Ɩjɩrayɛl bɩsana sor ɩna kɛrɛ na bir Thãgbara
6
1 Ɩjɩrayɛl bɩsana sor ayɩ: «Nɩ ɩna sɩ kɛr sɩ bir Thãgba Kɔ̃tɩnna,Gɩdonɩ a pɛ sarɛ khoe, sɩ a na kpɛɛ sɛr!
A bɩɩr sɛr, sɩ a na pɛrɛ thɩɩ asɩ khosɔɔra.
2 A na ha sɛr yire kɩɛr na wire yeɲɔ.
Wire balãther wirera a na ɩɩr sɛr,
Dɩ sa hana yire ɔɔ ƴɛra.
3 Dɔ sɩ jɩ Thãgba Kɔ̃tɩn,
sɩ lana a jɩɛnɛɛ.
Mɔ̃ baalɛ na hanɩ dɩɩ wɩldara ga,
Ɔmɛ̃ baalɛ na ha ɔɔ ɩ̃dara ga.
A na ɩ̃ sarɛ, mɔ̃ thãgba n ɩnɩ,
Mɔ̃ lamɩ thãgba n sɛnɩ thɩɩ.
Thãgba birsere Ɩjɩrayɛl bɩsana
4 Mɔ̃ ma cʋʋ nɩ yaa Efɩrayɩmɩ məlsɔ?
Mɔ̃ ma cʋʋ nɩ yaa Judaa too?
Anɩ naw mɛrɛra hor thuthuure,
Gɩ hor duur mɩ̃ɛɛkɛ n jɛbanɩa.
5 Gɛr dɔ nɔɔ dɩ ɩ̃ mɩmɩɩsɔ na n gaar nɩ na ɩ̃ thɩmɩɩsɔ,
Dɩ ma n kʋʋr nɩ na ɩ̃ nɔ thɩmɩɩsɔ.
Anɩ kɩɩl na hɩrɛrɛ mɔ̃ dahɩrɛ n hɩrɛnɩ.
6 Gɩdonɩ sobɔdaar dʋʋr mɩ n ƴaal, ga do bonɩ jirsɔ ga.
Mɩ n ƴaalɛ wɩ jɛ mɩ ɩ̃ do Thãgba, ga do bonɩ thiinəsɔ mɩ n ƴaala'.
7 Sɩ wɛr, wɩ kʋɛrɛ ɩ̃ nɔ bɩɛl ʋlfɛ Adãb dɩɩra.
Liir dɔ gɩrɛ wɩ dɩna marnɩ.
8 Galaadɩ dor puu cʋʋdaraa dɩ,
A hinəne tibil tɔmɩnɩkɛ wɩ deernɩ.
9 Mɔ̃kɛ yu hɔ̃hʋɔldara n nɔnɩ tibil a kʋ,
Thale bonɩ jidaraa gbulõ
n kʋʋr tɩbɩla Sɩsɛm hʋɛra.
Cʋʋ pa puu gɩ ka!
10 Ɩjɩrayɛl caara, mɩ yɩrɛ le kpɔ̃kpɔrɔ̃ thɩ̃ɛsɔ:
Liir Efɩrayɩmɩ məlsɔ n cʋʋ bɔdɛl thɔma,
Dɩ liir Ɩjɩrayɛl bɩsana n bise awɩbara.
11 Nɛr Judaa məlsɔ dakha, ma kɩɩlna nɛr
Bɔɔraakɛ ma kɛrnanɩ ɩ̃ tookɛ wɩ fʋlɛnɩ jalna dɩ kpɩɩra ma n birnə.