11
Iamo anu nitudu mombatulungi bo mombasaliku yaku ri mpae pamulana pomparenta i Darius toMedia haitu. 2 Bo anu kuuli ka iko hitu nakana mpuu.”Posieva Kamagaua Puluna bo Kamagaua Tasina
Malaeka haitu nanguli, “Tatalu ntapi ngena magaua momparenta kamagaua Persia, pade magau kapata ntapinab melabipa kakalumanana pade tatalu magau pangane. Maroso bo makalumanapa ia, rapasimbukuna mpuu mangeva kamagaua Yunani.
3 Pade meumba saito magau ntanina naroso bo nabia.c Maluo mpuu poparentana bo damo dota-dotana movia anu rapodotana. 4 Tapi ledo masae poparentana haitu. Kamagauana magero bo matebagi majadi pata bagia mantuntuni pata njulapa peburu mpoiri. Magau-magau anu manjambei ia ledo mulina,d tapi ledo maroso mpo ia.
5 Magau ri kamagaua pulunae majadi maroso. Maria saito dako ri tadulako-tadulakonaf marosopa pade ia, bo tadulako haitu maluopa poparentana pade ia. 6 Jadi bara sakuya mpae maliu haitu magau ri kamagaua puluna mompakasangu nte magau ri kamagaua tasinag. Ana mombine nu magau ri puluna rapopoberei nte magau ri tasina. Tapi pompakasangura haitu ledo masae, bo ana mombine haitu rapatesi, ivesia muni bereina langgai, anana, bo batua-batua anu nanggeni ia. 7 Ledo masae kaliuna haitu, saito dako ri sampesuvu nu mombine haitu majadi magauh ri puluna. Ia hau mangeva tantara nu magau ri kamagaua tasina. Ia mombasuu bo mombasuaki ngatara nobente bo mombadagi ira. 8 Kamagaua tasina naria tau-tau nipovia nangoseaka gambara viatara. Nadea muni pareva-pareva nipovia lako ri bulava bo salaka nipesombakara ka viata-viata haitu. Jadi tempo magau ri kamagaua puluna manjili hau ri Mesir, rakenina puramo tau-tau bo pareva haitu. Bara sakuya mpaena maliu haitu ia domo mombasuu kamagaua tasina. 9 Maliu sia, magau ri tasina mombasuu kamagaua puluna, tapi magau ri tasina radagi bo manjili hau ri ngatana mboto.
10 Maliu sia ana-ana langgai nu magau ri kamagaua tasinai masadiamo mosieva, bo mompasiromu pakadea tantara. Pade saito dako nte ira haitu hau mombasuu balira ante tantara nadea. Pesuura haitu mpo uve binangga anu nalono, ledo mamala rataamaka. Ri pesuura karongganina, ira sampe ri bente nu kamagaua puluna. 11 Jadipa marau mpuumo magau ri pulunaj. Haumo ia mangeva magau ri tasinak bo rapakulena mombadagi tantara dea anu niparia nu magau ri kamagaua tasinal. 12 Maliu haitu malanga mpuu rarana apa ia padagimo bo njobuna balina mamate rapatesina. Tapi ia ledo njuu-njuu makuasa.
13 Karongganina magau ri kamagaua tasinam mompasiromu tantarana, madeapa pade tantara pamulana, bo ante pareva nadea rapake mosieva. 14 Jadipa madea tona madota mangeva magau ri kamagaua pulunan. Bo maria muni bara sakondua tona dako ri todeamu, Daniel. Tona anu ledoria asi matana madota meeva muni sabana nisarumakara haitu mompakadupa pompakita nipopakita ka pakenira [tano pompakita haitu ledo nakana]. Ira aga marugi bayangi. 15 Maupu sia magau ri kamagaua tasina mompatiku ngata anu nobente ri kamagaua puluna bo mombaagosina. Tantara kamagaua puluna ledo rapakulera mombataamaka balira, bo nau tantara-tantara nipelisi domo rapakulera meeva. 16 Magau ri kamagaua tasina haitu damo dota-dotana movia anu rapodotana, bo ledoria saitoa mompakule mantingayo ia. Bo ia mombakuasai Ngata Nagayao.
