OJE
Oje gbaar khɛr bɔdɛl a he
1
1 Thãgba Kɔ̃tɩnɩ thɩmɩɩkɛ a mɩɩnɩ ɔɔ mɩmɩɩ Ojeekɛ dɔnɩ Beerɩɩ bikuun bɔɔraakɛ Ojɩasɩ na Yotam na Akajɩ na Ejekɩasɩ donɩ Juda jamanasɔ na bɔɔraakɛ Joasɩɩ bikuun Jeroboam donɩ Ɩjɩrayɛl jamana.2 Yɛkɛ Thãgba Kɔ̃tɩnɩ thɩmɩɩr fʋ pa, kɛ a pɛrnɩ ɔɔ mɩmɩɩ Oje dɩ mɩɩ: Thãgba Kɔ̃tɩn so Ojera: «Jala a gba khɛr bɔdɛl a hɛ, a kɔna bɔdɛl bɩsana; gɩdonɩ dɩɩkɛɛ too faarɛ dɩbara bɔdɛl thɔmana sa bo Thãgba Kɔ̃tɩn a faa.»
3 Dɩ Oje jaal a gba Dɩbɩlayɩmɩ bikhɛr Gomɛɛr. Dɩ a hananɛ pɛmɛr a kɔ̃ kũubir. 4 Dɩ Thãgba Kɔ̃tɩn sʋʋraa: «Hanaa ire Jɩjɩreyɛl, gɩdonɩ kɩɛr na bɔɔ gbe, ma ɩɩrnanɛ Jehuu cɔdara gɩ do tɩbɩlaakɛ wɩ kʋʋrnɩ Jɩjɩreyɛl ɓɛlɛnɔ dɔ kɩrʋ. Ma pɛrɛ khu paar Ɩjɩrayɛlɩ cɔdaraa jamana dɩra. 5 Ga wiile ma khaarɛ Ɩjɩrayɛlɩ tha Jɩjɩreyɛl ɓɛlɛnɔ.
6 Dɩ khɛrɩle bire hana pɛmɛr wo a kɔ̃ khebir. Dɩ Thãgba Kɔ̃tɩn so Ojera ayɩ : «Dʋɔ ire Lo-Ruhama; (kɩrʋ dʋɔn : ʋrɛ wa hananɔnɩ bɔ fʋʋra'), gɩdonɩ ma puno na hana bɔ fʋʋr Ɩjɩrayɛlɩ cɔdarara, ɩ̃ faana awɩ dɩpasɔ bɔɔ fɛw ma n ha wa'. 7 Sɩ ma jɩrɛ Judaa cɔdara bʋɔra; dɩ mɛr Thãgba Kɔ̃tɩn awɩ Thãgba na taa wɛr, sɩ ga do tʋʋ ma gba agɩbo bajɩna agɩbo kʋʋr agɩbo gãgo sɔrasɛ na koke hotorosɔ ɩ̃ taana wa'.»