MALAKI 4

1 Nu atendile lingo bunee: “Kubuno busi bukuvwa; bukugulumina anga iyambi lya keiya, nu bantu bansania beli na lwikotio nu bansania bakukita bubi babe anga mampempe makama, nu busi bwavwe bwabagisie. Tabwasige mizi aba mikulukulu,” u bukutenda Yehowa, Mwiya Mayombo.

2 “Tondo ku inyuwe bakwanza izina lyane, Musi wa Kwisanana wasanuke, nu mwonibwe mu byupi byago, nu mwabase kumbuga nu kutumatuma anga kyana kya ngombe kikutuka mu mukumba. 3 Nu inyuwe mwanyante bantu babi, babe anga lwito kunsi kwa masindi meinyu, ku busi bunabukite,” u bukutenda Yehowa, Mwiya Mayombo.

4 “Kengelazi milembe za Musa mukiti wane, milembe nu makakizio manamukasile ku Horebu, ku baIsraeli bansania.

5 Lingo, nasinge mulengania Elia, lwabusio lwa kuvwa kwa busi bubo bunene nu bwa kwitia boba, u busi bwa Yehowa. 6 Nu we agalukye mitima za babuti ku bana babo, nu mitima za bana ku babuti babo; buno ninavwa kwita kisi na kisugo.”