Paarsɔɔkɛ Ɩjɩrayɛl bɩsana kananɩ.
33
1 Yɛkɛ paarsɔɔkɛ Ɩjɩrayɛl bɩsana kananɩ ɔbɔɔkɛ wɩ thenɩ Ejipiti dɩɩra a cʋr sɔrasɩ gbulonǝ gbulonǝ dɩ Mʋɩjɩ na Aarɔ̃ na n jalna wɩ. 2 Dɩ Mʋɩjɩ kherene awɩ jɛ pasɔ kpakha kpakha mɔna Thãgba Kɔ̃tɩn kɔɔ kpãkpaanɔnɩ. Yɛkɛ paarsɔɔkɛ wɩ kananɩ: 3 Yɩɛrɩ caca sɩporɩ wire yʋɔr yemɔy wirera, Pakɩ cɔ wire, Ɩjɩrayɛl bɩsana the Ramɩsɛsɩ dɩɩra yɔɔyɔɔ Ejipitidaraa ƴɛra. 4 Gabɔɔlera Ejipitidara n kɔɔ dʋ awɩ caca bisɔɔkɛ Thãgba Kɔ̃tɩn kʋʋrnɩ fɛw. Thãgba Kɔ̃tɩn kɔɔ pɛr awɩ thãgbasɔra sor dakha.5 Ɩjɩrayɛl bɩsana ther Ramɩsɛsɩ a jal jɛ Sukɔtɩ; 6 a the Sukɔtɩ, a jal jɛ Etam, kɛ hanɩ bǝ̃ kpara khu paar. 7 Wɩ ther Etam a kɛr jal Pɩ-Hahɩrɔtɩ kɛ hanɩ Baal-Sefɔ̃ khɔra a jal jɛ Mɩgɩdɔl ƴɛkʋʋlɔ. 8 Wɩ ther liir, a iir laɲʋɔn dɩ wa n jal bǝ̃ kparara. Dɩ wɩ ɩɩrɛ a cɔna balãther Etam bǝ̃ kparaara sa jal jɛ Mara. 9 Dɩ wɩ ther Mara a jal Elɩm ka ɲɔ bu kana yʋɔr yeɲɔ hanɩ na kalã thɩra kpalãther yʋɔr a jɛ le. 10 Wɩ ther Elɩm a jal jɛ kalbi laɲɔ̃a nʋɔra. 11 Wɩ ther kalbi laɲɔ̃ nʋɔra a jal jɛ Sɩn bǝ̃ kparaara. 12 Wɩ ther Sɩn bǝ̃ kparara a jal jɛ Dɔfɩka; 13 a the Dɔfɩka a jal jɛ Alusi; 14 a the Alusi a jal jɛ Refɩdɩm ka Ɩjɩrayɛl bɩsana na yɩnɩ ɲʋɔn a na ɲɔa'. 15 Wɩ ther Refɩdɩm a gba jal jɛ Sɩnayɩ bǝ̃ kparaara.
16 Wɩ the Sɩnayɩ bǝ̃ kparaara a jal jɛ Kɩbʋrɔtɩ-Hataava; 17 a the Kɩbʋrɔtɩ-Hataava a jal jɛ Haserɔtɩ; 18 a the Haserɔtɩ a jal jɛ Rɩtɩma; 19 a the Rɩtɩma a jal jɛ Rɩmɔ̃-Perɛsɩ; 20 a the Rɩmɔ̃-Perɛsɩ a jal jɛ Lɩbɩna. 21 Wɩ ther Lɩbɩna a jal jɛ a Rɩsa; 22 a the Rɩsa a jal a jɛ Kehelata. 23 Wɩ ther Kehelata a jal jɛ Sefɛɛr gɔ̃gʋɔnnɔ; 24 a the Sefɛɛr gɔ̃gʋɔnnɔ a jal jɛ Harada; 25 a the Harada a jal jɛ Makelɔtɩ. 26 Wɩ ther Makelɔtɩ a jal jɛ Tahatɩ; 27 a the Tahatɩ a jal jɛ Tara; 28 a the Tara a jal jɛ Mɩtɩka. 29 Wɩ ther Mɩtɩka a jal jɛ Hasemona, 30 a the Hasemona a jal jɛ Moserɔtɩ. 31 Wɩ ther Moserɔtɩ a jal jɛ Bene-Yakã; 32 a the Bene-Yakã a jal jɛ Hɔɔr-Gɩdɩgadɩ. 33 Wɩ ther Hɔɔr-Gɩdɩgadɩ a jal jɛ Yotɩbata; 34 a the Yotɩbata a jal jɛ Abɩrona. 35 Wɩ ther Abɩrona a jal jɛ Esɩ̃ɔ-Gebɛɛr; 36 a the Esɩ̃ɔ-Gebɛɛr a jal jɛ Kadɛsɩ, Sɩn bǝ̃ kparaara. 37 Wɩ ther Kadɛsɩ a jal jɛ Hɔr gɔ̃gʋɔnnɔ, Edɔ̃ dɩ nʋɔra.
