Mʋɩjɩɩ khi \ref Dǝt 32:48-52; Ther 20:23-29; Th 3:22-26 Ebi 3:1-6; Khɩ 116:15-16; Mat 25:21
34
1 Mʋɩjɩ ther Moabɩ bə̃ faana a jʋʋn Nebo gɔ̃gʋɔnna, gɔ̃gɔ̃ ʋrɛraakɛ wɩ n wenɩ Pɩsɩga, kɛ hanɩ ka Jeriko dɩɩ pɛnɩ ƴɩɛ. Thãgba Kɔ̃tɩn cʋgʋʋrɛ dɩ yɩ Kanãa dɩɩra fɛw : fɔnɩ Galaadɩ bǝən a jal dã Dãa bǝ̃, 2 bǝ̃ǝsɔɔkɛ dɔnɩ Nɛfɩtalɩɩ bǝ̃ na Efɩrayɩmɩ bǝ̃, Manasee bǝ̃ na Judaa bǝ̃ a jal dã Medɩterane laɲʋɔn, 3 a gba Negɛvɩ bəən, na Jʋrdɛ̃ɛ ɓɛlɛ̃, na Jeriko ɓɛlɛ̃ na dɩɩkɛ wɩ n wenɩ Kalã dɩɩ, a jal dã Soar. 4 Dɩ Thãgba Kɔ̃tɩn sʋʋraa : Ɔr dɔ dɩɩkɛra mɩ ʋlfɛnanɩ Abɩraham na Ɩjakɩ na Jakɔbɩ ayɩ ma har awɩ mǝlsɔ. Mɩ nɩ farɛ fɩ tɔrɔ yire sɩ fa lõ la'.5 Liir Mʋɩjɩɩkɛ dɔnɩ Thãgba Kɔ̃tɩnɩ thɔ̃daar khi Moabɩ dɩɩra mɔna Thãgba Kɔ̃tɩn sonɩ. 6 Dɩ Thãgba Kɔ̃tɩn dʋʋ Moabɩ dɩɩra ɓɛlɛnɔ, ka Bɛtɩ Pewɔɔr dɩɩ pɛnɩ ƴɩɛ. Tibil bɩɛllakɛ na jɩ Mʋɩjɩɩ ka a dana nə̃'. 7 Yɛna kpalmaadɔ̃ Mʋɩjɩ kɔɔ hana sa khi. Ɔɔ yisɔ na kɔɔ vɔa', ɔɔ fãga dakha na kɔɔ pa'. 8 Dɩ Ɩjɩrayɛl bɩsana bɩrɛ Mʋɩjɩ Moabɩ ɓɛlɛnɔ a cʋʋna wire kpelẽ yʋɔr. Dɩ thale bɩɩ pɩ.
9 Mʋɩjɩ kɔɔ dɛ̃ɛnɛ ɲɛ̃ɛ Nunii bikuun Jojuera dɩ hinǝ kpɛsɛ thue. Dɩ Ɩjɩrayɛl bɩsana n nɩɩrɛ nũu dɩ wa n ɩɩr mɔna Thãgba Kɔ̃tɩn kɔɔ sonɩ Mʋɩjɩra.
10 Ɩjɩrayɛl dɩɩra Thãgbaa mɩmɩɩ na bir hale a ho Mʋɩjɩ, kɛ Thãgba Kɔ̃tɩn n mɩɩnanɩ gbelẽ gbelã'. 11 Ɔɔ hoho na hale nɔ kpaa thɩ̃ cʋʋrɛra na ma kʋ thɩ̃ɛsɔɔraakɛ Thãgba Kɔ̃tɩn thʋɔnɩ dɩ cʋʋ Ejipiti dɩɩra Faarɔna na ɔɔ thɔ̃darara na ɔɔ dɩdara fɛʋra ga. 12 Mʋɩjɩ kɔɔ hananɛ puno kɔ̃tɩ̃ na sobɔr, dɩ cʋʋna ma kʋ thɩ̃ɛsɔ Ɩjɩrayɛl bɩsanaa ƴɛra.