EJAYU NA ƆƆ MƏLSƆ
36
1 Yɛkɛ Ejayuukɛ wɩ n wenɩ Edɔ̃ɔ mǝlsɔ. 2 Kanãa khɛra Ejayu he. Wɛr ha wɩrɛ: Hɛtɩɩ mǝl, Elɔ̃ ɔɔ bikhɛr Ada, Hɩvɩtɩ Sɩbɛ̃ɔɔ ɔɔ bikhɛrɩkɛ dɔnɩ Ana, ɔɔ bikhɛr Oholɩbama, 3 na Basɩma, Ɩsɩmayɛlɩ bikhɛr gɩ, kɛ dɔnɩ Nebajɔtɩɩ õkhɛr. 4 Dɩ Ada kʋɔn Ejayuu bi da n do Elɩfaajɩ, dɩ Basɩmaa kʋɔn Ejayuu bi da n do Rehuwɛl. 5 Dɩ Oholɩbama kɔ̃ Jehusi na Jalam na Kora. Wɛr fɛw dɔ Ejayuu bikũusɔɔkɛ a kɔnɩ Kanãa dɩɩra. 6 Dɩ Ejayu kpar ɔɔ khɛrsɔ, na ɔɔ bikũusɔ, na ɔɔ bikhɛrsɔ, na ɔɔ cɔdara fɛw, na nʋ̃ kɔ̃tɩna, na nʋ̃ yɩra, na thɩ̃ɛ fɛʋʋkɛ a 'lɛnɩ Kanãa dɩɩra, a jal dɩ kpɩɩra, a hʋnɔna ɔɔ õkuun Jakɔbɩ. 7 Wɩ kɔɔ hananɛ thɩ̃ɛ dɩɩ thʋ̃ vǝ̃vĩǝ dɩ ga do wa punone na gbɛbɩ na toa'. Dɩ dɩɩkɛ wɩ kɔɔ tooronɩ na n dã wa', dɩɩ do awɩ nʋ̃ jɔjɔra dɔ nɔɔ. 8 Dɩ Ejayuukɛ wɩ n wenɩ Edɔ̃ jal too Seyɩɩr gɔ̃gʋɔna.Yɛkɛ Ejayuu mǝlsɔ
9 Yɛkɛ Ejayuukɛ dɔnɩ Edɔ̃dara thɩɩkɛ tɔɔnɩ Seyɩɩr gɔ̃gʋɔnna mǝlsɔ. 10 Ejayuu bikũusɔɔ isɔ ha gɩrɛ: Elɩfaajɩ, Ejayuu khɛr Ada bikuun, na Rehuwɛl, Ejayuu khɛr Basɩmaa bikuun. 11 Elɩfaajɩɩ bikũusɔ ha wɩrɛ: Temã, Omaar, Sefo, Gatã, na Kenaajɩ. 12 Elɩfaajɩɩkɛ dɔnɩ Ejayuu bikuun hananɛ khɛr kpɩɩ da n do Tɩmɩna. Dɩ a kʋɔn Amalɛkɩ Elɩfaajɩ bi. Wɛr dɔ Ejayuu khɛr Ada bikuuni bisɔ awɩ ƴɛra. 13 Yɛkɛ Rewɛlɩ bikũusɔ: Nahatɩ, Jera, Sama na Mɩja. Wɛr dɔ Ejayuu khɛr Basɩmaa bikuuni bisɔ awɩ ƴɛra. 14 Sɩbɛ̃ɔɔ bikhɛrɩkɛ dɔnɩ Ana, ɔɔ bikhɛr Oholɩbama, kɛ dɔnɩ Ejayuu khɛr kʋɔn Ejayuu bikũusɔ. Wɛr dɔ: Jehusi, Jalam na Kora.
15 Yɛkɛ Ejayuu mǝlsɔɔ kɔ̃tɩ̃sɔ: Elɩfaajɩɩkɛ dɔnɩ Ejayuu caca bikuuni bɩsãsɔ ha wɩrɛ: Temã, Omaar, Sefo, Kenajɩ, 16 Kora, Gatã, Amalɛkɩ. Wɛr dɔ kɔ̃tɩnaakɛ thɛnɩ Elɩfaajɩra Edɔ̃ dɩɩra. Wɛr dɔ Ada bikuunɩ bɩsãsɔ awɩ ƴɛra. 17 Yɛkɛ Ejayuu bikuun Rewɛlɩ bikũusɔ: Nahatɩ, Jera, Sama, Mɩja. Wɛr dɔ kɔ̃tɩnaakɛ thɛnɩ Rehuwɛla Edɔ̃ dɩɩra. Wɛr dɔ Ejayuu khɛr Basɩmaa bikuuni bɩsãsɔ awɩ ƴɛra. 18 Yɛkɛ Ejayuu khɛr Oholɩbamaa bikũusɔ: Jehusi, Jalam, Kora. Wɛr dɔ Ana bikhɛr Oholɩbamaakɛ dɔnɩ Ejayuu khɛrɩ bikũusɔ, kɛ dɔnɩ kɔ̃tɩna awɩ ƴɛra. 19 Wɛr fɛw dɔ Edɔ̃daraa kɔ̃tɩ̃sɔɔkɛ dɔnɩ Ejayuu mǝl. Ejayura n dɔ Edɔ̃.
