TƆ̃TƲ̃Ɔ SƐBƐ 5

A fʋna Adã a dana Noe \ref Jǝn 4.25-26; 1Kur 1.1-4; Ebi 11. 5-6

1 Yɛkɛ mɔ̃ tɩbɩlaa mǝlsɔ kpanɩ kha. Wireekɛ Thãgba tini tibil, a cʋgʋʋrɛ dɩ ho ɔr Thãgba. 2 Kuun na khɛr Thãgba ti. Thãgba bɔna wɛr. Ɔbɔɔlera a ti wɩnɩ, gɛr a ha war ire Tibil. 3 Adã hananɩ yɛna tamaa na kpelẽ yʋɔr (130), gɛr a kɔnɔ ɔɔ bikuun ɔɔ khara dɩ hʋʋ dɩ haa ire Sɛtɩ. 4 Adã kɔnɩ Sɛtɩ pɩ, yɛna taamakõther (800) a cʋʋ, a kɔ̃ kũubinǝ na khebinǝ. 5 Adã yɛnɔɔkɛ a cʋʋnɩ fɛw har yɛna gbɩlanɩ phe tamaa na kpelẽ yʋɔr (930); agɩpɩ dɩ khi

6 Sɛtɩ hananɩ yɛna tamaa na yemɔy (105) gɛr a kɔnɔ Enɔsɩ. 7 Sɛtɩ kɔnɩ Enɔsɩ pɩ, yɛna taamakõther na makoɲɔ (807) a cʋʋ, a kɔ̃ kũubinǝ na khebinǝ. 8 Sɛtɩɩ yɛnɔɔkɛ a cʋʋnɩ fɛw har yɛna gbɩlanɩ phe tamaa na yʋɔr yeɲɔ (912), agɩpɩ dɩ khi.

9 Enɔsɩ hananɩ yɛna kpalanã yʋɔr, gɛr a kɔnɔ Kenã. 10 Enɔsɩ kɔnɩ Kenã pɩ, yɛna taamakõther na yʋɔr yemɔy (815) a cʋʋ, a kɔ̃ kũubinǝ na khebinǝ. 11 Enɔsɩɩ yɛnɔɔkɛ a cʋʋnɩ fɛw har: yɛna gbɩlanɩ phe tamaa na yemɔy (905); agɩpɩ dɩ khi.

12 Kenã hananɩ yɛna kpalãther yʋɔr, gɛr a kɔnɔ Mehalalɛl. 13 Kenã kɔnɩ Mehalalɛl pɩ, yɛna taamakõther na kpalaɲɔ (840) a cʋʋ, a kɔ̃ kũubinǝ na khebinǝ. 14 Kenãa yɛnɔɔkɛ a cʋʋnɩ fɛw har: yɛna gbɩlanɩ phe tamaa na yʋɔr (910); agɩpɩ dɩ khi.

15 Mehalalɛl hananɩ yɛna kpalãther yemɔy, gɛr a kɔnɔ Jerɛ. 16 Mehalalɛl kɔnɩ Jerɛ pɩ, yɛna taamakõther na kpelẽ yʋɔr (830) a cʋʋ, a kɔ̃ kũubinǝ na khebinǝ. 17 Mehalalɛl yɛnɔɔkɛ a cʋʋnɩ fɛw har yɛna taamakõther na kpalanã yʋɔr yemɔy (895) agɩpɩ dɩ khi.

18 Jerɛ hananɩ yɛna tamaa na kpalãther yeɲɔ (162), gɛr a kɔnɔ Enɔkɩ. 19 Jerɛ kɔnɩ Enɔkɩ pɩ yɛna taamakõther (800) a cʋʋ, a kɔ̃ kũubinǝ na khebinǝ. 20 Jerɛɛ yɛnɔɔkɛ a cʋʋnɩ fɛw har: yɛna gbɩlanɩ phe tamaa na kpalãther yeɲɔ (962); agɩpɩ dɩ khi.

21 Enɔkɩ hananɩ yɛna kpalãther yemɔy, gɛr a kɔnɔ Metusalɛm. 22 Enɔkɩ kɔnɩ Metusalɛm pɩ, yɛna tãather (300) a ɩɩrna Thãgba a cʋʋna; a kɔ̃ kũubinǝ na khebinǝ. 23 Enɔkɩɩ yɛnɔɔkɛ a cʋʋnɩ fɛw har: yɛna tãather na kpalãther yemɔy (365). 24 Enɔkɩ ɩɩrɛ kha na Thãgba. Agɩpɩ, aa hale bã, gɩdonɩ Thãgba gbaarɛ na yire a jʋʋna.

25 Metusalɛm hananɩ yɛna tamaa na kpalanã makoɲɔ (187), gɛr a kɔnɔ Lemɛkɩ. 26 Metusalɛm kɔnɩ Lemɛkɩ pɩ, yɛna taamakoɲɔ na kpalanã yeɲɔ (782) a cʋʋ; a kɔ̃ kũubinǝ na khebinǝ. 27 Metusalɛm yɛnɔɔkɛ a cʋʋnɩ fɛw har: yɛna gbɩlanɩ phe tamaa na kpalãther yʋɔr phe bire (969); agɩpɩ dɩ khi.

28 Lemɛkɩ hananɩ yɛna tamaa na kpalanã yeɲɔ (182), a kʋ̃ɔ kũubir. 29 Dɩ a haarɛ ire Noe; a so wɔɔ: «Ʋrɛɛkɛ na ƴɔlla sɩ haar vɔɔrɛraakɛ asɩ ɲɛ̃ thɔ̃ khe n pɛ sarnɩ thɩɩraakɛra Thãgba Kɔ̃tɩn sɔnɩ.» 30 Lemɛkɩ kɔnɩ Noe pɩ, yɛna taamɔy na kpalanã yʋɔr yemɔy (595) a cʋʋ; a kɔ̃ kũubinǝ na khebinǝ. 31 Lemɛkɩɩ yɛnɔɔkɛ a cʋʋnɩ fɛw har: yɛna taamakoɲɔ na kpalãther yʋɔr makoɲɔ (777); agɩpɩ dɩ khi. 32 Noe hananɩ yɛna taamɔy (500), gɛr a kɔnɔ Sɛm, Kam na Jafɛtɩ.