Kuganuna Yehowa.
138
1 Lwimbo lwa Davidi. Nakuganune, ee Yehowa, na mutima wane unsania.
Lwabusio lwa tulaga nakwimbile lwimbo.
2 Nakukumbamine ku numba zobe zasililila,
Nu naganune izina lyobe
Ku kabamba ka mponga zobe nu bulili bwobe,
Kubuno wasakikile idagi lyobe
Kutinga lukumu lwobe lunsania.
3 Busi bubo bunakulilide, wanitabide,
Wabikile magala mu mutima wane.
4 Ee Yehowa, bakota bansania ba kisi bakuganune,
Gabongwe ku moki ma kanua kobe.
5 Beimbile misagu za nzila za Yehowa,
Kubuno lutanuno lwa Yehowa luli lunene.
6 Yehowa eli kwigulu,
Tondo akumona muntu wozo ukwisigulizia.
Nu We eizi mwiya lwikotio kutukila bulazi.
7 Aba nkutabanga munkatini mwa kabebe, ukunkasa kalamo;
Walambye kuboko kwobe kuzibizia bongoa bwa beiti bane,
Nu kuboko kwobe kwa seidume kwanonie.
8 Yehowa azindilizie bitondo byane,
Ee Yehowa, kyombo kyobe kili kya milyalya;
Ntusige mulimo wa maboko mobe.