Yɛkɛ Seyɩɩr mǝlsɔ \ref 1 Kur 1.38-42
20 Yɛkɛ Seyɩɩrɩkɛ dʋɔnɩ Hɔɔrɩ, ɔɔ bikũusɔɔkɛ dɔnɩ caca dʋɔdara: Lotã, Sobal, Sɩbɛ̃ɔ, Ana, 21 Dɩsɔ̃, Esɛɛr, Dɩsã. Wɛr dɔ Seyɩɩrɩ bikũusɔ, kɛ dɔnɩ Hɔɔrɩsɔ kɔ̃tɩ̃sɔ Edɔ̃ dɩɩra. 22 Lotãa bikũusɔ dʋɔn: Hɔɔrɩ na Emã. Tɩmɩna dor Lotãa õkhɛr. 23 Yɛkɛ Sobal bikũusɔ: Alvã, Manahatɩ, Ebal, Sefo na Ɔnam. 24 Yɛkɛ Sɩbɛ̃ɔɔ bikũusɔ: Aya na Ana. Ɔɔ Anana yɛ ɲɔ bu ka kporu bǝǝnnǝ ɔbɔɔkɛ a n kɔɔ khenɩ ɔɔ thɩ Sɩbɛ̃ɔɔ kũkǝ̃sɔ. 25 Yɛkɛ Ana bɩsãsɔ: Dɩsɔ̃ na ɔɔ õkhɛr Oholɩbama. 26 Yɛkɛ Dɩsɔ̃ bikũusɔ: Hɛmɩdã, Esebã, Ɩtɩrã na Kerã. 27 Yɛkɛ Esɛɛr bikũusɔ: Bɩlã, Javã na Akã. 28 Yɛkɛ Dɩsãa bikũusɔ: Usi na Arã. 29 Yɛkɛ Hɔɔrɩsɔ kɔ̃tɩ̃sɔ: Lotã, Sobal, Sɩbɛ̃ɔ, Ana, 30 Dɩsɔ̃, Esɛɛr, Dɩsã. Wɛr dɔ Hɔɔrɩdaraa kɔ̃tɩ̃sɔ. Wɛr dɔ war kɔ̃tɩna Seyɩɩr dɩɩra.
31 Yɛkɛ mɔ̃ jamanasɔ gbanɩ dɩɩ a kpa kha Edɔ̃ dɩɩra, sɩ Ɩjɩrayɛldara na kɔɔ hana jamana bɩɛllakɛ pa'. 32 Bɛwɔɔr bikuun Bela, kɛ thɛnɩ Dɩnaba dɩɩra, 33 dɩ khi sɩ Jera bikuun Yobabɩɩkɛ thɛnɩ Bɔsɩra gba ɔɔ too pa. 34 Dɩ Yobabɩ khi dɩ Husãakɛ thɛnɩ Temã dɩɩra, gba ɔɔ too pa. 35 Dɩ Husã khi dɩ Hadadɩɩkɛ dɔnɩ Bedadɩɩ bikuun gba ɔɔ too pa. Ɔr kʋrɛ Madɩ̃adara Moabɩ dɩɩra. Avɩtɩ dɩɩra a the. 36 Dɩ Hadadɩ khi dɩ Samɩlaakɛ thɛnɩ Masireka, gba ɔɔ too pa. 37 Dɩ Samɩla khi, dɩ Sayulɩɩkɛ thɛnɩ Rehobɔtɩ mɩɩr nʋɔra, gba ɔɔ too pa. 38 Dɩ Sayul khi, dɩ Akɩbɔɔr bikuun Baal-Hanã, gba ɔɔ too pa. 39 Dɩ Baal-Hanã, Akɩbɔɔr bikuun khi, dɩ Adaar gba ɔɔ too pa; Pawu dɩɩra a the. Ɔɔ khɛrɩ i n dʋɔn Mehetabɛl. Mejahabɩɩ bikhɛrɩkɛ wɩ n wenɩ Matɩrɛdɩɩ bikhɛr gɩ.
40 Yɛkɛ Edɔ̃ kɔ̃tɩnaakɛ dɔnɩ Ejayuu mǝlsɔɔ isɔ, mɔ̃ awɩ thɩ kɔ̃sɔ hanɩ, na mɔ̃ awɩ dɩsɔ hanɩ, mɛna awɩ isɔ ha: Tɩmɩna, Alva, Yetɛtɩ, 41 Oholɩbama, Ela, Pɩnɔ̃, 42 Kenaajɩ, Temã, Mɩbɩsaar, 43 Magɩdɩɛl na Ɩram. Wɛr dɔ Edɔ̃ kɔ̃tɩna na awɩ too pasɔ bǝǝnnǝ dɩɩdɩɩraakɛ wɩ hanɩ awɩ dʋɔɔkɛ wɩ hɩnɩ. Ejayura dʋɔn Edɔ̃daraa thɩ kɔ̃tɩ̃.