Thãgba so Oje n birə gba khɛr wo
3
1 Thãgba Kɔ̃tɩn so marɛ ayɩ: «Birə na khɛrra hananɩ wɛdaar, a do kuun kpɩɩ ƴaaldaar. Naanɛɛ mɔ̃kɛ mɛr Thãgba Kɔ̃tɩn nanɩ Ɩjɩrayɛl bɩsana, sɩ dɩ we wer kɛr ƴɩɛ a pɛ thãgba kpɩɩsɔɔra a na dɩvɛ̃ bi khɩ bulona.» 2 Dɩ mɩ lɩmɩnɛ sikile mũsũ be yʋɔr yemɔy na ɔɔjɩ kilo taanã na kpalaɲɔ yʋɔr (450) sa kpa khɛrra. 3 Dɩ mɩ sʋʋraarɛ ayɩ: «Tɔɔna mɩ a pʋɔrɛ, fa n faa afɩbara bɔdɛl thɔmana ga, fa n phɩna kuun kpɩa', dɩ mɛrɛ dakha mɛna ma cʋʋ afɩ bilo.4 Gɩdonɩ Ɩjɩrayɛl bɩsana na toore ƴɛrr sɩ wa hana jamana ga, wa hana kɔ̃tɩna', wa ji bonɩa', wa hana boka thɩla', wa hana efooda', wa hana beekɛ wɩ n dʋnɩ a jɩna Thãgba tuurə'. 5 A gele karɔ, Ɩjɩrayɛl bɩsana na kɛrɛ na ɩ̃ wɩ ƴaal mɛr Thãgba Kɔ̃tɩn awɩ Thãgba na Davɩdɩɩkɛ dɔnɩ awɩ jamana. Dɩ bɔɔkɛ na kpaanɛnɩ wa tɔr na wɔrɔ̃ Thãgba Kɔ̃tɩn na jẽu wa n ƴaal ɔɔ bɔ cʋʋsɔ.