Ɩjakɩɩ kɔ̃ \ref Jǝn 17.15-21; 18.9-15; Ebi 11. 11-12
21
1 Thãgba Kɔ̃tɩn jɩnanɛ Sara gɩrɛɛkɛ a kɔɔ sʋʋraanɩ, a cʋʋraa mɔna a kɔɔ sonɩ oti. 2 Dɩ Sara hana pɛmɛr Abɩrahamɩ tɩ̃ bɔɔ a kɔ̃ kũubir bɔɔraakɛra Thãgba kɔɔ pɛrnɩ mɔ̃kɛ a kɔɔ sonɩ Abɩrahamɩna. 3 Dɩ Abɩraham har birǝ ire Ɩjakɩa, kɛ dɔnɩ bɩsaanɩkɛ a kɔnɩ Sarara. 4 Dɩ mɔ̃ Abɩrahamɩ bikuun Ɩjakɩ hananɩ wire makõther, a kuruure khʋʋn mɔ̃kɛra Thãgba kɔɔ sʋʋraanɩ. 5 Yɛna tamaa Abɩraham kɔɔ hana Ɩjakɩɩ kɔ̃ bɔɔ. 6 Le Sara so: « Thãgba cʋʋ mɛr dɩ ma n mã na daw. Tibil wo tibiliikɛ na nɩɛnɛnɩ na maan kha na mɛrɛ.» 7 Dɩ bir so wo: «Amɛ na kɔɔ sɔ Abɩrahamɩna dɩ Sara na mamɩnɛ bɩsana? Sɩrakɛ mɩ kʋ̃ɔ bi a haa ɔɔ tɩ̃ bɔɔ.»Abɩraham weere Agaar na ɔɔ bikuun Ɩsɩmayɛl. \ref Gal 4.21-31; Jǝn 16; 25.12-18; Khɩ 146.7-9
8 Dɩ bɩsaan khʋ̃ɔ dɩ wɩ tii ɩlɛna. Dɩ ɔbɔɔkɛ wɩ tiini ɩlɛna pɩ, Abɩraham cʋʋrɛ fɛtɩ kɔ̃tɩɩn. 9 Dɩ Sara yɩrɛ Ɩsɩmayɛl, bɩsaanɩɩkɛ Abɩraham kɔnɩ Agaar, Ejipiti khɛrale, da n mãa Ɩjakɩ. 10 Dɩ so Abɩrahamɩna: «Wea dee khɛrɩkɛ na ɔɔ bikuun, gɩdonɩ ɔɔ bikuun na ɩ̃ bikuun Ɩjakɩ na gbɛbɩ kha thɩ thɩ̃ɛ a na hɩ̃a'.» 11 Dɩ Thɩmɩɩ caarɩle puure Abɩrahamɩna jɔɔ ka dɩɩ do ɔɔ bikuun Ɩsɩmayɛl dɔ nɔɔ. 12 Sɩ Thãgba sʋʋraa: «Fa n do kũubiriikɛ na afɩ dee khɛrɩɩda n puu fara'. Gɩrɛ fɛʋʋkɛ Sara so farnɩ to a cʋɛraa; gɩdonɩ Ɩjakɩra fa 'lɛ mǝlle wa n wena afɩ i. 13 Ma cʋʋrɛ dakha dɩ caar na the afɩ dee khɛrɩ bikuuna; gɩdonɩ afɩ mǝl gɩ.»
14 Dɩ Abɩraham ɩɩr duuro phiphi a gba dikor, a cɛna ɲʋɔn a hi ɲɔ pɛ lokaarb a phɛ Agaar, a hanaa dakha bɩsaan sa thɔgʋʋ a pɛ hʋɛra. Dɩ Agaar jaal da n kpaar le Bɛɛrseba bǝǝnnǝ, aa jɩ ka a na jalna'. 15 Ɔbɔɔkɛ ɲʋɔn pɩnɩ lokaara, a faarɛ bɩsaan thɩr bu kɩrɔ, 16 sa tɔ jal mɔ̃ wa thanɩ sõo dɩ ga dã; gɩdonɩ a sor ɩna n ƴaal ɩn n yɩ ɩnɩɩ bi a khinǝ ga. Dɩ le a too a khokhɩa da n khɩɩ. 17 Dɩ Thãgba nɩɛrɛ bɩsaanɩ khɩɩ. Dɩ le ƴũu Thãgbaa thɔ̃thɔ̃ thui so Agaarra: «Aɲe hana fɩ? Fa n do maar n fʋ fa', gɩdonɩ Thãgba nɩɛrɛ bɩsaanɩlee wi kãalera a hanɩ. 18 Ɩrɛ gba afɩ bikuun, jɩɛ fʋʋ bɔɔbɔɔ, gɩdonɩ ma cʋʋrɛ dɩ ca kɔ̃tɩɩn na thɩɩraa.» 19 Dɩ Thãgba cʋʋ Agaar dɩ yɩ bireekɛ hananɩ ɲʋɔn, a jal cɛ a hi ɲɔ pɛ lokaar a ha bɩsaan dɩ ɲɔ. 20 Dɩ Thãgba bɛrɛ bɩsaanna dɩ khɔ̃ a too bǝǝnnǝ a do tha tha kpɩɛ. 21 Dɩ a toore Parã bǝǝnnǝ dɩ ɔɔ nɩ haa khɛrɩkɛ thɛnɩ Ejipiti dɩ he.