38 Aarɔ̃ bonɩ jidaar jʋʋnɛ Hɔr gɔ̃gʋɔnna mɔna Thãgba Kɔ̃tɩn kɔɔ sʋʋraanɩ. Dɩ a khire le yɩɛrɩ balamɔy sɩporɩ caca wirə ɔbɔɔkɛ Ɩjɩrayɛl bɩsana thenɩ Ejipiti dɩɩra dɩɩ cʋʋ yɛna kpalaɲɔ. 39 Yɛna tamaa na kpelẽ yẽther (123) Aarɔ̃ kɔɔ hana ɔbɔɔkɛ a khini Hɔr gɔ̃gʋɔnnɔ. 40 Jamanaakɛ hanɩ Aradɩ, kɛ dɔnɩ Kanãadaar bɩɛlɩkɛ hanɩ Negɛvɩ bǝǝnnǝ le Kanãa dɩɩra, nɩɛrɛ dɩ Ɩjɩrayɛl bɩsana daan.
41 Ɩjɩrayɛl bɩsana ther Hɔɔr gɔ̃gʋɔnnɔ a gba jal jɛ Salɩmona; 42 a the Salɩmona a jal jɛ Punɔ̃; 43 Wɩ ther Punɔ̃ a jal jɛ Obɔtɩ; 44 a the Obɔtɩ a jal jɛ Iye-Abarɩm Moabɩ pɛlla. 45 Wɩ ther Iye-Abarɩm a jal jɛ Dɩbɔ̃-Gadɩ; 46 a the Dɩbɔ̃-Gadɩ a jal jɛ Alɩmɔ̃-Dɩbɩlatayɩm. 47 Wɩ ther Alɩmɔ̃-Dɩbɩlatayɩm a jal jɛ Abarɩm gɔ̃gɔnana, Nebo gɔ̃gʋɔn ƴɛbʋrɔ; 48 a the Abarɩm gɔ̃gɔnana a jal jɛ Moabɩ bǝ̃ fãasɔɔra, Jʋrdɛ̃ mɩɩr nʋɔra, Jeriko ƴɛbʋrɔ. 49 Wɩ jɛr Jʋrdɛ̃ mɩɩr nʋɔra Bɛtɩ-Hayesɩmɔtɩ na Abɛl-Sɩtɩmɩ thɩ̃thɩɩn, Moabɩ bə̃ fãasɔɔra.
Kanãa dɩ tɩnɛnɛ.
50 Le Moabɩ bǝ̃ fãasɔɔra, Jʋrdɛ̃ mɩɩr nʋɔra, Jeriko ƴɛbʋrɔ, Thãgba Kɔ̃tɩn mɩɩnanɛ Mʋɩjɩ ayɩ: 51 «Sɔ Ɩjɩrayɛl bɩsanana ayɛ: Ɔbɔɔkɛ na iirni Jʋrdɛ̃ sɩ na lõ Kanãa dɩɩra, 52 nɩ weelene dɩdara fɛw a faa. Nɩ bũburone awɩ boka thɩlsɔ na thɩl gɩrɛ wɩ hɩlnɩ thɛ a cʋʋna. Nɩ wɩɛrɛ awɩ sãsɩ pasɔ fɛw a faa. 53 Nɩ tea awɩ dɩ a tɔɔrɔ, gɩdonɩ mɩ ha nɛr gɩ dɔ anɩda kpefɩ. 54 Nɩ lɛ lɩɩ a tɩnɛnɛna dɩɩra mɔ̃ awɩ thɩ kɔ̃sɔ hanɩ. Wɩrɛ jʋɔnɔnɩ nɩ hana wɩ thɩɩ gɩ kɔ̃tɩ̃, dɩ wɩrɛ na jʋɔnɔna', nɩ hana wɩ gɩ 'lũ. Thɩ kɔna fɛw bɩɛlbɩɛl na 'lɛr paarɩkɛ lɩɩ na nɩrɔnɩ. Nɩ tɩnɛnɛ mɔna awɩ casɔ hanɩ. 55 Sɩ a na weele dɩdaraale anɩ ƴɛra ga, wɩrɛ na sɩrɔnɩ na hor uusɔ wa n gʋɔr nɩ yinǝ na sẽbe wa n gʋɔrnɩ gɛlɔsɔ. Na dor awɩ lãlaardara dɩɩrakɛra na toonɩ. 56 Dɩ nɛra ma fi na cʋʋ gɩrɛra mɩ kɔɔ kpɩɛrnɩ ɩ̃ cʋʋ dɩdararaale.»