Tona anu masipato monturo singgani nte TUPU
15
Dade i Daud.
PUE,
isema masipato mesua riara banuaMiu
bo monturo ri bulu nipelisiMiu?a
2 [Tona masipato mesua riara Banua nu Alatala]
iamo tona nokainggu nabelo bo ledo ria nisalai riara nggatuvuna.
Ia notesa anu nakana ante mpuu-mpuu rara,
3 ia ledo nombasalai tona,
bo ledo nokainggu nadaa nte roa,
bo ledo nompakadaa sanga ntona nosadoyata nte ia.
4 Ia nomporayu tona nipoara nu Alatala,
tapi nombabila tona natutu nangoseaka Alatala.
Nipakadupana janjina naupa ia marugi.
5 Ia ledo nompopoana doi nipopaindana ka tona;
bo ledo nadota mantarima doi sogo mompanavu tona ledo nasala.
Tona nokainggu ivesia
batena matuvu masana.