Posambaya ntona nipandasa
13
Dade nipovia i Daud ka pakeni ntopodade.
2 O PUE,
sampe maipia rakalingasiMiu yaku
bo ratubengosiMiu yaku?
3 Sampe maipia yaku mombarasai kasusa,
bo njumaeo nabuku raraku?
Sampe maipia yaku rakuasai nu baliku?
4 O PUE Alatala nisombaku,
parantaikamo yaku.
Poiyomo posambayaku.
Popanjili batenamo karosoku,
bo nee rapalamba yaku mamate.
5 Nee rapalamba baliku manguli nidagiramo yaku.
Nee rapalamba ira madamba-damba mompeinta yaku masusa.
6 Tapi yaku nanjarumaka toveMiu anu ledoria kaupu-upuna.
Yaku nodade nadamba,
sabana Komiu nompakasalama yaku.
Yaku madota modade mantoiya TUPU,
Sabana Ia nabelo mpuu nte yaku!