Muli I Adam
5
Hitumo sunju-sunju nu muli i Adam.
Tempo Alatala nompajadi manusia,
ira nipajadiNa mpo lenjeNa mboto.
2 NipajadiNa langgai bo mombine.
Tempo ira nipajadi,
nidekeiNa rasi bo ira nipoposangaNa “manusia”.
3 Tempo i Adam noumuru 130 mpae,
ia nomulika saito ngana langgai mpo lenjena mboto,
anu nanjava tuamana.
Nipoposangana i Set.
4 Naupu i Set nipoanaka,
i Adam da natuvu 800 mpaepa bo nomulika ngana-ngana santanina,
langgai bo mombine.
5 I Adam noumuru 930 mpae pade namate.
6 I Set noumuru 105 mpae pade nomulika saito ngana langgai nosanga i Enos.
7 Naupu sia i Set da natuvu 807 mpaepa bo nomulika ngana-ngana santanina,
langgai bo mombine.
8 I Set noumuru 912 mpae pade namate.
9 I Enos noumuru 90 mpae pade nomulika saito ngana langgai nosanga i Kenan.
10 Naupu sia,
i Enos da natuvu 815 mpaepa bo nomulika ngana-ngana santanina,
langgai bo mombine.
11 I Enos noumuru 905 mpae pade namate.
12 I Kenan noumuru 70 mpae pade nomulika saito ngana langgai nosanga i Mahalaleel.
13 Naupu sia,
i Kenan da natuvu 840 mpaepa bo nomulika ngana-ngana santanina,
langgai bo mombine.
14 I Kenan noumuru 910 mpae pade namate.
15 I Mahalaleel noumuru 65 mpae pade nomulika saito ngana langgai nosanga i Yared.
16 Naupu sia,
i Mahalaleel da natuvu 830 mpaepa bo nomulika ngana-ngana santanina,
langgai bo mombine.
17 I Mahalaleel noumuru 895 mpae pade namate.
18 I Yared noumuru 162 mpae pade nomulika saito ngana langgai nosanga i Henokh.
19 Naupu sia,
i Yared da natuvu 800 mpaepa bo nomulika ngana-ngana santanina,
langgai bo mombine.
20 I Yared noumuru 962 mpae pade namate.
21 I Henokh noumuru 65 mpae pade nomulika saito ngana langgai nosanga i Metusalah.
22 Naupu sia,
i Henokh da natuvu novega nte Alatala 300 mpaepa bo nomulika ngana-ngana santanina,
langgai bo mombine.
23 Jadi i Henokh natuvu sampe noumuru 365 mpae.
24 Ia novega rapa nte Alatala bo domo ria ia,
apa niala nu Alatalamo.
25 I Metusalah noumuru 187 mpae pade nomulika saito ngana langgai nosanga i Lamekh.
26 Naupu sia,
i Metusalah da natuvu 782 mpaepa bo nomulika ngana-ngana santanina,
langgai bo mombine.
27 I Metusalah noumuru 969 mpae pade namate.
28 I Lamekh noumuru 182 mpae pade nomulika saito ngana langgai.
29 Niulina,
“Ngana hitu mompakalera rarata tempo kita nandasa nokarajaa ri tana anu nipindasi nTUPU.”
Sia sampe ia nompoposanga ngana haitu i Nuh.a
30 Naupu sia,
i Lamekh da natuvu 595 mpaepa bo nomulika ngana-ngana santanina,
langgai bo mombine.
31 I Lamekh noumuru 777 mpae pade namate.
32 I Nuh noumuru 500 mpae,
pade nomulika tatalu ngana langgai,
i Sem,
i Yafet,
bo i Ham.