Nufule nɔ́ ɔkɔɔ́láta anɔ́
Sáaŋ
ŋɔ yɔɔ́ŋɔ́kɔ́
Bɛsana a bɛ́ ŋɔ yɔɔ́lɔ anyía bá lɔ́kɔ́máka bɔmbányɛ nyɛfana nyí nufule eenu
Muɔ́ŋɔ nufule eenu ŋa bɛ́lɔ́ŋɔ ɔsɛ wuúci « Waáŋá », bɔkɔ búmɔtɛ́ háyɛ e nufule nɔ́ ɔláta nɔ́ Sáaŋ. U ŋɔ yɔɔ́ŋɛ́ná ɔɔcɔ a wɔmɔtɛ́ nyiínyi ɛ́cɛ Káyus. Aáná bé ti ŋe ményi nyɛnama nyɛ́ ɔɔcɔ anyɛ́ waáta Káyus áŋa, ɛ tɛ ŋáa bá hú anyía u ŋe tétényi olumitinine buéŋí. Sáaŋ ŋeé lémbi Káyus na a asana ne úúyé olumitinine na a bɔmbányɛ abɔ́ u ŋa kɛla belumitinine, u káháka bekenyí. Yááŋa anyía ne nyisókóbi nyí belumitinine na nyɛkáha nyí bekenyí áŋa tubílícínyínyí e tú ŋo tóŋínyi ne nulénéne ne nyibíínjie o olumitinine noómi.