I Pue Topoevu Yaku
23
Dade i Daud.
I Pue Topoevu yaku,
ledo naria nakabu yaku.
2 NikeniNa yaku maturu ri karava naramanta,
naboya kavokona.
NikeniNa yaku hau ri uve natinonto.
3 NipakarosoNa mpanjili raraku,
bo nikeniNa yaku ri dala nanoa ala sangaNa ratoiya.
4 Nau yaku molipa ri dala nalanda,
ledo kupokaeka anu madaa,
sabana i Pue nomporoa yaku.
Komiu nombajagai yaku
mpo topoevu nombajagai bimbana ante toko bo poboba.
5 Komiu novia posusa ka yaku ri ngayo nu baliku.
Komiu nantarima yaku mpo tomaogea,
bo Komiu nompasadia ka yaku anu kuinu mpelabi-labi kaogena.
6 Natatumo Komiu nabelo nte yaku
bo batena nompotove yaku,
sampe kaupu nggatuvuku.
Bo yaku maroo riara banuaMiu sampe kasae-saena.