17 Maliu haitu magau ri kamagaua tasina mompakasadia pura-pura tantarana hau mangeva kamagaua puluna. Rapoviana posinggabotu tesa ante magau ri kamagaua puluna bo rapopobereina anana mombinep ante magau ri kamagaua puluna haitu. Patujuna mombakuasai njumangu kamagaua nu balina, tapi niana haitu ledo madupa bo ledo manggeni belo ka ia. 18 Maupu haitu rasuuna ngata-ngata ri bivi ntasi, bo madea radagina. Tapi saito pakeni dako ri kamagaua ntaninaq mompopenonto pepakaeya rapoviana haitu, bo rabalasina mpanjili pepakaeya haitu.r 19 Magau ri kamagaua tasina haitu manjili hau ri ngata-ngata nobente ri kamagauana mboto, tapi ia radagi bo domo raepe karebana hanupa.
20 Ia rasambei saito magau anu mantudu saito tona mompasiromu paja. Tona haitu mompasuu tona mombayari paja ala mantambai kakalumana nu kamagaua. Ledo masae maliu sia, magau haitu rapatesimo, tapi rapatesi nggalino, ledo riara mposievas.”
Magau nadaa ri kamagaua tasinat
21 Nanguli vai malaeka haitu: “Magau sunjuna anu momparenta kamagaua tasina ledo rapokono ntodea bo ledo masipato majadi magauu. Ia tona nadaa. Ia makava ledo rasani-sani, tapi sampesanika raagosinamo kamagaua ante pebagiu. 22 Pura-pura tantara anu mangeva ia, rapakaropuna. Ivesia muni saito pakeni agama. 23 Ia mombalumpaiki kabotu-kabotu nipoviana nte todea ri ngata-ngata ntanina. Bo ia mantambai karosona, naupa topangoseaka ia ledo nadea. 24 Ante akala nadea rasuakina ngata-ngata nakalumana ri tempo toponturo ri ngata haitu nombarasai katinonto naroo ri sia. Ia mompovia anu dopa sanggania nipovia ntotuana nggaulu. Pade rabagi-bagikana todeana mpengaya anu niagosina bo kakalumana nialasina dako riara mposieva. Ia moakala mombasuu ngata-ngata nobente, tapi ledo masae.
25 Ia mangeva magau ri kamagaua puluna nompake tantara nadea bo ivesiamo rapopakitana karosona bo kabiana. Magau ri kamagaua pulunav masadia munimo mangeva ia ante tantara nadea bo naroso. Tapi magau ri kamagaua puluna ledo mompakule mombataamaka ia sabana magau ri kamagaua puluna rapanavu nu roana. 26 Tona narapa nte ia mompanavu ia. Madea topangoseaka ia mamate, bo tantarana rapatesi pakaupu. 27 Maliu sia magau randua haitu monturo singgani bo mangande ri sangu meja, tapi ledo nosangu rara bo simbo mosidavai. Tapi anu rapoviara haitu ledo madupa apa dopa gantana. 28 Maupu sia magau ri kamagaua tasina manjili hau ri ngatanamo ante mbara-mbara niagosina. Ia monia mompakagero agama nioseaka ntodea nu Alatala. Maupu rapoviana haitu ia pade manjili vai hau ri ngatana mboto.
29 Bara sakuya kasena maliu haitu ri tempo nipakatantu, hau vai ia mombasuu kamagaua puluna, tapi ledo nasimbayu aselena. 30 Apa toRoma makava ante kapala-kapala ntasi dako ri levuto Siprus bo mangeva ia, sampe maeka mpuumo ia bo moura.
