Bansania ganunazi Yehowa.
148
1 Ganunazi Yehowa! Ganunazi Yehowa kutukila kwigulu!
Ganunazi Yehowa ga kiziki kyasakama!
2 Muganunazi, inyuwe banzelo bage bansania.
Muganunazi, inyuwe mayombo mage mansania.
3 Muganunazi, musi nu mwezi.
Muganunazi, inyuwe nkeninkeni insania zikukelima.
4 Muganunazi, inyuwe igulu lya meigulu.
Nu inyuwe mazi meli mu mpelela.
5 Binsania biganune izina lya Yehowa,
Kubuno akakizizie nu binsania byabumbilwe.
6 Abibikile aaba ku milyalya na milyalya,
Abikile milembe nu tazinatinga.
7 Ganunazi Yehowa mu kisi,
Inyuwe nyama za mu bitatenge nu za biziba binsania.
8 Nu keiya nu mbula za lubula, nu mbula za teluji nu lutundutundu,
Nu kisoa kikuzindilizia idagi lyage,
9 Nu miduko nu tukililo tunsania,
Nu miti zikukolama biguma nu mierezi insania,
10 Nu nyama za mu lubanda nu bituganwa binsania,
Nu binsania bikugelegeta gansi nu tuzoni tukulenga.
11 Bakota ba kisi nu bantu bansania,
Nu bakulu nu ngatu insania za kisi.
12 Nu basikila nu bakinga,
Nu bakungu nu bana,
13 Baganune izina lya Yehowa,
Kubuno izina lyage tugu lili na lukumu nunse,
Lutanuno lwage luli gantata ga kisi nu igulu.
14 Nu We asakikile magala ma bantu bage,
Luganuno lwa basililila bage,
U baIsraeli, bantu beli bwigi nage.
Ganunazi Yehowa.