Abɩraham na Abɩmelɛkɩ ʋlfɛrɛ kha nɔ bɩɛl ʋlfɛrɛ. \ref Jǝn 26.1-6, 12-33
22 Ga bɔɔlera Abɩmelɛkɩ na ɔɔ sɔrasɩsɔɔ kɔ̃tɩ̃ Pɩkɔl pɔ a so Abɩrahamɩna ayɩ: «Thãgba har kha na fɛrɛ thɩ̃ɛ fɛʋraakɛ fɩ n cʋʋnɩ. 23 Ʋlfɛnɛna mɩ kɩɛr na Thãgbaa i, dɩ fa fɩɩl mɩ kpɩɩ dɩ ɩ̃ bɩsãsɔɔ gɩ dɩ ɩ̃ mǝlsɔ ga. Sɩ fɛrɛ dakha, fa cʋʋ mɛr bɔɔ fɩ cʋʋna dakha dɩɩkɛra fɩ tooronɩ gɩrɛ bɔɔ, mɔ̃kɛ mɩ kɔɔ cʋʋ fɩnɩ.» 24 Dɩ Abɩraham so: «Ma ʋlfɛrɛ.» 25 Abɩmelɛkɩɩ thɔ̃dara kɔɔ taarɛ Abɩrahamɩna bire na fãga dɩ Abɩraham gba ga thɩmɩɩ a nɩnaa. 26 Dɩ Abɩmelɛkɩ birsee: «Ma jɩ ʋrɛ cʋɛnɩ thɩ̃ caarɩɩla'. Fa kɔɔ mɩɛ mɩ dakha woa'. Ado nĩ ga, mɛrɛ ma nɩ ga.» 27 Le Abɩraham ha Abɩmelɛkɩ nʋ̃ yɩra na kɔ̃tɩna sɩ dɩ wɩ ʋlfɛ kha nɔ bɩɛl ʋlfɛrɛ. 28 Sɩ Abɩraham lee bana ɓola makoɲɔ a thɩ̃ɩ kpɩɩ. 29 Dɩ Abɩmelɛkɩ bulee: «Bana ɓola makoɲɔɔkɛ fɩ thɩɩnɩ kpɩɩ, aɲe fɩ n dona?» 30 Dɩ birsee: «Fɛr mɩ n ha, gba, gɩ do jɩjɩna thɩ̃ɛ dɩ mɛr kpɩ̃ɛ bireele sobɔr.» 31 Gɛr gɩ dɩ wa n we paarɩle Bɛɛrsebac gɩ do banaa makoɲɔɔkɛ Abɩraham kɔɔ 'laanɩ dɔ kɩrʋ ; gɩdonɩ liir wɛr yeɲɔ fɛw ʋlfɛ kha. 32 Mɛ̃ wɩ ʋlfɛ kha nɔ bɩɛl ʋlfɛrɛ Bɛɛrseba. Agɩpɩ Abɩmelɛkɩ na Pɩkɔl, ɔɔ sɔrasɩsɔɔ kɔ̃tɩ̃ ɩɩr a kɛr bir Fɩlɩsɩtɛ̃sɔɔ dʋɔ. 33 Le Abɩraham ther tamarɩsɩd thɩrʋ Bɛɛrseba, a we Thãgba Kɔ̃tɩnɩ i, kɛ dʋɔnɩ Thãgba Kɔ̃tɩn. 34 Abɩraham toore Fɩlɩsɩtɛ̃sɔɔ dʋɔ a pʋɔr.