Dade bo posambaya i Daud
3
Dade i Daud,
tempo ia nalai lako nte anana i Absalom.
2 O PUE,
nadea mpuu baliku,
nadea mpuu tona nangeva yaku!
3 Nadea tona nanguli,
Komiu ledo mantulungi yaku.
Jedaa
4 “Tapi Komiu,
PUE,
eva kaliavo nombalenduti yaku.
Yaku padagi sabana Komiu nombatulungi yaku,
bo nompakaroso raraku.”
5 Yaku nekakai nekitulungi nte TUPU,
bo Ia nesana dako ri bulu nipelisiNa.
Jedaa
6 Yaku naturu bo naluru mpuu namonjo,
bo nembangu vai,
sabana TUPU nombajagai yaku.
7 Yaku ledo naeka nau nonjobu-njobu bali,
nompatiku yaku.
8 “PUE,
Tulungimo yaku!
O Alatala nisombaku,
pakasalamamo yaku!
Huku puramo baliku
bo ropusimo kuasara ala domo rapakulera mangeva yaku.a
9 O PUE,
petulungi nakava dako nte Komiu.
Kambou Komiu mombadekei rasi ka todeaMiu.”
Jedaa