8
1 Sɩ ado bonɩ ji nʋ̃daara gɩ, sɩ jɩrɛ wer sɛrɛ fɛʋ hananɛ jɩɩr, sɩ jɩɩr n 'laarɛ i kaar, sɩ naʋ n cʋɛ dɩ tibil n khɔ̃ da-n pɛr.
2 Ado tibil pɛr haar ɩnɩ jɩrɛ thɩ̃ɛ, aa jɩ gɩ mɔ̃ gɩ teenanɩ a jɛ ga.
3 Sɩ ado tibil na Thãgba, tibil ole Thãgba jɩɩrɛ dakha.
4 Sɩ ado bonɩ ji nʋ̃ khodaara gɩ, sɩ jɩrɛ dɩ thɩl na do thɩ̃ɛ thɩɩra ga, dɩ thãgba kpɩɩ na hale saagado bɩɛl gɩ dɩbara gaaga.
5 Gɩdonɩ adorakɛ gɩrɛ wɩ-n wenɩ thãgbasɔ hale, a ƴũ gɩ a thɩɩra gɩ, gɩ hale wer a do thãgbasɔ jɔɔ na kɔ̃tɩnasɔ jɔɔ.
6 Sɩ ado serra wer, Thãgba bɩɛl dɩbara haanle, a do Thɩrɛɛkɛ thɩ̃ɛ fɛʋ theronɩ, ɔr te sɩ sɩ dɔ ɔɔda. Kɔ̃tɩ̃ bɩɛl dɩbara haanle dakha, Jeju Kirisiti gɩ, kɛ dɔnɩ ʋrɛ thɩ̃ɛ fɛʋ harɔnɩ, ɔr dɔ ʋrɛ sɩ doronɩ tibil.
7 Sɩ ga do tɩbɩla fɛʋ hana ga jɩɩla'; gɩdonɩ ɩkhasɔ kɔɔ mɩlnanɛ thɩla a dana nɛnɛ̃kɛ, wɩ-n bor dɩ wa-n hɩɩnnakɛ nʋʋnɩle wɩ-n khonɩ dɩɩ bo do bonɩ ji nʋʋnna 'lo, dɩɩ do mɛ̃ awɩ kpɩɛrnɔɔkɛ na tɩɛnna' n cʋʋ wɩ dɩ wɩ ba pɛr haar nʋ̃ khorɩle pɛ narɛ dɩɩ.
8 Ga do dɩkor na cʋɛ sɩ dɩ sa 'li kha na Thãgba ga. A sa kho dɩkora', dɩkha na ɓɔr sa'; a sa kho, dɩkha na-n dɛbɩ sar woa'.
9 Sɩ na-n jɩɛ hɩɩn, dɩ anɩ hʋ hana na-n do nɛ baradaa wɩrɛraakɛ yɔɔna'.
10 Gɩdonɩ ado tibil yɩ fɩ, fɛrkɛ hananɩ jɩɩr, dɩ fɩ too bonɩ ji paar a na kho thɩ̃ɛ, tibilikɛ na tɩɛnnɩ ɔɔ kpɩɛrnɔra ga, ga do ga thɔgʋʋrɛ na pɛr da kho bonɩ ji nʋʋnna orraa?
11 Dɩ thale afɩ jɩra na cʋʋ ʋrɛ yɔɔnɩ, kɛ dɔnɩ omineekɛ Kirisiti kɔɔ khironi, da bu.
12 Dɩ a na cʋʋ sopugo thale omɩnana, a na cʋʋ awɩ kpɩɛrnɔɔkɛ na tɩɛnna', dɩ a bũburõ, Kirisitira nɩ-n cʋʋ sopugo.
13 Dɩ gɛr gɩ, ado dɩkor na cʋɛ ɩ̃ omi da bara, ma kho nʋʋn kpɩɩrakɛ, gɩ ba cʋʋ ɩ̃ omi a bara ga.