Mazmur 67

Dade posukuru

Dade nipovia ka pakeni ntopodade. Rapodadeka nangoseaka oni nu kacapi.

2 Kambou Alatala mompotove bo mombadekei rasi ka kita,

bo masana raraNa mompeinta kita. Jedaa

3 Ivesiamo dotaNa rasani ntona ri njumangu dunia,

bo kakuasaNa mompakasalama todea-todea ngata.

4 O Alatala, kambou tona ri njumangu ngata mantoiya Komiu,

bo pura-pura tona ri dunia mosukuru nte komiu.

5 Kambou pura-pura todea ngata movoo madamba,

sabana Komiu nanoa nomparenta ira,

bo nanggeniaka pura-pura valaa ntodea ngata ri dunia. Jedaa

6 O Alatala, kambou todea ngata mantoiya Komiu,

bo pura-pura ira mosukuru nte Komiu.

7 Alatala nisombata nompoporasi kita,

nombadekei mpelabi-labi asele ntana.

8 Alatala nompoporasi kita;

kambou pura-pura tona ri njumangu dunia meose nte Tupu!