Kukengelezia Kuzinda kwa Paulo ku Bakorinto nu Kubalaga
13
1 Lilino u limbizi lyane lya masatu nkuvwa kumuli. Kitondo kinsania kitabizibwe kulembana na bukutenda balongeki babili aba basatu. a 2 Nalingile kumubula bubo kalazi, anga bunabezagako limbizi lya mabili, nu lelo gansiliko, nkumusambalila babo balingile kwaga nu bango bansania, buno ndi nasubya kumuli nsyamukwile kyombo, namukengelezia, 3 ku kitondo kya buno mukulonda kumenyinina nunse buno Kristo akutenda mundi, We utatamba kumuli, tondo uli na magala mumuli. 4 Kubuno atakilwe mu mutambo, tondo akulama ku magala ma Kalaga. Nu iswe twatamba mweli, tondo tukulamaga gamozi nage mu magala ma Kalaga ku kukita mumuli. 5 Idindikazi mubenyene buno ndi muli mu bukatizio, mwidolesie mubenyene, ndi Yesu Kristo eli mumuli. Ndi tabuligo, nti muli bengelezi. 6 Tondo nkulemanina buno mwamenye buno iswe tatwakindwa na lilyo idindiko. 7 Tondo tukusega Kalaga buno tamukite kitondo kinsania kibi, ta kubuno tumoneke tubenyene buno tuli bakindi, tondo buno mukite buli busoga, aba ndi nu iswe tunamoneka anga bakindwa. 8 Kubuno tatuli na bwangato kukita kitondo kyampa kya kubigia bulili, tondo tuli na bwangato kukita kikyo kya bulili. 9 Tukubogaboga ku nkungu zitwatamba, tondo inyuwe muli na magala; nu kitukusega mu masego meitu, u kusililila kweinyu. 10 Ku bubuno nkusanza bitondo bibino mu nkungu zinsili ko, buno ganabe ko, nsikite na bukali anga bwangato bunakasilwe na Mukota Yesu kumulindia, nu ta kumugusia.
11 Umpanga, mibuto zane, musililile; mube na mbogimbogi; mube na makengelo mamozi; mukasane magala; mulame mu bubobelelo; nu Kalaga wa lutundo nu bubobelelo abe gamozi n'inyuwe.
14 Mponga za Mukota Yesu Kristo, nu lutundo lwa Kalaga, nu mugomio wa Muuza Wasililila, bikale gamozi n'inyuwe bansania.