Nufule enú
Súute
ŋɔ yɔɔ́ŋɔ́kɔ́
Bɛsana a bɛ́ ŋɔ yɔɔ́lɔ anyía bá lɔ́kɔ́máka bɔmbányɛ nyɛfana nyí nufule eenu
Bɛsana a bɛ́áŋa bɛɔ́ŋɔ́kɔ́nɔ́ e nufule eenu áŋa eé buúse bú belumitinine bekime ; aáná bɛ́ ŋa hɔánána na bɛsana ebí Bíel ŋɔ yɔɔ́ŋɔ́kɔ́ eeyé e nufule nɔ́ ɔláta, hɔlákáhɔ́láka ɛ ɛmbaká ífendí. Ne wuúci ne Bíel bá ma bɔ́ támba biité na baacɔ a bá ŋa bɔ́ sáasa bɛkɔ́tɛ́mákánɔ́ bí eékúnyi, beébe bakanda tusɔmɔ. Nufule nú Súute ŋo tóŋínyi o motóndóló anyía makɛ́nda ma afala áŋa ebébékénú yɛ́ asana a yá hɔ́la. Bekilísíten a bɔ́ŋa na nyiɔ́lɔ na mɔŋɔlɛ́ na ná Bandɔ́mɛsɛ́ ne né Yésus Kilís a makɛ́nda me Efúúménénú yí Elilé (20-21).