Myango za Yona nu mponga za Kalaga
4
1 Tondo Yona einine mutima nu ongilwe. 2 Asegile Yehowa bunee: “Ee Yehowa, ndi nsyatendile bubuno ganabezaga mu kisi kyane? Ku kabamba kakano natinine ku Tarsisi, kubuno namenyine buno uwe uli Kalaga wa mponga, wiyala na kyombo, ntwasasie kongoa nu ukwiyania ku lusungio lwobe. 3 Kano kaluma, Yehowa, nkukusega buno nnite, kubuno lukuo luli lusoga kutinga kalamo kane.” 4 Yehowa amubuzizie bunee: “Ndi ukukita busoga kongoa?”
5 Nu Yona atukile mu mwino nu endile kwikala ku lulenge lwa kuntata kwa mwino. Eiyobakide lusu kuko, nu eikede mu mpololo zalo, buno amenye kikizi kyabe mu mwino. 6 Kalaga Yehowa asizie muzigi wa mbusu gantata lusu kukukila Yona na mpololo kwa kubotya kabebe kage. Nu Yona abogilebogile nunse na muzigi wa mbusu.
7 Tondo Kalaga asingile munsobobo mu kukya kwa busi; walide wozo muzigi wa mbusu, nu womine. 8 Mu kusanuka kwa busi Kalaga asingile lumpumpu lukuzuza bubibu kutuka ku lulenge lwa kuntata; musi wazuzizie itoe lya Yona bwigi kumwenzia kalengwe. Asegile buno akue nu atendile bunee: “Buli busoga kundi kukua kutinga kulama.”
9 Kalaga abwide Yona bunee: “Ndi ukukita busoga buukongoa ku kabamba ka muzigi wa mbusu?”
Akwide bunee: “Ee, nkubinga bunkongoa, aaba ku lukuo.”
10 Yehowa atendile bunee: “Ukukwila muzigi wa mbusu kyombo u gutayikile aba kwasia; wasile mu kindi kimozi, nu kuoma mu kindi kimozi; 11 nu Nne ndi nsinakua kyombo ku kabamba ka Ninawe, mwino munene; muli bantu kutinga tununu lukama nu makumi mabili (120.000 ) bateizi kulengania kuboko kwa seidume nu kwa seikazi, gamozi na nyama ningi?”