Muli langgai lako ri ana-ana i Nuh
10
Hitu muli nu ana-ana i Nuh,
haitumo muli i Sem,
i Ham,
bo i Yafet.
Naliu uve oge,
ira tatalu haitu simbo nomuli.
Muli i Yafet
2 Ana-ana i Yafet,
haitumo:
i Gomer,
i Magog,
i Madai,
i Yawan,
i Tubal,
i Mesekh bo i Tiras.
3 Muli i Gomer,
haitumo:
toponturo ri ngata Askenas,
ri Rifat bo ri Togarma.
4 Muli i Yawan,
haitumo:
toponturo ri ngata Elisa,
ri Spanyol,
ri Siprus bo ri Rodes.
5 Ira najadi totua nu ngata-ngata ri talinti ntasi bo ri levuto-levuto.
Haitu pura muli i Yafet.
Pura-pura ira nantambai kadeana bo najadi nadea ngata.
Sangata-sangata naria tanana mboto bo basa mboto.
Muli I Ham
6 Ana-ana i Ham,
haitumo:
i Kus,
i Mizraim (Mesir),
i Libia bo i Kanaan.
7 Muli i Kus,
haitumo toponturo ri ngata Seba,
ri Hawila,
ri Sabta,
ri Raema bo ri Sabtekha.
Muli i Raema,
haitumo:
toponturo ri ngata Syeba bo ri Dedan.
8 Saito muli i Kus nosanga i Nimrod anu najadi tomaoge paratama ri dunia.
9 Ante petulungi nTUPU ka ia,
ia najadi topoasu napande.
Haitu sabana tona nabiasa nanguli,
“Damo TUPU mompajadi iko majadi mpo i Nimrod topoasu napande anu nipoporasi.”
10 Pantepuuna kamagauana ri njumangu ngata Babel,
ri Erekh,
bo ri Akad,
ngata tatalu haitu pura-pura ri tana Babilonia.
11 Lako ri tana Babilonia,
i Nimrod hau ri ngata Asyur,
bo nombabangu ngata-ngata Niniwe,
Rehobot-Ir,
Kalah,
12 bo ngata Resen.
Ngata Resen haitu ngata mbaso ri olo ngata Niniwe bo ngata Kalah.
13 Muli i Mizraim [niuli muni toMesir],
haitumo:
toponturo ri ngata Lidia,
ri Anamim,
ri Lehabim,
ri Naftuhim,
14 ri Patrusim,
ri Kasluhim,
bo ri Kaftorim.
Ngata Kasluhim haitu ponturo ntotua ntoFilistin.
15 Ana-ana i Kanaan,
haitumo:
i Sidon ana lumbua,
bo i Het.
16 I Kanaan muni totua ngata ntoYebusi,
toAmori,
toGirgasi,
17 toHewi,
toArki,
toSini,
18 toArwadi,
toSemari bo toHamati.
Muli i Kanaan nakavao kakamburakana.
19 Sampe panggaupu ngatara naluo lako ri ngata Sidon hau ri puluna manggava ri ngata Gerar,
sampe napara ngata Gaza,
bo ri bagia mpandakena nakava ri ngata Sodom,
ri Gomora,
ri Adma,
bo ri Zeboim,
sampe napara ri ngata Lasa.
20 Pura-pura tona pangane muli i Ham.
Sangata-sangata nonturo ri ngatara mboto bo nobasa mboto.
Muli I Sem
21 I Sem tuaka i Yafet,
najadi totua muli i Eber.
[Muli i Eber niuli muni toIbrani.]
22 Ana-ana i Sem,
haitumo:
i Elam,
i Asyur,
i Arpakhsad,
i Lud bo i Aram.
23 Muli i Aram,
haitumo:
toponturo ri ngata Us,
ri Hul,
ri Geter bo ri Mas.
24 I Arpakhsad tuama i Selah.
Bo i Selah tuama i Eber.
25 I Eber noana randua ana langgai;
ana lumbua nosanga i Pelega,
sabana tempo pompoanaka ia haitu manusia ri dunia nakamburaka;
anana karanduana nosanga i Yoktan.
26 Muli i Yoktan,
haitumo:
toponturo ri ngata Almodad,
ri Selef,
ri Hazar-Mawet bo ri Yerah,
27 ri Hadoram,
ri Uzal,
ri Dikla,
28 ri Obal,
ri Abimael,
ri Syeba,
29 ri Ofir,
ri Hawila bo ri Yobab.
Pura-pura haitu muli i Yoktan.
30 Bagia niponturora najadi naluo lako ri ngata Mesa sampe ri ngata Sefar,
haitumo bulu-bulu ri bagia mpandake.
31 Tona gahaitu muli i Sem pura.
Savalaa-savalaa ira simbo nonturo ri ngatara mboto bo simbo nobasa mboto.
32 Pura-pura ira gahaitu muli i Nuh,
nantuntuni valaa nu mulira mboto.
Iramo nomulika pura-pura todea nu ngata ri dunia naliu uve oge.