Kaupuna manjilimo ia bo marau ntoto rarana. Rapasimbukuna mombagerosi todea nu Alatala. Raposabinggakana tona anu nouramo dako ri agama haitu. 31 Pade rapakatuna tantara-tantara mompakaruto Banua nTupu. Domo radekeira tona mombadekei pesomba eo-eo bo rapopeanggara anu mompakaviora rara, anu nabiasa niuli ‘Tona nadaa mpuu anu nipovuu mata nu Alatala’w. 32 Jadi magau haitu mombabagiu tona anu mompalaisi agamara. Rarasakina ira ala madota ira mombatulungi ia. Tapi tona noparasaya Alatala mabia mangeva ia. 33 Tona nanoto pompekirina, mompakanoto tona madea. Tapi bara sakuya kasaena ngena, maria bara sakondua ira mamate sabana posieva bara sabana apu. Bara sakondua vai raagosi ntona anura bara ratavani. 34 Ri pepandasa haitu, todea nu Alatala ratulungi. Madea tona mosinggani nte ira, tapi aga mangelo kabelo ka karora mboto. 35 Bara sakondua tona nanoto pompekirina haitu rapandasa bara rapatesi tapi haitu majadi pompesoba ka todea nu Alatala ala ira majadi maroso bo mpuu-mpuu momparasaya. Haitu majadi sampe ri kaupu nu dunia, nangoseaka tempo nipakatantu nu Alatala.
36 Magau ri kamagaua tasina mangoseaka anu nipodota rarana. Ante langa rarana raulina ia naogepa pade pura-pura tupu, bo rapakadaana Alatala ToNalangapa pade tupu-tupu ntanina. Ia mamala movia ivehaitu sampe tempona rau rara nu Alatala rapakadupa. Apa anu nipakatantu nu Alatalamo kana majadi. 37 Magau haitu ledo mangoseaka tupu anu nisomba ntotuana nggaulu, bo ledo muni rasombana tupu anu nipakaoge nu mombine. Ledo muni rabilana tupu-tupu haitu sabana nipekirina ia naogepa pade ira. 38 Tapi magau haitu aga mombabila tupu anu dopa naria nisomba ntotuana nggaulu, haitumo tupu anu nombarosoki bente-bente. Magau hitu mompesombaka bulava, salaka, vatu losa bo pesomba-pesomba nagana ntanina ka tupu haitu. 39 Ia mombasuu bente-bente naroso ante petulungi ntupu nabaru haitu. Isema-sema mompangaku tupu nisomba nu magau haitu radekei nturo malanga bo ira momparenta todea, bo magau haitu mombadekei tana majadi tambo ka ira.
40 Ane maparamo kaupu nu dunia, magau ri kamagaua puluna mombasuu magau ri kamagaua tasina. Pade magau ri kamagaua tasina mombabalasi peevara haitu ante mpuu-mpuu karosona. Ia mombasuu ante madea kareta posieva, topojara bo kapala. Pesuuna mpo uve binangga nalono, ledo mamala rataamaka, bo madea ngata raagosina. 41 Nau Tana Nagayax raagosina muni, bo nopulu-pulu njobu tona rapatesina. Tapi kamagaua-kamagaua Edom, Moab bo deanapa tona ri kamagaua Amon masalama. 42 Tempo ia mombakuasai kamagaua-kamagaua haitu, rakuasaina muni kamagaua Mesir. 43 Raagosina muni kakalumana ntoMesir evamo bulava, salaka bo anu noali ntanina. Ia raporoa ntoLibia bo toSudan. 44 Maliu haitu makava kareba dako ri sabingga mpandakena bo sabingga tasina mompakatikaja rarana, sampe hau ia mosieva ante mpuu-mpuu karosona bo madea tona rapatesina. 45 Rapatakana tenda kamagauana ri olo nu tasi bo bulu nagasa [haitumo bela Banua nTupu]. Tapi maliu haitu mamatemo ia bo ledoria saitoa tona mombatulungi ia.”