Kaoge Magau Ahasyweros bo i Mordekhai
10
Magau Ahasyweros nantudu tona ri njumangu kamagaua kana mombayari paja, naupa tona nonturo ri ngata-ngata kodi ri talinti nakavao. 2 Pura-pura anu nipoviana namadai bo nipokumaaka, bo muni berimbana ia nanganggataka i Mordekhai najadi tomaoge, haitu nitulisi riara buku tutura magau Persia bo Media. 3 I Mordekhai, toYahudi haitu, batena nalanga nturona. Aga Magau Ahasyweros nalangapa pade ia. I Mordekhai nibila bo nipokono ntodea toYahudi. Ia nompasimbuku ala mabelo katuvura bo katuvu nu mulira.