Sɩyɔ̃ dɩɩ na Thãgba fʋɔr cʋɔr wɩɛlɛ
2
1 Hu aɲaa! Nĩkhii fʋrɛ Kɔ̃tɩn,Dɩ kpa ndɔlɔ̃pana a thi Sɩyɔ̃ dɩ bɔbʋɔra ya nɛr!
A tɔr Ɩjɩrayɛlɩ thɩ̃ ɓɔ̃ le ƴũu a kpɛɛ thɩɩra,
Mɔ̃ ɔɔ nĩkhi wi phanɩ, aa jɩnanakɛ ɔɔ thɛthɛɛ nɛ jəəda Jerujalɛm do 'lo bã.
2 Kɔ̃tɩn kʋɛrɛ Jakɔbɩɩ cɔ pasɔ fɛw,
Sɩ aa jɩɩ bʋɔra ga.
A wɩɛlɛ Juda dɩ bɔbʋɔɔ dɩ bɛr gosɔ,
A dʋʋrna thɩɩra na nĩkhii.
A kpɔ̃kpɔrɔnɛ jamana dɩɩ na ɔɔ jamanasɔ.
3 A pɩrɛ Ɩjɩrayɛlɩ fãga fɛw, ɔɔ nĩkhi kɔ̃tɩnna,
A hɛllɛ ɔɔ ɲɔ̃ a jɩɩl khiro,
Lãlarɩ ƴɛra sa fagʋʋ.
A gbɔɔrɛ dɔɔ a pɛ Jakɔbɩɩ toora dɩɩ ma,
Dɩ ga n hɩ̃ bilə fɛw.
4 A 'lar thaa mɔ̃ lãlar n 'lanɩ,
A jã ɲɔ̃bɔɔ mɔ̃ sodaar n janɩ.
A kʋʋrɛ wɩrɛ fɛʋʋkɛ bʋɔnɔnɩ hɩɩnɛna,
A deer ɔɔ nĩkhi Sɩyɔ̃ dɩ bɔbʋɔɔ kẽkẽ wara, mɔ̃ wɩ n deernɩ dɔɔ.
5 Kɔ̃tɩn fire ho lãlar,
A dɩɩrɛ Ɩjɩrayɛl,
A dɩɩlɛna ɔɔ cɔ ɓɔ̃sɔ ɓib.
A kʋɛrɛ ɔɔ dɩ bɛr cɔsɔ,
A pɛna waalɛ na benɩɛ,
Juda bə̃ bɔbʋɔra.
6 A wɩɛlɛ ɔɔ too na gɩrɛ n bɛraanɩ mɔ̃ wɩ n wɩɛlnɩ nãkʋɔr na ɔɔ bã,
A kʋɛrɛ ɔɔ paakɛ a n caananɩ ɔɔ too.
Thãgba Kɔ̃tɩn cʋʋrɛ dɩ wɩ diinə fɛtɩ kɔ̃tɩnasɔ,
Na hɩɩr wi kpa jɛsɔ fɛw Sɩyɔ̃ dɩɩra.
A bor jamana na bonɩ jidaar a faa,
Dɩɩ do ɔɔ nĩkhi khe dɔ nɔɔ.
7 Kɔ̃tɩn bor ɔɔ bonɩ ji pa faa,
A beesɩna ɔɔ pa phu.
A bor gʋʋsɔɔkɛ n bɛranɩ Sɩyɔ̃ cɔ ɓɔna a ha lãlar,
Dɩ nɔ khena na n the Thãgba Kɔ̃tɩnɩ cɔ mɔ̃ gɩ n thenɩ kpa jɛ kɔ̃tɩ̃ wire.
8 Thãgba Kɔ̃tɩn tire kpɩɛrɛ ɩnɩ n kʋɛ gʋʋkɛ n bɛranɩ Sɩyɔ̃ dɩ bɔbʋɔ.
A pɛrɛ pɔ̃ɔ a mɩɛ,
A bũburõ ger a ti cacaca, aa sɩrɔa'.
A wɩɛlɛ dɩ bɛr gʋʋkɛ dɔnɩ go kpẽkperẽ,
Dɩ gɛr yeɲɔ fɛw wɩɛl.
9 Sɩyɔ̃ dɩ lõosɔ jiire a mʋʋ thɩɩra,
A khaarɛ lo kpaladaasɔ a kʋɛ gɩ.
Ɔɔ jamana na ɔɔ minisisɔ hale ca kpɩɩsɔɔ thɩ̃thɩɩn,
Jɔfʋ na hale 'lo bã.
Ɔɔ Thãgbaa mɩmɩɩsɔɔrakɛ,
Na n 'lɛ thɩmɩɩ Thãgba Kɔ̃tɩnɩ pa ga.
10 Sɩyɔ̃ dɩ bɔbʋɔɔ kɔ̃tɩ̃sɔ toore thɩɩra,
Wɩ pɩrɛ kɩrkɩrkɩr.
Wɩ khɩɩrɛ thɩlãkobe a pɛ yʋɔsɔ,
A tona be kẽkenaakɛ dɔnɩ bɔrɔsɔ,
Dɩ Jerujalɛm khebir khɔ̃ phana gʋɛ ƴɩɛsɔ thɩɩra.
11 Mɩ bɩrɛ waa dɩ yinə thʋ̃ phu,
Dɩ kpɩɛrɛ ɲaɲaan mɩ koo.
Khaa hor ga cɩ mɛr bɩnɔ a na deer ɓoɓo,
Dɩɩ do ɩ̃ omɩ bɔsɔɔ gaar dɔ kɩrʋ.
