6
1 Na-n jɩɛ dʋ bʋrɛ na-n nɩna anɩ bɔ cʋʋ tɩbɩlala wa-n yɛ ga, a gɩ ha mɛ̃ na 'lɛ khaardaa anɩ Thɩraakɛ hanɩle ƴũ fɩɩʋraka'.
2 Gɛr gɩ ɔbɔɔkɛ fɩ-n hanɩ bɔdara thɩ̃ɛ, fa-n do wɩ ʋ̃ tutuu afɩ ƴɛra, mɔ̃kɛ bɩnɛ yenyɔdara n cʋʋnɩ Juifisɔɔ Thãgba fʋɔr cɔnanɔa', na ƴatɔɔ tɩbɩla n yɛ wɩ a na khɩa wa'. Sobɔr mɩ so nar, wɩ 'lɛr awɩ khaarda thalera pɩ.
3 Sɩ fɛrɛ̃, ado fɩ-n har bɔdara thɩ̃ɛ, fa-n dorakɛ afɩ nyɔ̃bɩlã n jɩ gɩrɛɛkɛ afɩ nyɔ̃bɔ n cʋʋna';
4 gɩ do mɛ̃ afɩ thɩ̃ 'laa na wolone, dɩ afɩ Thɩɩkɛra yɛ gɩnɩ wolonena ɔr na ka fɩ.
5 Dɩ ɔbɔɔkɛ nɩ-n bɩɛlnɩ Thãgba, na-n ho bɩnɛ yenyɔdaraakɛ n naannɩ ɩnɩ-n jɩlɛ na bɩɛlnɛ Thãgba Juifisɔɔ Thãgba fʋɔr cɔnanɔ na hʋ nʋɔrasɔ tɩbɩla na-n yɛ na'. Sobɔr mɩ so nar, wɩ 'lɛr awɩ khaarda thalera pɩ.
6 Sɩ fɛrɛ, ɔbɔɔkɛ fɩ-n bɩɛlnɩ Thãgba, lona afɩ du bɩnɔ a khaanɛ loo, sa bɩɛlnɛ afɩ Thɩɩkɛ hanɩ ka keranɩ; dɩ afɩ Thɩɩkɛra n yɛnɩ gɩrɛ keranɩ, ɔr na ka fɩ.
7 Dɩ ɔbɔɔkɛ nɩ-n bɩɛlnɩ Thãgba, na-n ther thɩmɩa pɛrɛ pɛrɛ a na pɛra', mɔ̃kɛ thɩldara n cʋʋna', gɩdonɩ wɩ-n kpɩɛrɛ jɔ mɩɩrɛ na dɔ nɔɔ, dɩ Thãgba na tu awɩ bɩɛl.
8 Na-n ho waa koe, gɩdonɩ anɩ Thɩ jɩrɛ gɩrɛɛkɛ n ɓɔra nɩnɩ, sɩ dɩ na kɔɔ bɩɛlɛɛ pa'.
9 Dɩ gɛr gɩ nɩ bɩɛlnɛ thakɛ: Asɩ Thɩɩkɛ hanɩle ƴũ, dɔ afɩ i n dʋbɩrɔ;
10 dɔ afɩ fãgadaar do n ɩ̃; dɔ afɩ tuur na-n cʋʋ kɛ thɩɩra, mɔ̃ gɩ-n cʋʋɩɩɩ Thãgbaa dʋɔ.
11 Hana sɩ nĩ dɩkorɩkɛ na dana sɩnɩ.
12 Faa asɩ puukɛ sɩ-n cʋʋnɩ na hana sɩ mɔ̃ sɛrɛ dakha n faanɩ ɩkhasɔɔ puukɛ wɩ-n cʋʋ sarnɩ dɩ sa-n ha wɩ.
13 Fa-n faa sɩ fifiləle n puno sa', sɩ na taa sɩ puu cʋʋ hɩ̃daarɩ nyɔ̃kɔɔ. [Gɩdonɩ fɛr hɩna nũfiire, na punone, na i dʋbɩrɛ bɔɔ fɛʋ waa khorr. Amɛn.]
14 Dɩ ado nɩ-n faarɛ sopugookɛ tɩbɩla n cʋʋ narnɩ dɩ na-n ha wɩ, anɩ Thɩɩkɛ hanɩ ƴũ a na faarɛ anɩ sopugo dakha a na-n ha nɩ.
15 Sɩ ado na-n faa sopugookɛ tɩbɩla n cʋʋ narna', anɩ Thɩ na faa dakha anɩ sopugo na ha na'.
16 Ɔbɔɔkɛ nɩ-n lin nʋɔ, na-n ho bɩnɛ yenyɔdaraakɛ n lenɩ sɩ dɩ wa-n kpaar na gbobira', gɩdonɩ wɩ-n lire ƴɩɛ dɩ wa-n nɩna tɩbɩla wɩ jɛ nʋɔ ɩnɩ li. Sobɔr mɩ so nar, wɩ 'lɛr awɩ khaarda thalera pɩ.
