Kuganuna Kalaga ku mponga zage.
136
1 Ganunazi Yehowa, kubuno eli na mponga; Kubuno kyombo kyage kili kya milyalya.
2 Ganunazi Kalaga wa tulaga;
Kubuno kyombo kyage kili kya milyalya.
3 Ganunazi Mukota wa bakota;
Kubuno kyombo kyage kili kya milyalya.
4 We tugu ukukitaga migeleko minene;
Kubuno kyombo kyage kili kya milyalya.
5 We u wabumbile meigulu ku bumenyinino bwage;
Kubuno kyombo kyage kili kya milyalya.
6 We u wabumbile kisi gantata ga mazi;
Kubuno kyombo kyage kili kya milyalya.
7 We u wakitile byengi binene,
Kubuno kyombo kyage kili kya milyalya.
8 Kisongo kya busi kwangata mu musi,
Kubuno kyombo kyage kili kya milyalya.
9 Mwezi nu nkeninkeni kwangata mu kindi,
Kubuno kyombo kyage kili kya milyalya.
10 We u witile nkula za Misri,
Kubuno kyombo kyage kili kya milyalya.
11 Atikizye baIsraeli munkatini mwabo,
Kubuno kyombo kyage kili kya milyalya.
12 Na kuboko kwa magala kwalambibwa,
Kubuno kyombo kyage kili kya milyalya.
13 We u wabeganizie mazi ma Kitatenge Kyakisimana,
Kubuno kyombo kyage kili kya milyalya.
14 Asokezie baIsraeli munkatini mwakyo,
Kubuno kyombo kyage kili kya milyalya.
15 Tondo eitile Farao nu iyombo lyage mu Kitatenge Kyakisimana,
Kubuno kyombo kyage kili kya milyalya.
16 We u wasondelezizie bantu bage mu kalula,
Kubuno kyombo kyage kili kya milyalya.
17 We u witile bakota banene,
Kubuno kyombo kyage kili kya milyalya.
18 We u witile bakota babezaga na lukumu,
Kubuno kyombo kyage kili kya milyalya.
19 Sihoni mukota wa baAmoni,
Kubuno kyombo kyage kili kya milyalya.
20 Nu Ogi mukota wa Basani.
Kubuno kyombo kyage kili kya milyalya.
21 Kalaga akasenne kisi kyabo kibe bwiyani,
Kubuno kyombo kyage kili kya milyalya.
22 Kibe bwiyani bwa baIsraeli bakiti bage.
Kubuno kyombo kyage kili kya milyalya.
23 Atukengede mu nkungu za kubengwa kweitu
Kubuno kyombo kyage kili kya milyalya.
24 Atonezie na beiti beitu.
Kubuno kyombo kyage kili kya milyalya.
25 Akukasaga bibumbwa binsania idia lyabo.
Kubuno kyombo kyage kili kya milyalya.
26 Ganunazi Kalaga wa mwigulu!
Kubuno kyombo kyage kili kya milyalya.