Thãgba sor Abɩrahamɩna a gba Ɩjakɩ a jenǝ nar bonɩɛ. \ref Ebi 11.17-19; Ja 2.21-23; 1Jã 4. 9-10
22
1 A thɩ̃ɛsɔle ka pɩ, Thãgba ber Abɩraham bɩnɛ a wɩɩ: «Abɩraham!» Dɩ Abɩraham tu: «Mɛr kaa!» 2 Dɩ Thãgba sʋʋraa: «Gba afɩ bikuun bɩɛl 'lẽ'lẽ'lẽ, ʋrɛɛkɛra fɩ nanɩ, kɛ dɔnɩ Ɩjakɩ, a jallana Morɩa dɩɩra, gɔ̃gɔ̃ bɩɛlaakɛ ma nɩ farnɩ, a jena mar bonɩ thiinǝ.» 3 Dɩ Abɩraham mãa ɩɩrɛ duuro phiphi a gbɛbɩ ɔɔ kũkǝ̃ a kpana ɔɔ thɔ̃dara yeɲɔɔkɛ dɔnɩ daɓolminǝ na ɔɔ bikuun Ɩjakɩ. Dɩ a kpaanɛ bonɩ thii dɛɛ a gba hʋɛ da n jal paarɩkɛra Thãgba kɔɔ nɩɩraanɩ. 4 Mɔ̃ wɩ ɩɩrnɩ a cɔna balãther, Abɩraham 'laarɛ yɩ Paarra ƴɔɔ fĩi. 5 Le a so ɔɔ thɔ̃daar daɓolminǝnǝǝle: «Nɛrɛ, nɩ tɔɔ kɩɛr na kũkǝ̃ǝ, sɩ daɓolbir na mɛrɛ, sa jʋʋnɛ gɔ̃gɔ yʋɔ a na fʋɔr Thãgba sɩ na bir na kɛr na ɩ̃.» 6 Dɩ a gbaar bonɩ ji dɛɛ a heen ɔɔ bikuun Ɩjakɩ sa gba dɔɔ na khalʋ. Dɩ wɛr yeɲɔ cʋrrɛ wa n jal. 7 Le Ɩjakɩ bule ɔɔ thɩ Abɩraham aa: «Ɩ̃ thɩ yaa!» Dɩ Abɩraham tu: «Mɛr kɛ ya ɩ̃ bikuun!» Dɩ Ɩjakɩ bulee: «Dɛɛ wer ha kɛ na dɔɔ; sɩ kana banaa ha sa jinǝnɩ bonɩɛra?» 8 Dɩ Abɩraham tu: «Ɩ̃ bikuun yaa, Thãgbaa thɛthɛ na 'laanɛ bonɩ ji bana birera». Dɩ wɛr yeɲɔ cʋrrɛ wa n jal. 9 Ɔbɔɔkɛ wɩ danɩ paarɩkɛ Thãgba kɔɔ nɩɩraanɩ, Abɩraham mɩrɛ bonɩ ji paar a dɛɛnɔ dɛɛ, sa li ɔɔ bikuun Ɩjakɩ a dɛ̃ɛ le ƴũu. 10 Agɩpɩ dɩ laa ɲɔ̃ɔ a gba khalʋ a kurrǝ ɔɔ bikuun ulebire. 11 Sɩ le ƴũu Thãgba Kɔ̃tɩnɩ thɔ̃thɔ̃ thui wɩɩ : «Abɩraham, Abɩraham!» Dɩ Abɩraham tu: «Mɛr kaa!» 12 Dɩ thɔ̃thɔ̃ thui sʋʋraa: «Fa n tha daɓolbirǝǝkɛ ɲɔ̃ɔ a cʋgʋʋ puurǝ', gɩdonɩ mɩ jɩrɛ nɛnɛ̃ dɩphã fɩ n cʋrɛ Thãgba. Ɔr dɔ afɩ bikuun bɩɛla 'lẽ'lẽ'lẽ, sɩ fa tɔ̃ mã'.» 13 Dɩ Abɩraham yɩ banakɩɩr ɔɔ khiro dɩ ʋma ba thɩr biirǝ. Dɩ a jaal a fʋ bana kurɩle a jalna jirǝ bonɩɛ ɔɔ bikuunɩɩ kara. 14 Dɩ Abɩraham dʋ paarɩlera ire aa: Yaave-Yiirea. Gɛr dɔ kɩrʋ wɩ n sonɩ nĩkɛ 'lo aa: «Thãgba Kɔ̃tɩnɩ gɔ̃gɔna a na bulle na ɓaan.» 15 Dɩ Thãgba Kɔ̃tɩnɩ thɔ̃thɔ̃ thui bir we Abɩraham balaɲɔdaa, 16 a sʋʋraa: «Mɛr Thãgba Kɔ̃tɩn sɔ. Ɩ̃ i mɩ we a ʋlfɛna; gɩdonɩ fɩ cʋʋrɛ mɛ̃, fa tɔ̃ mɩ afɩ bikuun bɩɛl 'lẽ'lẽ'lẽeka', 17 ma bɔna fɛr dɩ ga pho na ka. Ma cʋʋrɛ afɩ mǝlsɔ dɩ wa ler a na jɔr na ho mɔ̃kɛ ƴepǝlǝ̃be n hanɩ ƴũu na mɔ̃kɛ gbalãkothɩ̃ n hanɩ laɲɔ̃ nʋɔra. Afɩ mǝlsɔ na kǝǝre awɩ lãlaardarara. 18 Afɩ mǝlsɔ na dɔ nɔɔ dɩ caar fɛw thɩɩraakɛ na 'lɛ bɔnanɛ; gɩdonɩ fɩ nɩrɛ ɩ̃ thɩmɩɩ nũu.» 19 Dɩ Abɩraham kɛr bir ɔɔ thɔ̃dara daɓolminǝǝlee pa dɩ wɩ kɛr bir Bɛɛrseba dɩɩra kãkɛ Abɩraham hanɩ. 20 A thɩ̃ɛsɔɔle ka pɩ, wɩ sor Abɩrahamɩna aa: «Mɩlka dakha kʋ̃ɔ kuuminǝ afɩ õkuun Nakɔɔra.» 21 Ujɩ dʋɔn ɔɔ caca bi, dɩ ɔɔ õkuun Bujɩ kpãa na Kemʋɛlɩɩkɛ dɔnɩ Aramɩ thɩ, 22 na Kejɛdɩ na Hajɔ na Pɩldasɩ na Jɩdɩlafɩ na Betʋɛl. 23 Wɛr dɔ kuuminǝ makõtheɩkɛ Mɩlka kɔnɩ Nakɔɔra, kɛ dɔnɩ Abɩrahamɩ õkuun. Dɩ Betʋɛl kɔ̃ Rebeka. 24 Rehuma, Nakɔɔr wɛdaar hananɛ bɩsana dakha wɛr ha wɩrɛ: Teba, Gaham, Tehakɩ na Maaka.