Lẽle thɩ̃ hananɛ na n 'laa nɔbɔa'.
6
1 Thɩ̃ puu kɔ̃tɩ̃ bɩɛl hale wo mɩ yɩnɩ kɛ thɩɩra dɩ ga n vɔɔ tɩbɩla. 2 Gɛr dʋɔn tibil ʋkha n haleekɛ Thãgba n hanɩ lẽle thɩ̃ɛ na ɲɛ̃ thɩ̃ɛ, dɩ hanaa i dʋbɩrɛ, thɩ̃ɛ na n ɓɔrʋ gɩrɛ fɛʋraakɛ a n ƴaalna'. Sɩ a n haa punone dɩ khona ga, dɩ kpakpal n gba dɩ kho. Gele dakha wo, thɩ̃ kananɛna gɩ a dona puu kɔ̃tɩ̃ɩ pɔy. 3 Ado tibil hana bɩsana tamaa (100), a hanana yɛna dɩɩ jɔrakɛ mɔ̃, ado a pʋɔr thɩɩra mɔ̃, sɩ aa 'li nɔbɔɔ ɔɔ yi hanana ga, dɩ wa dʋʋ bɔɔbɔɔ woa', mɩ sor mɩɩ bi khiriikɛ wɩ kɔnɩnakɛ baarɛ. 4 Gɩdonɩ pɔy wɩ kɔ̃ bi khireele, sɩ dɩ bir kɛr jal dabirəra, dɩ wɩ diinə ɔɔ i dabirəraalera. 5 Aa yɩ wire a jɩnaa ga, ɔɔda ka baar tibil ca ole. 6 Adorakɛ tibilile cʋʋ yɛna gbɩlanɩ a ɓã yɛna gbɩlanɩna wo, sɩ aa 'li nɔbɔa', aɲe gele do? Mee pa bɩɛlla tɩɩ ye fɛw n jal bɛ?7 Tibili thɔ̃ fɛʋʋkɛ a n cʋʋnɩ ɔɔ nɔ dɔ kɩrʋ, sɩrakɛ ɔɔ thɩ̃ ƴaal na n dãa kpɩɩa'. 8 Aɲe dɔ gɩrɛ tɩɩ kpɛsɛ hananɩ dɩɩ ba də̃bəl? Dɩ aɲe bɔdaarɩkɛ n jɩɛnɩ fʋ ɔɔbara tɩbɩlaa ƴɛra n 'lɛrakɛ tɔr? 9 Ado afɩ yi tor thɩɛna, gɩ baar kpɩɛrɛɛkɛ fɩ gbanɩ yʋʋra sɩ fa yɩ thɩ̃ɛa'. Gele dakha wo, thɩ̃ kananɛna gɩ, mɔ̃ tibil na n weenɩ jɩɛ. 10 Thɩ̃ɛɛkɛ hanɩle gɩrɛ, gɩ kɔɔ maan hananɛ ire dɩ wɩ we. Dɩ sɩ jɩrɛ gɩrɛ tibil huu donɩ; a na puno na bana kha na ʋrɛ hananɩ punone a jʋɔa'. 11 Thɩmɩɩ jɔ mɩɩrɛ tə̃tə̃tə̃, gɩ n jɔrɛ mɔlɔ thɩmɩa ka. Dɩ aɲe dʋɔn khorɩkɛ tibil n 'lɛrɔnɩ tɔr ? 12 Amɛ jɩɛn thɩ̃ɛɛkɛ bʋɔnɔnɩ tibilə ɔɔ yi hana bɔɔkɛ thɩɩra, kɛ n kanɩ mɔ̃ jəəre n kanɩ? Dɩ amɛ na punone a na kɔɔ mɩɛ tibil thɩ̃ɛɛkɛ na ɩnanɩ kɛ thɩɩra ɔbɔɔkɛ aa hanɩle thɩɩra bã?