Tupu magau mbaso
24
Dade i Daud.
Dunia ante isina anu nTUPU,
dunia bo pura-pura anu naria riarana.
2 Ia nompopeangga dunia ri bavo nu uve ri tambe ntana.
Tinjana nipopeanggaNa ri pantaa kandala nu uve ri tambe ntana.
3 Isema masipato mendake hau ri bulu nipelisi nTUPU?
Isema masipato mesua riara banuaNa?
4 Aga tona ledo nadaa pekirina bo pokaingguna mamala mesua.
Ia ledo nosumpa dava bo ledo nombasomba tupu ntanina.
5 Tona ivehaitumo nipoporasi bo nipakasalama nTUPU,
bo ia nipakatantu nu Alatala ledo nasala.
6 Tona Ivesiamo mai masipato makava mantingayo Alatala,
anu mombasomba Alatala nisomba i Yakub.
Jedaa
7 Buka pakaluo-luomo vamba bobaa ngata ntua,
Ala rapesua nu Magau Mbaso.
8 Isema kakanana Magau Mbaso?
Iamo TUPU anu neliu kakuasaNa,
bo batena naroso riara mposieva.
9 Buka pakaluomo vamba bobaa ntua,
ala rapesua Magau Mbaso.
10 Isema kakanana Magau Mbaso?
TUPU anu nompajadi dunia bo isina.
Iamo TUPU anu neliu kakuasana,
Iamo Magau Mbaso.
Jedaa