Magau Pompelisi nTUPU
2
Nakuya tano todea anu ledo nosisani nte Alatala nonia mesapuaka singgani
bo movia anu ledoria gunana?
2 Magau-magau dunia nasadia puramo mesuu,
bo tomaoge nasintuvu singgani
mangeva TUPU bo Magau nipelisiNa.
3 Tomaoge haitu nanguli,
“Raevata kuasara
ala makabasaka kita dako ri parentara!”
4 Dako ri ponturoNa ri suruga TUPU nongiri
bo nompongeika niara meeva.
5 Niburarasi nTUPU ira ante rau raraNa
bo nitekajaniNa ira ante gigi nu raraNa.
6 NiuliNa,
“Yakumo nanganggataka Magau pompelisiKu
ri Bulu Sion,a
bulu nipelisiKu.”
7 Magau nipelisi nTUPU haitu nanguli,
“Kutesaki anu nipakatantu nTUPU;
Ia nanguli ka yaku ivei,
‘Ikomo anaKu!
Eo hitu Yaku najadi Tuamamu.
8 Perapimo nte Yaku,
bo pura-pura todea nu ngata-ngata Kudekei ka iko,
bo njumangu dunia Kupajadi bagiamu.
9 Iko mombadagi todea nu ngata-ngata haitu nte ase poboba,
bo mombaropusi ira mpo tona nombarupusi kura tana.’ ”
10 Jadi,
hee magau-magau,
bo tonakuasa ri dunia!
Pakanoto raramiu bo pariaramo pepatuduki hitu:
11 Sombamo TUPU ante eka rara,
bo poletemo mantaputu ri ngayoNa
12 Nemo sampe marau rara nTUPU,
bo sampesanika rapatesiNa komiu.
Apa karau raraNa mpo apu navaya mpasanggani.
Nasana mpuu tona nanjarumaka TUPU nombajagai karora.