Gɩdonɩ bɩsã bii, na bibɔrɔsɔ hale dɩ wa n var
Hʋ kɔ̃tɩnasɔɔra dɩɩra.
12 Wɩ n so awɩ nɩsɔra :
«Ma khor dikor ! Ma ɲɔr ɲʋɔn !»
Sɩ wa n var hʋ kɔ̃tɩnasɔɔra le dɩɩra,
Mɔ̃ tibilikɛ wɩ pɛrnɩ kho sɩɛ n varnɩ.
Fesue n pɩ wɛr dɩ wa n ɓɔr awɩ nɩsɔɔ ɲɔ̃kɔɔ.
13 Aɲe ma so yaa Jerujalɛm ?
Amɛɛda ma cʋna afɩda?
Dɩ aɲee ha ƴɔl ca ma ha
Fɛr Sɩyɔ̃ dɩ bɔbʋɔɔkɛra?
Afɩ khar wabɩrɛ a ho laɲʋɔn,
Amɛ na punone na kpɛɛ fɩ?
14 Sõsor thɩ̃ yɩr afɩ Thãgbaa mɩmɩɩsɔ n mɩɩ fɩ,
Sobɔr na harɔa'.
Gɩdonɩ wa nɩ far afɩ dɩpa,
Gɩ bul fɩ, fɩ 'li afɩbara ga.
Thɩ̃ yɩrɩkɛ wɩ n mɩɛ fɩnɩ,
Sõsor na mɔlɔ thɩ̃ yɩr gɩ.
15 Hʋka fɛw n pho ɲɛ̃ɛ dɩ wa n pɛ far.
Wɩ n kpisere dɩ wa n didiənə yʋʋ,
Dɩ wa n pɛ fɛr Jerujalɛm dɩ bɔbʋɔra, dɩ wa n sona aa:
«Sɩɩdo ʋrɛ dʋɔn dɩɩkɛ wɩ n kɔɔ wenɩ dɩ ɓʋ̃ɔ,
Na tɩbɩla fɛw thɩɩraa da 'lɛ pa bɛ?»
16 Afɩ lãlaardara fɛw n ɓoɓoro farɛ,
Wɩ n kpise farɛ, dɩ wa n bʋ̃ far,
Wɩ n sor aa:
«Sɩ dɩgʋʋrɛ waa !
Ɔhɔ̃ɔ, Wirera sɩ n kɔɔ pɩɛrnɩ phaan,
Sɩ 'liire, sɩ tʋʋraarɛ yire dɩphã waa.»
17 Thãgba Kɔ̃tɩn cʋʋrɛ gɩrɛɛkɛra a kɔɔ tini kpɩɛrɛ ɩnɩ n cʋʋ,
A cʋʋrɛ thɩmɩɩrɩkɛ
A kɔɔ mɩɩnɩ mama bɔɔ kɛkɛkɛ dɩɩ dã oti.
A kʋɛ fɛr koo sɩ aa jɩ fɩ bʋɔra ga.
A cʋʋ fɛr dɩ fɩ do kãka nɔɔ lãlaardaara,
A tɔr afɩ sodaraa fãga a dɛɛnɔ.
18 Jerujalɛmdara n hulene Kɔ̃tɩnna,
Gʋʋkɛ diəni Sɩyɔ̃ dɩ bɔbʋɔra wei!
Bɛ yilẽbe ga n cel mɩɩr ɲɔ khaa dɩwɩlʋ na dɩtɩnɛ!
Fa n hɩɩr yuurəka',
Fa n do afɩ yilẽbi n khɩ dakha kpɩɩa'.
19 Ɩrɛ dɩ nɩ thɩ̃thɩɩn a na hulene.
Mɩa afɩ ha thɩmɩɩr ga n cel ɲɔ khaa Thãgba Kɔ̃tɩnɩ ƴɛra!
Na tɛ ɲɛ̃ɛ ɔrra afɩ bɩsã bisɔɔ yi hanadara,
Wɩ hale dɩ hʋɛsɔɔra fɛw,
Dɩ wa n khiir kɔmɛra.
20 Hɩnɛ a tɔrɔ yire ya Thãgba Kɔ̃tɩn,
Amɛ hãale dɩ fɩ thʋ̃ cʋgʋʋ thakɛ ɓoɓo?
Gɩ teenanɛ dɩ khɛr na kho ɔɔ bi kɔnanɛ,
Kɛ dɔnɩ bɩsaanɩkɛ a n turonaa ya?
Gɩ teere kha dɩ wa kʋʋr bonɩ jidara na Thãgbaa mɩmɩɩsɔ,
Fɛr Kɔ̃tɩnɩ pa phurə bɛ?
21 Daɓol khɔ̃ phana na tɩɩ kpɛɛna hale
Hʋɛsɔɔra dɩ wa n var.
Wɩ kʋʋrɛ ɩ̃ khebi khɔ̃ phasɔ na ɩ̃ daɓolsɔ na bajɩna,
Fɩ kʋʋr wɛr afɩ nĩkhi wirə,
Fɩ kuur wer ulebe sɩ fa jɩ wɩ bʋɔra ga.
22 Fɩ wer wɩrɛɛkɛ n kɔ mɩnɩ maar,
dɩ wɩ the bilə fɛw a ɩ̃ mɔ̃ gɩ n hanɩ fɛtɩ kɔ̃tɩ̃ wire.
Thãgba Kɔ̃tɩnɩ nĩkhi wirə,
Tibil na hale a fuuə', tibil na hale a sɩ na yirə'.
Wɩrɛɛkɛ mɩ kɔɔ haanɩ, kɛ ma n kɔɔ tunənə',
Ɩ̃ lãlaardaar thii wer ɓibi.