5
1 Ku bitondo bya nkungu nu nkiko, mibuto, tamukwiyanina buno musanzilwebyo. 2 Kubuno beinyuwe mubenyene mwizi buno busi bwa Mukota bwavwe anga bukuvwa mwibi mu kindi. 3 Kubuno nkungu zatende bantu bunee: “Kuli bubobelelo nu kibibi!” Mu nkungu zezo, kubiga kwababasile kitangalabesi, anga bukuvwaga lubaba lwa kubuta ku mwimisu, nu tabavwame kubutina. 4 Tondo inyuwe bansania muli bana ba kyengi nu bana ba mu musi. Tatuli ba mu kindi aba ba kapilo. 5 Inyuwe bansania muli bana ba kyengi nu bana ba musi. Tatuli ba kindi aba ba kapilo. 6 Umpanga, tatwiyombeke anga bango, tondo tukesiazi ntende nu twidange. 7 Kubuno babo beiyombeka, bakwiyombekaga mu kindi, nu babo bakukatagwa na maku bakukatagwa na maku mu kindi. 8 Tondo iswe beli ba musi, twidange, tuvwale ngabo za bukatizio nu lutundo ku bukuba; nu nkumbu zeitu zibe za kilemanizio kya lonio. 9 Kubuno Kalaga ntatusombwede ku bongoa, tondo kuba na lonio mu Mukota weitu Yesu Kristo, 10 wakule ku kabamba keitu, buno aba ndi tukukesia ntende, aba tukwiyombeka, tulame gamozi nage. 11 Ububo bobelezaniazi nu mulindaniazi bweinyubweinyu anga bumukukitaga.
Bulongeki nu Kusambizania Kuzinda
12 Tukumusengezia nunse, mibuto zeitu, buno mwanze babo bakukita mulimo munkatini mweinyu, u, babo bakumusondelezia mu Mukota nu bakumwana. 13 Mube nunse na lwanzo gamozi na lutundo kubeli, ku kabamba ka mulimo wabo. Mube na bubobelelo gamusamba.
14 Tukumusengezia lingo nunse, mibuto, anazi babo bakulama mu kazege, kasazi babo batamba magala, lindiazi basosu nu kwikalila bantu bansania. 15 Idangazi busoga, buno muntu wampa ntasubanizie munyage mibi ku ingo; tondo londazi kukita busoga bindi binsania, gamusamba nu ku bantu bansania.
16 Bogazibogazi bindi binsania, 17 segazi na komanizia, 18 simazi ku bitondo binsania, kubuno bubo, u, kusombola kwa Kalaga kumuli mu Kristo Yesu.
19 Tamuzibizie Muuza. 20 Tamubenge bulengania. 21 Tondo lindikazi bitondo binsania, kokomeziazi kukita buli busoga; 22 idekanukiazi na bubi bwa lukita na lukita.
23 Kalaga wa bubobelelo amuswagie nunse wenyene; nu kulama kweinyu kunsania, nu myuza zeinyu, nu mitima zeinyu, nu mibili zeinyu bilangwe geteli katati aaba nu ku nkungu za kuvwa kwa Mukota weitu Yesu Kristo! 24 Wozo wamumanine eli wisanana, nu we, u akabukita.
25 Mibuto zeitu, mutusegele.
26 Sambiziazi mibuto insania na mbogimbogi.
27 Nkumusengezia nunse mu Mukota, buno mukanda wono usomwe ku mibuto insania.
28 Mponga za Mukota weitu Yesu Kristo zibe gamozi n'inyuwe!