Obadya
Rwahaur nohora hya' ed mak etla Puka Obadya
La' puka di de rakot nohora Orgahi-Orha'a lirni maka E Nhopan pa makwohorulu-ktatrulu (nabi) Obadya nakot nohora la makden Edom re, niwra hota Edom re rlernana Uplerlawna niukum werwerta yoma la'a yatyatni-halalli maka ir rhi' nan oleka la ir inni-narni amni-hyalli makden Israel re.
Me nakot nohor walia la' lodna-hairi honona mak kla' Israel arwalli re hota rlernan walia Orgahi-Orha'a hankeranni-ralmha'arni mak hota ntuin meman la ira.
La' puka di ralamni de, la' ayat dom de rweta makden Israel re la “makden Yehuda”, la' ayat dom de “Yakopa duratni-waitni” onde “Uplerlawna rimormiorni” onde la' ayat dom to' owa'an de rweta la “Edom/Esau inni-narni amni-hyalli.”
La' puka di walia la' ayat dom de rwetla makden Edom de “Edom” mere la' dom to' owa'an de rweta la “Esau duratni-waitni.”
Rhorat targa emkade yoma la' ululu de Abraham upni woru, id nanni Yakopa me id nanni Esau. Noma Uplerlawna Nal nan warwuaru la' Yakop de “Israel”. Ne Esau de rwet walia la “Edom” nnia'eratni de mermera yoma wullu mermera me na'ol dioinia e yanullu niodni na nherun nana woru mermera tutwu ralamni to'a.
Noma la' pa ntutu-nte'ela Obadya lerni de, Esau duratni-waitni nohoni-raini de rweta la “Edom” me Esau garni Yakopa (Israel) duratni-waitni nohoni-raini de, la' ler dom de rweta la “Israel” me la' ler dom owa'an de rweta la “Yehuda” nlernohora Yakop (Israel) a'nani Yehuda nanni. Yerusalem de, noha Israel me noha Yehuda letlawanni de.