2
1 Thale ƴũu na thɩɩ na thɩ̃ɛ fɛʋʋkɛ hanɩ awɩ bɩnɔ kɔɔ cʋʋ a pɩ. 2 Thãgba kɔɔ cʋʋrɛ ɔɔ thɩ̃ ti thɔ̃ fɛw dɩɩ pɩ, sɩ dɩ hɩɩr wire makoɲɔ wirera. 3 Dɩ mɛ̃ Thãgba bɔna ga wiile a thɩɩn gɩ kpɩɩ gɩdonɩ ga wiilera a kɔɔ hɩɩr ɔɔ thɩ̃ ti thɔnaakɛra fɛw a kɔɔ cʋʋnɩ.Kuun na khɛr Edɛn nãkʋɔra. \ref Jǝn 1.26-28; 1 kor15.45-49
4 Yɛkɛ mɔ̃ ƴũu na thɩɩ fʋ pa kɔɔ hanɩ ɔbɔɔkɛ gɩ kɔɔ tini. Ɔbɔɔkɛ Thãgba Kɔ̃tɩn kɔɔ tini ƴũu na thɩɩ, 5 thɩr bɩɛl na kɔɔ hale thɩɩra pa', hɔ̃ bɩɛl na kɔɔ phu dakha pa'. Gɩdonɩ Thãgba Kɔ̃tɩn na kɔɔ cʋʋ ɲʋɔn dɩɩ dã thɩɩra pa'. Tibil na kɔɔ hale dakha na kʋʋl thɩa'. 6 Sɩ ɲɔ sũu n kɔɔ thɛ thɩɩra dɩɩ jʋʋn a na huro thɩɩ.
7 Dɩ Thãgba Kɔ̃tɩn kpɩrɛ thɩlãkobe thɩɩra a mɩ tibil, a phʋbɩ fesue a tʋʋ mɩ̃kaara dɩ debi a do tibil yire.
8 Dɩ Thãgba Kɔ̃tɩn kɔɔ bãa nãkʋɔr Edɛn bəənə, wi phã paar a pɛr tibiliile a kɔɔ mɩnɩ. 9 Dɩ Thãgba Kɔ̃tɩn cʋʋ thɩɩ dɩɩ phu thɩraakɛ fɛw bʋɔnɔnɩ hɩɩnɛna a daar dakha khora, nakha yi thɩrʋ nãkʋɔr thɩ̃thɩɩn nakha thɩrʋʋkɛ n cʋɛnɩ tibil dɩ jɩ bɔɔ na puure.
10 Sɩ mɩɩr bɩɛl n kɔɔ ther Edɛna da n sɛ nãkʋɔr, dɩ le gɩ tɩnɛ tɩnɛ paar yenã. 11 Cacadaarɩ i n dʋɔn Pɩsɔn, ɔr diǝ Havɩla dɩɩra fɛw ka dɛ hanɩ. 12 Dɩɩle dɛ, dɛ phuu gɩ. Parfɛ̃ na onɩsɩ bokana hale dakha. 13 Balaɲɔ mɩɩr n dʋɔn Gɩhɔ̃; ɔr diǝ Kusi dɩɩra fɛw. 14 Balãtherdaar n dʋɔn Hɩdekɛl; ɔr dɔ ʋrɛ n cellanɩ da n gbũ Asuur dɩɩra, wi phã paar. Balanã mɩɩr dʋɔn Efɩratɩ.
15 Dɩ Thãgba Kɔ̃tɩn gbaar tibiliile a pɛr Edɛn nãkʋɔra a na n kʋlɛ a na hɩnɛna. 16 Dɩ Thãgba Kɔ̃tɩn ha tibiliile jɔfʋʋkɛ a yɩ: «Fɩ punone kho thɩra fɛʋʋkɛ hanɩ nãkʋɔraa bi. 17 Sɩ ado thɩrʋʋkɛ n cʋɛnɩ tibil dɩ jɩ bɔɔ na puuree bi gɩ, fa n khoa', gɩdonɩ ga wiikɛ fa khonɩ fa khire dɛ!»
18 Thãgba Kɔ̃tɩn so: «Ga bɔr tibil n too dɩbara ga; ma cʋʋrɛ bubuliikɛ na hʋɔnɛnɩ a na haa.» 19 Dɩ Thãgba Kɔ̃tɩn kpɩrɛ thɩlãkobe a mɩ hɔ̃ nʋma fɛw na 'lominǝ ƴũu a kpa wɩ pɔna tibiliile ƴɛra, a hɩɩn mɔ̃ a na dʋ wɩnɩ ire, gɩ do nʋma fɛʋʋkɛ hananɩ yire, tibil hana wɩ ire. 20 Dɩ mɛ̃ tibiliile dʋ nʋma fɛw, na 'lominǝ ƴũu fɛw, na hɔ̃ nʋma fɛw ie. Sɩ Adã thɛthɛ na yɩ tibiliikɛ hʋɔnɛɛna'. 21 Le Thãgba Kɔ̃tɩn cʋʋ Adã dɩ daar khi kper sɩ dɩ ti ɔɔ gɛlbi bɩɛl sa bir a sɔbɩ dapa.
«Nɛnɛ̃ɛkɛ, ʋrɛɛkɛ dʋɔn khubiikɛ thɛnɩ ɩ̃ khubisɔra,
na tomɩrɩkɛ thɛnɩ ɩ̃ tomɩra,
khɛr wa n wɩɩ,
gɩdonɩ kuunna wɩ tii.
24 Gɛr gɩ dɩ kuun na lee kha na ɔɔ thɩ na ɔɔ nɩ sɩ na ɓã kha na ɔɔ khɛr a na do tibil bɩɛl.
25 Sɩ kuunile na ɔɔ khɛr sãɓɔlɔ̃ wɩ kɔɔ hana sɩ yicuru na fʋ wa'. \ref Mat 4.1-11; 2 Kor 11.3; 1 Tim 2.14; Mat 6.13