Habakukii Thãgba bɩɛl
3
1 Thãgbaa mɩmɩɩ Habakukii Thãgba bɩɛl ha ʋrɛa bɩɛlnɩ dɩɩ ho bɔ waal nɩɛ.
2 Thãgba Kɔ̃tɩn, mɩ nɩɛrɛ afɩda dɩ wɩ mɩɩna,
Dɩ afɩ thɔ̃sɔ kʋ mɛr maar.
Birə cʋɛ gɩ wo ga yɛsɔɔraakɛ.
Cʋɛ gɩ yɛnasɔraakɛ tɩbɩla n bir wɩ jɩ gɩ.
Sɩ adorakɛ nĩkhii fʋ fɩ mɔ̃, sɩ jɛna dɩ bɔjɩdaar fɩ do.
3 Thãgba ther Temã bəənnə da n ɩ̃,
Ʋrɛ Phonɩ ther Parã gɔ̃gʋɔnɔ da n gbũ. \qs
Dɩ ɔɔ dakpɛ do thi thãgbara ƴũu fɛw,
Dɩ tɩbɩla fɛw thɩɩra na n kpãgaa.
4 A n carbararɛ a ho dahɩrɛ,
Ɔɔ ɲɔ̃kɔɔ carbararɛ the a carã.
Dahɩrɛ caaraalera ɔɔ puno kɔ̃tɩ̃ n the
5 A a na jal, kho mananɛ n kʋlɛɛ ƴɩɛ,
A a jal pɩ, dɩ tomɩ kpor khoo n 'loro ɔɔ nɛ kasɔ da n kpaan.
6 A a jɩɩl dɩ thɩɩ na n jẽ.
A a na hɩɩnakɛ hɩɩn haarɩkɛ dɩ maar na n lɩɛr ca kpɩɩsɔ,
Dɩ gɔ̃gɔnaakɛ hanɩle khorr n ɓɩɛl yɩra yɩra yɩra,
Dɩ mama gɔ̃gɔ̃ biisɔ n yɩɩ thɩɩra. Gɛrra kɔɔ dɔ ɔɔ hʋsɔ mamara da n kana.
7 Dɩ mɩ yɩrɛ Kusidaraa kẽkẽ wasɔ dɩɩ wɩɛl,
Dɩ maar fʋlɛ Madɩ̃adara awɩ cɔsɔɔra dɩ wa n jẽ.
8 Mɩɩrsɔ fɛr Thãgba Kɔ̃tɩn gbana nĩkhii ya?
Mɩɩrsɔ fɩ gbana nĩkhii yaa,
Agɩbo laɲʋɔn fɩ gbana nĩkhii dɩ fa n ɩ̃ a jʋʋn afɩ gãgosɔɔra,
Na afɩ kəkəə koke hotorosɔɔra?
9 Fɩ jʋʋnɛ afɩ tha.
Afɩ sẽsɔ dʋɔn ʋlfɛrɛsɔɔkɛra fɩ kɔɔ ʋlfɛnɩ. \qs
Fɩ n lɩɛrɛ thɩɩ dɩɩ do mɩɩrsɔɔ ka pa.
10 Gɔ̃gɔna yɩ fɛr dɩ wa n jẽ,
Dɩ thãgba kha dapaara dɩ ɲʋɔn na n deer.
Dɩ laɲʋɔn na n oor, da n dʋʋrna ɲɔkalbe thãgbara ƴũu.
11 Wire na sɩpor tha thʋnɔ sa jɩɩl awɩ pa,
Dɩɩ do afɩ sẽekɛ fɩ n thanɩ dɩ ga n carbara dɔ kɩrʋ,
Na afɩ kpɩlaakɛ fɩ n dʋnɩ dɩ ga n kele yinə.
12 Fɩ n kpaarɛ thɩɩra na nĩkhii,
Fɩ cɩ̃cɩmanɛ a saar ca kpɩɩsɔ na nɛɛ a cʋ̃baan.
13 Fɩ ɩɩrɛ fɩ taa afɩ too,
Fɩ taana ʋrɛɛkɛ fɩ phiirni.
Fɩ phubire tɩɩ puu cɔ,
Fɩ wɩɛlʋlɛ a gbunə dana khu paar. \qs
14 Tɩɩ puu thɛthɛɛ sena fɩ thaarna ɔɔ koke kɔ̃tɩ̃sɔ yʋsɔ a cuur.
Wɩ n kɔɔ ɩnɛna waa a ho jɛkhur wɩ bɩ̃bɩlã sɩ,
Dɩ wa n be da hulẽbe a ho wɩ fʋrɛ pɩ gãgarɩkɛ wɔnanɩ a cɛcɛbɛ.
15 Fɩ phɛlɛ hʋɛ laɲʋɔna a the na afɩ gãgosɔ,
Kɛ dɔnɩ ɲʋɔnɩkɛ kpanɩ gbɛbɩ tə̃tə̃tə̃.
16 Mɩ nɩɛrɛ tutuore,
Dɩ haar ubi mɩ.
Dɩ tomɩ khiir mɩ a kpala fɛw.
Dɩ tomɩr na n jẽ mɩ kpakpakpa liirə jɩɩl paar.
Gɩdonɩ gɩ teenanɛ ɩ̃ tɔɔ cɔcɔcɔ sɩ na pɩɛrɛ bɔgaar wireelera na phananɩ
Lãlara na ɩɩrnanɩ ɩ̃ too.
17 Ga bɔɔle, fɩgɩ thɩra na pherakɛ phɩɩna',
Tibil na yɩ dɩvɛ̃ be a na khʋ̃ dɩvɛ̃ thɩrara 'lo bã.
Olɩvɩ thɩra na bor sɩɩr,
Dɩkɔ na ha Lɔɔsɔ tibil n gba ga.
Nʋ̃ yɩra na pɩrɛ fɛw nʋ̃ cɔnanɔ,
Nʋ̃ kɔ̃tɩna n pɩ fɛw nabaranɔsɔ.
18 Sɩ me wer, ma n kãkarɛ gɩ do Thãgba Kɔ̃tɩn dɔ nɔɔ,
Daw na fʋ mɛr Thãgbaraakɛ dɔnɩ ɩ̃ Taadaar.
19 Thãgba Kɔ̃tɩnɩkɛ dɔnɩ Kɔ̃tɩn, ɔr dʋɔn ɩ̃ fãga
A n cʋʋrɛ ɩ̃ nɛ dɩɩ phe a ho mɔ̃ nʋ̃taa nɛ phenɩ,
Dɩ cʋʋ mɩ dɩ ma n ɩɩr gĩgĩ gbaana.
Nɩ khɩnaa kɔ̃tɩ̃ nɩ gɩ. Bɩ̃ bɩ̃ thɩ̃ɛɛkɛ dɔnɩ pɛ̃daa wɩ n khɩna.