2
1 Mɛrɛɛ thɛthɛ kɔɔ te kpɩɛrɛ kɛ ɩ̃ bɩnɔ sa yɩ, ma bir na pɔ anɩ pa gbobirera ga.
2 Gɩdonɩ ado mɩ cʋʋ nɩ dɩ nɩ gbobi, amɛ na cʋɛ daʋ dɩ a fʋ mɩ saagado ʋrɛra mɩ cʋʋnɩ dɩ gbobi ga.
3 Mɩ kɔɔ khere narɛ gɩrɛɛkɛra mɩ kɔɔ kherenɩ, dɩ a ma pɔ anɩ pa, ma-n yɩ gbobire wɩrɛraakɛ dɔnɩ wɩrɛ na cʋɛnɩ wo dɩ daʋ na fʋ ma'. Dɩ mɩ hananɛ ga ha pɛɛkɛ, dɩ ɩ̃ daakɛ na fɔ mɩnɩ na dɔ nɛrɛ fɛʋʋda.
4 Gɩdonɩ gbobi kɔ̃tɩ̃ɩ, na ha helle, na yilẽbe jɔɔ mɩ kherena nar sɛbɛɛkɛ, ga do dɩ ma cʋʋ nɩ nɩ gboba', sɩ dɩ na jɩ dɩ naʋʋkɛ mɩ hana narnɩ gɩ kɔ̃tɩnɛ.
5 Ado tibil do nɔɔ dɩ gbobire hale, ga do mɛr dɩbara a cʋʋ dɩ ɩ̃ gboba', sɩ nɛrɛ fɛʋ gɩ; sɩ anaa ga do fɛʋ ga, mɩ sor thakɛ gɩdonɩ ma-n ƴaal ɩ̃ kaya ɩ̃ dɛɛnɔa'.
6 Sorɩkɛ ɩkhasɔ bərəəm nɛrɛra kɔɔ pɛrnɩ kuunnaale daan.
7 Gɩ baar dɩ na ka na faa ɔɔ sopugo na haa dɩphã, sɩ na ƴɔlʋʋ haar, agado mɛ̃ ga, ha dɩ gbobire na thʋnɛ na jʋɔraa.
8 Mɩ-n bɩɛl nɛr dɩ na nɩnaa naʋ.
9 Gɛr dɔ nɔɔ dakha dɩ ɩ̃ khere nar, a be nɩ bɩnɛ ma-n hɩɩn, ado na nɩrɛ nũu thɩ̃ɛ fɛʋra.
10 Sɩ ntɛɛ sopugookɛ nɩ-n faanɩ, mɩ-n faarɛ mer. Sɩ ado mɛrra gɩ, gɩrɛ mɩ-n faanɩ, ado ger mɩ kɔɔ faarɛ dɩkhaa sopugo, nɛr dɔ nɔɔ Kirisitii ƴɛra.
11 Dɩ mɛ̃ Satã na yɩ sar hʋɛa', gɩdonɩ jɩɩr na 'lee sɩ ɔɔ fɩɩlla ga.
12 Ɔbɔɔkɛ mɩ kɔɔ danɩ Tʋrʋasɩ ɩ̃ mɩɩ Kirisitii tutugo bʋɔɔ thɩmɩɩ, Kɔ̃tɩn kɔɔ khɛr mɛr loo wer,
13 sɩ ɩ̃ ha na kɔɔ jɩɩl cɔcɔa', gɩdonɩ ma kɔɔ yɩ Tɩtɩ ɩ̃ oma', dɩ mɩ kɔɔ bɩɛlɛ hʋɛ sa gba jal Masedʋan.
14 Thãgba hɩna fʋɔrɛ, ɔrkɛ n cʋɛ sɩnɩ wire koo dɩ sa-n kəə, dɩɩ do Kirisiti dɔ nɔɔ, dɩ gba sɩ dɩ cʋʋna dɩ jɩɩrɩkɛ tɩbɩla na jɩnɩ Kirisiti na-n pɩ paar fɛʋ mɔ̃kɛ latɩkolo n hʋnɩ.
15 Gɩdonɩ ado Thãgbara gɩ, sɩ hʋrɛ thɩ̃ɛɛkɛ n hʋnanɩ daʋ, dɩ Kirisiti dɔ nɔɔ, wɩrɛ 'lɛnɩ taarɛɛ thɩ̃thɩɩn na wɩrɛ n buurenii thɩ̃thɩɩn.
16 Wɛra wer, khi hʋnɛ gɩ-n do war dɩ a-n jalna wɩ khirrə, sɩ ado wɛra wer, yi hʋnɛ gɩ-n do war dɩ a-n jalna wɩ yirera. Dɩ ʋmɔ̃ dana thɩɛnaale?
17 Gɩdonɩ sa ho tibil jɔjʋɔɔkɛ n mɩanɩ Thãgbaa thɩmɩɩ dɩ wa-n pɛ awɩ kũkunoə', sɩ ha phuu ser n mɩɩna, mɔ̃ sɩ donɩ Thãgbaa thɔ̃thɔna Thãgbaa ƴɛra, a ha Jeju Kirisitira.