɛ tɩ̃ sɛbɛ, kẽkẽ ca gelela bor hale 'lo ga tə', gɩdonɩ Kirisiti dɩbara na te gɩ dɩ a ther.
15 Sɩ a dana nĩkɛ ɔbɔɔkɛ wɩ-n sonɩ Mʋɩjɩɩ sɛbɛ, kɩ̃kɩɩn n hale awɩ hara dɩɩ kɛɛ.
16 «Sɩ ɔbɔɔkɛ tibil n kɛrnɩ da-n kpa Kɔ̃tɩnna, kɩ̃kɩɩn n tire.»
17 Dɩ Kɔ̃tɩn, Thu Phuu gɩ; dɩ ka Kɔ̃tɩnɩ Thu n hanɩ, le wa dʋʋr n ha.
18 Dɩ gɛr gɩ sɛrɛ fɛʋʋkɛ na hananɩ dɩkha dɩɩ kɛɛ sɩ ƴɩɛra bã, Kɔ̃tɩnɩ carbara n caranɛ sɩ ƴɛ bire mɛ̃ hɩɩn khaa, dɩ sɩ debi na hʋʋ a na pɛr, dɩɩ do Kɔ̃tɩnɩkɛ dʋɔnnɩ Thu Phuu pa gɩ-n the.