17 Sɩ fɛrɛ, ɔbɔɔkɛ fɩ-n lini nʋɔ, hulo ƴɩƴ, a bʋlana niin yʋʋ;
18 dɩ mɛ̃ fa nɩ̃na tɩbɩla wɩ jɩ nʋɔ fɩ lə', sɩ afɩ Thɩɩkɛ hanɩ ka keranɩ ɔr fa nɩna, dɩ afɩ Thɩɩkɛra n yɛnɩ dakha gɩrɛ keranɩ, ɔr na ka fɩ.
19 Na-n khɩɩ lẽle thɩ̃ɛ a thɩɩn kɛ thɩɩra, ka ɔphãkerẽsɔ na dʋʋn na kʋɛ gɩna', na ka yo na cɩnɩ na cu sɩ na lõ na yuə'.
20 Sɩ na-n khɩa lẽle thɩ̃ɛ a na thɩnɛ Thãgbaa dʋɔ, kãkɛ ɔphãkerẽsɔ na dʋʋn na kʋɛ gɩna', dɩ yo wɛ a na cɩ na cu sɩ na lõ na yuə'.
21 Gɩdonɩ kãkɛ afɩ lẽle thɩ̃sɔ hanɩ, le afɩ ha na ha dakha.
22 Yire dʋɔn lãphã tormrra. Ado afɩ yi bɔr, afɩ tomɩ fɛʋ dahɩrɛra ga ha.
23 Sɩ adõ afɩ yi na bɔra', afɩ tõmɩ fɛʋ na har dabɩrəra. Sɩ ado dahɩrɛɛkɛ fɩ hananɩ afɩ bɩnɔ birəre, ga dor dabirəra na kɔtɩnɛ na ka.
24 Tibil bɩɛllakɛ na puno na do thɔma kɔ̃tɩna yenyɔra ga, foo a na laarɛ bɩɛl sɩ a na na bɩɛl, agɩbo a na mar kha an bɩɛl sɩ a hɛbɩ bɩɛl. Na puno na do thɔma Thãgbara nakha lẽle thɩ̃a'.
25 Gɛr gɩ dɩ ɩ̃ so nar: Na-n too na dɛna anɩ yi gɩrɛraakɛ na khonɩ na-n yɔna ga, dɩ anɩ tomɩda gɩ gɩrɛraakɛ na tona'. Yire na ba dɩkoraa? Dɩ tomɩr na ba kɩ̃kɩɩnaa?
26 Nɩ hɩnɛ mɔ̃kɛ 'lominə jɩɛra hanɩ. Wa-n diirə', wa-n kha ga, wa-n hana thɩ̃ɛ a ur thʋnɛna ga, sɩ anɩ Thɩɩkɛ hanɩ ƴũ, ɔr n haanɛ wɩ. Anɩ the nɔ ga khɩɩr a jɔ wɛr fĩiəə?
27 Ʋmɔ̃ɔ tibil nɛrɛra dɛr na do nɔɔ da puno na dɛɛnɔ ɔɔ yɛ nɔ?
28 Dɩ mɔ̃gɩdo dɩ na-n dɛ kẽkẽ thɩmɩɩrra? Na-n kpɩɛrna naporsɔ hʋɔnɔ wo na hɩnɛ mɔ̃ wɩ-n phuni. Wa-n do thɔma ga, wa-n kpar kẽkẽ wiirə'.
29 Sɩ mɩ so narɛ Salomɔ̃ɔ thɛthɛrakɛ, kɛ dɔnɩ fãgadaar, na ɔɔ nyɔ̃kor bɔ fɛʋ na kɔɔ to kɩ̃kɩɩn dɩɩ hona wɛr bɩɛllaka'.
30 Dɩ ado Thãgba na to hʋɔnɩkɛ hanɩle hʋɔnɔ nĩ dɩɩ ha thaa, sɩɩ do cʋɔ wa to garɛ dɔɔ, a na ka na cʋʋ mɛ̃ dakha nɛrɛraakɛ kanɩ hana ha pɛrɛ gbəə?
31 Dɩ gɛr gɩ na-n ha na dɛ a na so: Anye sa kho yaa, na anye sa yɔ yaa, agɩbo anye sa gba na to yaa ga.
32 Gɩdonɩ gelesɔ fɛʋ wɩrɛ na jɛnɩ Thãgba ga n ƴaalɛ gɩ. Sɩ anɩ Thɩɩkɛ hanɩle ƴũ, a jɩrɛ gɩrɛ n ɓɔra nɩnɩ.
33 Sɩ caca thɩ̃ɛ nɩ ka na ƴaalɛ ɓo Thãgbaa fãgadaar do na ɔɔ fɩl sar, sɩ gelesɔɔlerarakɛ fɛʋ Thãgba na ha nɛr a na ɓaan.
34 Dɩ gɛr gɩ na-n ha na dɛna cʋɔdaa ga, gɩdonɩ cʋɔɔ thɛthɛrakɛ n dɛnanɛ ɔɔbara. Na-n bãbanɛ na nĩkɛɛ nɩ, gɩ daan.