Posambaya ka magau
72
Dade i Salomo.O Alatala, patudukimo hukuMiu ka magau kami,
bo kanoaMiu ka ia.
2 Ala ia manoa mombatangara todeaMiu,
bo mombatangara tona nipandasa mangoseaka atura.
3 Kambou todea ngata kami mabelo bo masana,
bo todea ngata kami mokainggu manoa.
4 Kambou magau manoa momparenta todea anu nipandasa.
Mombatulungi tona napakasi,
bo mombaropusi tona nompandasa singgamanusiana.
5 Kambou magau bo muli-mulina momparenta,
savesia kasaena mata eo bo bula nombavanta dunia.
6 Kambou ia mpo uda nombadudunggu karava,
mpo uda romba mombabanggasi tana.
7 Kambou tempo poparentana mantambai kadea ntona movia anu nanoa,
bo mantarima madea anu belo dako nte Alatala sampe kasae-saena.
8 Kambou kamagauana maluo njuu dako ri tasi sanguna sampe ri tasi ntanina,
mompamula dako ri mpandakena sampe ri mpanauna.
9 Kambou bali-balina anu nonturo ri karava bai naluo,
matundu mangoseaka parentana
bo mantaputu ri ngayona.
10 Kambou magau-magau Tarsisa bo magau levuto-levuto
manggeni pesomba ka ia.
Magau-magau Arab bo Etiopiab
manggeni pedekei ka ia.
11 Kambou pura-pura magau mombabila ia,
bo pura-pura todea ngata majadi batuana.
12 Sabana ia mombatulungi tona nipandasa,
bo tona anu ledo ria topotulungi ira.
13 Rapotovena tona ledo nompakule bo tona napepa katuvuna,
bo rapakasalamana tona napakasi.
14 Rakabasakana ira dako ri pepandasa bo dako nte tona nasese,
sabana katuvura noali ri matana.
15 Kambou mandoe umuru magau!
Kambou bulava dako ri Arab rapesomba ka Ia.
Kambou raposambayaka njuu Ia,
bo masaro rapoporasi.
16 Kambou gando melabi-labi ri njumangu ngata,
bo madea asele ri bulu ri kamagauana.
Kambou tana ri kamagauana maboya mpo Bulu Libanon,
bo todea ri kamagauana mantambai kadeana mpo kavoko ri karava.
17 Kambou sanga magau batena ratora sampe ri kasae-saena,
bo matolele njuu sangana.
Kambou Alatala mompoporasi todea-todea ngata mpo magau,
kambou tona manguli ia masana.
18 Ratoiyamo TUPU, Alatala nisomba ntoIsrael!
Aga Ia novia anu nabaraka.
19 Ratoiyamo kaoge nTUPU sampe ri kasae-saena,
kambou kaoge nTUPU haitu matolele ri njumangu dunia!
Ivesiamo majadi. Amin!
20 Sampe risimo posambaya i Daud, ana i Isai.