Wɩ bire gbɛbɩ nʋ̃ thii bonɩ ji paar
3
1 Ɩjɩrayɛl bɩsana kɔɔ toore awɩ dʋɔsɔ pɩ ɔbɔɔkɛ caca yɩɛrɩ sɩpora makoɲɔdaaa danɩ. Dɩ wɩ gʋʋrɛ kha a do nɔ bɩɛl sa kpa a jɛ Jerujalɛm. 2 Dɩ Yesuaakɛ dɔnɩ Yosadakɩɩ bikuun ɩɩrɛ na ɔɔ omɩsɔɔkɛ dɔnɩ bonɩ jidara, na Jorobabɛlɩkɛ dɔnɩ Seasɩɛlɩ bikuun, na ɔɔ omɩsɔ a mɩ Ɩjɩrayɛlɩ Thãgbaa bonɩ ji pa, wɩ puno wa n jiro bonɩ thiinǝsɔ mɔ̃kɛra gɩ kherenɩ Mʋɩjɩ Thãgbaa tibili jɔfʋra. 3 Wɩ mɩrɛ bonɩ ji paarra ɔɔ pa tɩna, dɩ wa n jiro bonɩ thiinǝ, kɛ dɔnɩ duur bonɩɛ na dʋɔr bonɩɛ Thãgba Kɔ̃tɩnna; sɩrakɛ wɩ kɔɔ hananɛ maar tɩbɩlalaakɛ kɔɔ hanɩ le dɩɩra. 4 Agɩpɩ wɩ cʋʋrɛ wa too fɛtɩ mɔna gɩ kherenɩ. Wɩ n jire bonɩ thiinǝ wire wo wire; dɩ wi dɔɔ bonɩ nɔ na n dã mɔ̃ gɩ teenanɩ oti. 5 A gele pɩ, wɩ n jire wire wo wiree bonɩ thiinǝ, na sɩpor pha fɛtɩsɔɔ bonɩ thiinǝ, na Thãgba Kɔ̃tɩnɩ kpa jɛdasɔ fɛw, na gɩrɛ thɛnɩ ntɛɛ ƴaala dɩ ha Thãgba Kɔ̃tɩn. 6 Yɩɛrɩ makoɲɔ sɩporɩ caca wirǝ, wɩ fʋrɛ dɩ wa n ji bonɩ thiinǝsɔ Thãgba Kɔ̃tɩnna; sɩ wa kpɛɛrakɛ Thãgba Kɔ̃tɩnɩ fʋɔr cɔ go kʋʋ pa'. 7 Dɩ wɩ 'laarɛ mũsumo a ha boka theldara na thɩr khaadara, a 'laana dɩkɔ na taan na niin a ha Sɩdɔ̃dara na Tɩɩrdara, gɩ do nɔɔ wɩ 'laa Lɩbã sɛɛdɩrɩ thɩra gɩ pɔ Jafa na bato mɔ̃kɛra Sirusi, Pɛrsɩ jamana kɔɔ 'laanɩ hʋɛ. 8 Mɔ̃ wɩ danɩ Thãgbaa cɔ Jerujalɛm pɩ, balaɲɔ yɩɛrɩ sɩpora yeɲɔrab, Jorobabɛlɩkɛ dʋɔnɩ Seasɩɛlɩ bikuun na Yesuaakɛ dʋɔnɩ Yosadakɩɩ bikuun na awɩ omɩsɔɔkɛ dʋɔnɩ bonɩ jidara na Levɩɩ mǝlsɔ, na wɩrɛ fɛʋʋkɛ kɔɔ thɛnɩ dee dʋʋra a kɛr bir Jerujalɛm, wɩ fʋrɛ thɔma. Dɩ wɩ pɛrɛ Levɩɩ mǝlsɔraakɛ fɔnɩ yɛna kpelẽdarara a jʋʋna wa n hɩnɛ Thãgba Kɔ̃tɩnɩ fʋɔr cɔ thɔma. 9 Dɩ Yesua na ɔɔ bikũusɔ na ɔɔ omɩsɔ na Kadɩmɩɛl na ɔɔ bikũusɔɔkɛ thɛnɩ Hodavɩaa mǝllǝ gbɛbɩrɛ dɩ wa n hɩɩn wɩrɛ n dʋɔnɩ Thãgba fʋɔr cɔ thɔma. Dɩ Henadadɩɩ mǝlsɔ na awɩ bikũusɔ na awɩ omɩsɔɔkɛ dɔnɩ Levɩɩ məlsɔ hale dɩ wa n bul wɩ. 10 Ɔbɔɔkɛ cɔ mɛ kpɛɛnɩ Thãgba Kɔ̃tɩnɩ fʋɔr cɔ go kʋʋ pɩ, wɩ pɛrɛ bonɩ jidara dɩ wɩ to bonɩ ji kẽkena a jɩɩlna, a fʋrɔna tutuusɔ. Wɩ pɛrɛ dakha Levɩɩ məlsɔ, kɛ dɔnɩ Asafɩɩ mǝlsɔ, dɩ wɩ fʋrɔ ɓilǝ̃sɔ, wa n dʋbɩna Thãgba Kɔ̃tɩn mɔ̃kɛra Davɩdɩɩkɛ dɔnɩ Ɩjɩrayɛl jamana kɔɔ pɛrnɩ gɩ hana. 11 Dɩ wɩ tire nɩɛ dɩ wa n dʋbɩna Thãgba Kɔ̃tɩn, dɩ wa n kpãganaa. Wɩ n deere dɩ wa n ha kha, dɩ wa n so aa: Ɔɔ Thãgba bɔrɛ. Ɔɔ naʋʋkɛ a hananɩ Ɩjɩrayɛl bɩsanana na n pɩ yuurǝka'. Dɩ tɩbɩla fɛw na n be kãka hulẽbe dɩ wa n khɩɩna Thãgba Kɔ̃tɩn gɩdonɩ wɩ n kpɛɛrɛ Thãgba Kɔ̃tɩnɩ fʋɔr cɔ go ko. 12 Dɩ tibil jɔjʋɔ bonɩ jidaraa thɩ̃thɩɩn na Levɩɩ mǝlsɔra na cɔdaar kuun wɩrɛ kpɛɛnɛnɩ jɔɔ, kɛ kɔɔ yɛnɩ mama Thãgba fʋɔr cʋɔr, wɩ n khɩɩrɛ na nɔ kheu ɔbɔɔkɛ wɩ kpɛɛnɩ Thãgba fʋɔr cɔ phaalee go kʋʋ awɩ ƴɛra. Sɩ ɩkhasɔ na n be kãka hulẽbe na nɔ kheu. 13 Mɛ̃ gɩ tɩbɩla na n puno na jɩ kãka hulẽbe kpɩɩ a na lee na khɩɩ hulẽbǝ'; gɩdonɩ tɩbɩla n kɔɔ ber kãka hulẽbe dɩ wa n nɩɛ gɩ ƴɔɔ jɔɔ ka.